Abdía 1:16 - Tupanaarü Ore

¹⁶ Rü ñanagürü ta: —Pema, Pa Iraétanüxü̃x, rü chorü ma̱xpǘne ga chopata nawa yexmanewa rü poraãcü ngúxü̃ pingegü. Rü ngẽxgumarüxü̃ tá ta i ngẽma to i nachixü̃anegü rü ngúxü̃ ningegü rü ngẽmaãcü tá inayarüxogü. Rü ñoma taguma ñoma i naanewa nax nangóexü̃rüxü̃ tá nixĩgü.

Abdía 1:16 Referans Kwoze

Joel 3:17

Rü nüma ya Cori ya Tupana rü ñanagürü: —Pemax rü tá nüxü̃ picua̱xãchitanü nax choma i perü Cori ya Tupana rü yima chorü ma̱xpǘne ya Üünene ya Chióü̃wa chamaxü̃xü̃. Rü yima ĩane ya Yerucharéü̃ rü wüxi ya ĩane ya üünene tá nixĩ. Rü tagutáma wena to i nachixü̃anecüã̱xgü nagu nachocu.

Yeremía 49:12

Erü choma ya Cori ya Tupana rü ñachagürü: “Nayexma ga duü̃xü̃gü ga tama poxcu namaxã chaxueguxü̃ natürü tá napoxcueama. ¿Rü ñuxãcü nagu perüxĩnüe nax ngẽma poxcuxcha̱xwa tá pibuxmüxü̃? Rü pemaxã nüxü̃ chixu rü aixcüma tá pepoxcue.

Nüxíraxü̃xü̃ ga popera ga Pedru ümatüxü̃ 4:17

Rü ñu̱xma rü marü nawa nangu nax Tupana tüxna ca̱xaxü̃ i yixema nax naxacügü ixĩgüxü̃. Rü ngẽxguma tawa inaxügüãgu, rü ¿ñuxãcü tá nüxü̃ naxüpetü i ngẽma duü̃xü̃gü i tama naga ĩnüexü̃ i Tupanaarü ore i mexü̃?

Abacú 1:9

Rü ngexta íyaxĩẽtanüxü̃wa rü nayachixexẽẽgü i guxü̃ma rü muü̃ ínanguxẽẽgü. Rü yíxema duü̃xẽgü ya tüxü̃ ínayauxü̃xe rü tamuxũchi ñoma naxnücü ya márpechinüwa ngẽxmacürüxü̃.

Ichaía 42:14

Rü ñanagürü ga Tupana: —Mucüma ya taunecü rü ichayarüchiane rü taguma chidexa, natürü i ñu̱xma rü tá aita chaxü ñoma wüxi ya ngexe ya ngu̱xnecaxe rü íxraxacüchaü̃xerüxü̃.

Auxexü̃chiga 4:21

Pa Edóü̃anearü Ĩane ya Taxü̃nex, rü cuma i Úxanewa cungexmaxü̃ rü ñu̱xma toxü̃ cucugü. Natürü cuxca̱x rü tá ta ínangu i ngẽma guxchaxü̃ i ñu̱xma tingegüxü̃. Rü ngẽmagagu rü ñoma wüxi i duü̃xü̃ i ngãxü̃xü̃ rü ngexchiruxü̃rüxü̃ tá quixĩ.