Abdía 1:13 - Tupanaarü Ore

¹³ Rü pema rü taxũchima name ga nagu pechocu ga chorü ĩane ga Yerucharéü̃ ga yexguma guxchaxü̃wa nayexmayane. Rü taxũchima name ga petaãẽgüama namaxã ga yema guxchaxü̃gü ga nüxü̃ ngupetüxü̃. Rü taxũchima name ga naxca̱x pengĩ́e ga norü yemaxü̃gü ga yexguma guxchaxü̃wa nayexmayane.

Abdía 1:13 Referans Kwoze

Chacaría 1:15

Rü yexguma ñuxre ga taunecü namaxã chanuxgu ga chorü ĩane rü poxcu namaxã chaxuegu ga yema Yerucharéü̃cüã̱xgü. Natürü yema togü ga nachixü̃anegücüã̱x ga yéma chamugüxü̃ rü nanangupetüxẽxẽ ga yema poxcu ga Yerucharéü̃maxã chaxueguxü̃. Rü ngẽmaca̱x poraãcü namaxã chanu i ngẽma togü i nachixü̃anegü i nügü írüporaexü̃ rü taxuguma rüxĩnüexü̃.

Echequié 35:10

‘Rü cumax, Pa Ma̱xpǘne ya Cheíx, rü ñacurügü: Ngẽma Iraéane rü Yudáane rü chaugüaxü̃́ tá chanade rü choxrü tá nixĩgü. Rü choma tá nixĩ i norü yora woo Cori ya Tupana rü nawa ngẽxmaxü̃ rü ngéma maxü̃.

Echequié 35:5

Rü cuma rü guxü̃guma Iraétanüxü̃arü uanü quixĩ. Rü yexguma norü pecadugügagu chanapoxcueyane, rü cuma rü cuyoxnie nax naxca̱x ícuyagoõchixü̃.

Wiyaegü 22:17

Rü nango̱x ya guxü̃nema ya chauxchina̱xãremügü, rü ngẽmaca̱x chayaxugü. Rü ngẽma chorü uanügü rü choxü̃ narüdaunüecha.

2 Chamué 16:12

Natürü ngẽxguma Cori ya Tupana choxü̃ da̱u̱xgu nax ngúxü̃ chingexü̃, rü bexmana mexü̃maxã tá choxü̃́ nanaxüchicüxü i ñaa chixexü̃ i ñu̱xma nüxü̃ chaxĩnüxü̃ —ñanagürü.

Yeremía 46:21

Pa Equítuanecüã̱xgüx, ngẽma perü churaragü i nüxü̃́ penaxütanüxü̃ nax pexü̃ nangü̃xẽẽgüxü̃ca̱x i daiwa rü ngẽmagü rü ñoma wocaxacügü i ngüexü̃rüxü̃ nixĩgü. Natürü i nümagü rü tá ta nibuxmü, rü taxucürüwa yáxna namaxã naxĩnüe i ngẽma uanü. Erü marü nawa nangu i ngẽma ngunexü̃ i nagu tá guxchaxü̃ pexca̱x ínguxü̃ rü ngẽma ora i nagu pepoxcuexü̃.

Echequié 36:2

Rü choma ya Cori ya Tupana rü ñachagürü: “Ngẽma Iraétanüxü̃arü uanügü rü nagu narüxĩnüe nax marü noxrü yixĩxü̃ i guxü̃ma i Iraéanearü naane.

Echequié 36:3

¡Rü ñu̱xma rü chauégagu namaxã idexa rü ñanagürü nüxü̃!: ‘Cori ya Tupana rü ñanagürü: Ñu̱xma rü guxü̃ i nachixü̃anewa ne ĩxü̃ i duü̃xü̃gü rü pexca̱x ínayachoõchi nax yadaiãxü̃ca̱x i perü duü̃xü̃gü. Rü guxü̃ma i ngẽma togü i nachixü̃anegüarü duü̃xü̃gü rü noxrüxü̃ pexü̃ nixĩgüxẽxẽ. Rü pexü̃ nacugüe rü pegu nidauxcüraxü̃gü.

Yox 31:29

Rü yexguma guxchaxü̃ naxca̱x ínguxgu ga yema chorü uanü rü taguma yemaca̱x chataãxẽ.