Abdía 1:5 - Tupanaarü Ore

⁵ Rü nüma ya Cori ya Tupana rü ñanagürü: —Ngẽxguma ngẽma ngĩ́ta̱xagüxü̃ rü chütacü curü ngẽmaxü̃ca̱x nangĩ̱xgügu, rü taxũchima guxü̃ma i curü ngẽmaxü̃güca̱x nangĩ̱xgü. Rü ngẽxguma cuanewa nangugügu i úbaarü oarü buxruü̃gü nax nabugüãxü̃ca̱x i curü úbaarü o rü tá ñuxretama i curü úbaarü oxya̱xa cuanewa nayaxüxẽẽgü. Natürü ngẽma curü uanügü rü ngẽxguma cuxca̱x íyaxüãchigu rü taxúexü̃táma ngéma nayaxüxẽxẽ.

Abdía 1:5 Referans Kwoze

Yeremía 49:9

Rü ngẽxguma nabuxgüãgu i úbagü rü ngéma nayaxügüxẽxẽ i ñuxre i úbaya̱xagü. Rü ngẽxguma chütacü ngéma naxĩxgu i ngĩ́ta̱xagüxü̃ rü tama guxü̃ma i ngẽma úbagüca̱x nangĩ̱xgü. Rü naxca̱x nangĩgü i ngẽma nanaxwa̱xegüxü̃xicatama.

Wenaxarü naxümatü ga Tupanaarü mugü 24:21

Rü ngẽxguma perü úbaarü o pibuxgügu, rü tama name i wena nüxü̃ pidaugü i nachacüügü naxca̱x i norü o i ngéma yaxǘgüxü̃. Rü nüetama ngéma nangẽxmagü nax yíxema to i nachixü̃anecüã̱x ya petanüwa ngẽxmagüxe nabuxuxü̃ca̱x, rüe̱xna taxcutagü rüe̱xna yutegüxe tügüaxü̃́ nabuxgüxü̃ca̱x.

Ichaía 17:6

Rü ngẽma noxretama i oribugü i ngéma yaxüxü̃rüxü̃acü tá nixĩ i ngẽma noxre i duü̃xü̃gü ya yima ĩanegüwa yaxǘgüxü̃. Rü norü buxwena rü ngẽma taxre rüe̱xna tomaepü̱x i oribuarü o i natanüpe̱xewa rüe̱xna ngẽma ãgümücü rüe̱xna wüxime̱e̱xpü̱x i nachacüüpe̱xewa yaxüxü̃rüxü̃ tá nixĩ. Rü Cori ya Tupana ya Iraétanüxü̃arü Tupana nixĩ ya ngẽma ñacü.

Chofonía 2:15

Rü ngẽma tá nüxü̃ nangupetü ya yima ĩane ya nügü írütaxü̃ne rü norü poragu yaxõxü̃ne. Rü ngẽma duü̃xü̃gü i nawa maxẽxü̃ rü ñaãcü nidexagü rü ñanagürügü: “Taxuxü̃ma i nachixü̃ane i ñoma i naanewa ngẽxmaxü̃maxã nawüxigu i tochixü̃ane”, ñanagürügü. Natürü yima ĩane rü tá nangeãcu rü ngẽmaca̱x naeü̃gü i idüraexü̃ tá nawa namaxẽ. Rü ngẽma duü̃xü̃gü i norü ngaicamana chopetüxü̃ rü tá nüxü̃ nacugüe rü nanexáerugü.

Miquéa 7:1

Rü choma i Miquéa rü ñoma ngẽma nanetügüarü buxgüwena nanetü tayadauxü̃rüxü̃ chixĩ. Rü taxuxü̃ma ichayangau i úbagü rü igugü i changṍxchaü̃chiréxü̃.

Auxexü̃chiga 1:1

Ñu̱xma rü nangeãcumare ya daa ĩane ya Yerucharéü̃ ga ü̃pa muãcuchiréne. Rü ñoma wüxi i ngexü̃ i yutexü̃rüxü̃ nixĩ ya daa ĩane ga guxü̃nema ga Yudáanearü ĩanegüétüwa üchiréne. Rü guma ĩane ga tachirénearü duü̃xü̃gü rü ñu̱xma rü norü uanügüme̱xẽwa nangẽxma nax ngẽmagü poraãcü napuracüexẽẽxü̃ca̱x.

Yeremía 50:23

Babirónia rü ñoma wüxi i martíyurüxü̃ nixĩ naxca̱x i guxü̃ma i nachixü̃anegü i ñoma i naanewa ngẽxmagüxü̃, natürü Babirónia ga noxri martíyurüxü̃ ixĩxü̃ rü ñu̱xma rü marü nagu napogüe rü natüchixicatama ínayaxü. Rü ngẽma togü i nachixü̃anegü rü poraãcü naba̱i̱xãchi i ngẽxguma nüxü̃ nadaugügu i ngẽma taxü̃ i guxchaxü̃ i Babiróniaca̱x ínguxü̃.

Ichaía 24:13

Rü ñoma oribu ibuxuxguwena rü noxretama natanüwa yaxügüxü̃rüxü̃, rü ñoma úba ega norü buxguwena naxca̱x idaugügu i ngẽma noxretama i natanüwa yaxügüxü̃rüxü̃ tá nixĩ nax noxretama i duü̃xü̃gü íyaxügüxü̃ nawa i ngẽma nachixü̃anegü i ñoma i naanewa ngẽxmagüxü̃.

Ichaía 14:12

Cuma rü marü dauxü̃wa icurünguxü̃ Pa Babiróniaanearü Ãẽ̱xgacüx i Ñoma Ngunetüxü̃arü Woramacurirüxü̃ Ibáixchiréxex. Rü ñu̱xma rü curütáe i cumax nax muxü̃ i nachixü̃anegüxü̃ curüporamaexü̃.

2 Chamué 1:19

“Pa Iraétanüxü̃x, rü ngẽma cumaxã poraexü̃ rü ma̱xpǘneanegu nayue. Rü dücax i ñuxãcü nayue i ngẽma iporaexü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:10

Rü ngẽma ãẽ̱xgacügü rü ngẽxguma nüxü̃ nadaugügu i ngẽma ãũcümaxü̃ i norü poxcu ya yima ĩane rü norü muü̃maxã tá yáxü̃wa nüxü̃ narüdaunü, rü ñanagürügü tá: “Cungechaü̃tümüxü̃, Cungechaü̃tümüxü̃, Pa Taxü̃ne ya Ĩane ya Babirónia ya Guxü̃ i Nachixü̃anegümaxã Icuáxü̃nex. Erü wüxitama i oragu cuxca̱x ínangu i curü poxcu ya Tupana cuxca̱x íngu̱xẽẽxü̃”, ñanagürügü tá.

Yeremía 6:9

Rü Cori ya Tupana ya Guxãétüwa Ngẽxmacü rü ñanagürü: —Ngẽma Iraétanüxü̃ i íyaxügüxü̃, rü norü uanügü rü tá guxü̃ i nachicagu naxca̱x nayadaugü ñoma úbatanügu meama úbaca̱x idauxü̃rüxü̃ ñu̱xmata taxuxü̃ma i úba ngéma yaxü natanüwa —ñanagürü.

Abdía 1:9

Rü ĩane ya Temáü̃arü churaragü rü norü muü̃maxã tá nidu̱xrue. Rü Echaúarü máxpü̱xanexü̃wa rü guxü̃táma nayue rü taxũtáma maxü̃xü̃ i duü̃xü̃gü ínayaxü.