Abdía 1:14 - Tupanaarü Ore

¹⁴ Rü yema ngunexü̃ ga nagu ngúxü̃ íyangegüxü̃gu rü pema rü taxũchima name ga yema namagü ga nügüwa ídapetüxü̃wa tüxü̃ penanguxẽxẽ nax tüxü̃ pedaixü̃ca̱x ga guxema ibuxmüxẽ. Rü yema ngunexü̃ ga nagu ngúxü̃ tingegüxü̃ ga guxema tümaarü uanügücha̱xwa ĩgüxe rü pema rü taxũchima name ga tüxü̃ ípeyauxü̃ nax nüxna tüxü̃ pemugüxü̃ca̱x ga tümaarü uanügü.

Abdía 1:14 Referans Kwoze

Abdía 1:12

Rü yema ngunexü̃ ga guxchaxü̃ nüxü̃ ngupetüxü̃gu ga peenexẽgü ga Acóbutanüxü̃, rü pemax, Pa Echaútanüxü̃, rü taxũchima name ga namaxã petaãẽgüama ga yema nüxü̃ ngupetüxü̃. Rü yema ngunexü̃ ga guxchaxü̃wa nagu nayexmagüxü̃gu ga Yudáanecüã̱xgü, rü taxũchima name ga pemax petaãẽgüama namaxã ga yema nüxü̃ ngupetüxü̃. Rü yexguma ngúxü̃wa nayexmagügu rü pema rü taxũchima name ga nüxü̃ pecugüeama.

Amúx 1:9

Rü nüma ya Cori ya Tupana rü ñanagürü ta: —Ngẽma Tírucüã̱xgü rü poraãcü chixexü̃ naxügü rü ngẽmaca̱x taxũtáma íchayachaxãchi nax chanapoxcuexü̃. Yerü nüma ga yema Tírucüã̱xgü rü woo nügümaxã nanaxuegu nax nügü tá nangü̃xẽẽgüxü̃, natürü nüma i Tírucüã̱xgü rü Edóü̃cüã̱xgüxü̃ tümamaxã nataxegüama ga ñuxre ga ĩaneãcugü ga guxema tümamaxã inaxügagüchiréxe

Amúx 1:6

Rü Cori ya Tupana rü ñanagürü ta: —Ngẽma Gáchacüã̱xgü rü poraãcü chixexü̃ naxügü rü ngẽmaca̱x taxũtáma íchayachaxãchi nax chanapoxcuexü̃. Yerü nüma ga Gáchacüã̱xgü rü ínanayauxü̃ ga wüxi ga ĩaneãcu ga duü̃xü̃gü, rü ñu̱xũchi Edóü̃cüã̱xgüxü̃ tümamaxã nayataxegü norü puracütanüxü̃ruxü̃.

Yeremía 30:7

Rü marü ningaica i ngẽma ngunexü̃ i ãũcümaxü̃chixü̃ i taguma nüxü̃ idauxü̃. Rü ngẽma ngunexü̃gu rü poraãcü tá ngúxü̃ ningẽgü i Iraétanüxü̃ i Acóbutanüxü̃ ixĩgüxü̃. Natürü i choma rü tá ngẽma ngúxü̃wa íchananguxü̃xẽxẽ.

Ichaía 37:3

Rü Ichaíamaxã nüxü̃ nixugüe ga ãẽ̱xgacüarü ore ga ñaxü̃: —Ñu̱xma rü wüxi i taxü̃ma i ãũcümaxü̃wa tangexmagü, rü tórü uanügü rü tamaxã naguxchigagü rü tüxü̃ nacugüe. Rü poraãcü ngúxü̃ tingegü ñoma wüxi i ngexü̃ i ixraxacüchaü̃xü̃ rü turaxü̃rüxü̃.

Wiyaegü 31:8

Cuma rü taxũtáma chorü uanüme̱xẽgu choxü̃ cunguxẽxẽ. Rü cha̱u̱xca̱x cunamexẽxẽ i wüxi i nachica i taxucürüwama nawa choxna nangugüxü̃.

Naanearü ügüchiga 35:3

¡Rü ngĩxã rü paxa itaxĩãchi nax Betéwa ixĩxü̃! Erü ngẽxma tá chanaxü i wüxi i ãmarearü guruxü̃ naxca̱x ya Tupana ga guxü̃wama ga ngextá íchaxũxü̃wa choxü̃ íxümücücü rü choxü̃ rüngü̃xẽẽcü ga yexguma guxchaxü̃wa chayexmagu —ñanagürü.

Ore i mexü̃ ga Matéu ümatüxü̃ 22:9

¡Rü yea ĩanearü namagü i taxü̃wa pexĩ, rü nüxna peyaxu i guxü̃ i duü̃xü̃gü i ngéma nüxü̃ pedauxü̃, nax núma chorü petawa naxĩxü̃ca̱x!” ñanagürü.

Ichaía 16:3

Rü ñaa oremaxã Yudáanearü ãẽ̱xgacüca̱x ínayachoõchi rü ñanagürügü: —Tanaxwa̱xe nax toxna cudauxü̃ rü toxü̃ ícupoxü̃xü̃. Rü tanaxwa̱xe i cuchipetamaxã toxü̃ quidüxü ñoma waanexü̃ tocuchigu üa̱xcü idüxüxü̃rüxü̃. ¡Rü wüxi i nachica i nagu ticu̱xgüxü̃ toxna naxã, rü taxṹ i naxme̱xgu toxü̃ cuyixẽẽxü̃ i torü uanügü!

Ichaía 16:4

¡Rü tauxcha nüxna naxã, Pa Ãẽ̱xgacüx, nax cuxü̃tagu yanacu̱xgüxü̃ca̱x i ngẽma Moátanüxü̃ i torü uanücha̱xwa ibuxmüxü̃! Rü ngẽxguma yacua̱xgu i ngẽma guxchaxü̃gü rü ngẽma uanü marü yaxũgachigu, rü nüma rü tá ñoma i naanewa inarütaxu —ñanagürügü.