Abdía 1:12 - Tupanaarü Ore

¹² Rü yema ngunexü̃ ga guxchaxü̃ nüxü̃ ngupetüxü̃gu ga peenexẽgü ga Acóbutanüxü̃, rü pemax, Pa Echaútanüxü̃, rü taxũchima name ga namaxã petaãẽgüama ga yema nüxü̃ ngupetüxü̃. Rü yema ngunexü̃ ga guxchaxü̃wa nagu nayexmagüxü̃gu ga Yudáanecüã̱xgü, rü taxũchima name ga pemax petaãẽgüama namaxã ga yema nüxü̃ ngupetüxü̃. Rü yexguma ngúxü̃wa nayexmagügu rü pema rü taxũchima name ga nüxü̃ pecugüeama.

Abdía 1:12 Referans Kwoze

Miquéa 4:11

Ñu̱xma rü marü muxü̃ i nachixü̃anecüã̱xgü cuxca̱x nügü nanutaque̱xegü rü ñanagürügü: —Rü tá tataãxẽgü i ngẽxguma nüxü̃ idaugügu nax guxchaxü̃gu nanguxü̃ i Yerucharéü̃ —ñanagürügü.

Echequié 35:15

Rü cuma rü poraãcü cutaãxẽ ga yexguma nagu yanachixegu ga yema naane ga Iraétanüxü̃ noxrüxü̃ yauxgüxü̃. Natürü ngẽma guxcha tátama nixĩ i pexü̃ ngupetüxü̃ Pa Cheíarü Ma̱xpǘnex, rü guxü̃ma i curü naane Pa Edóü̃x. Rü ngẽma curü naane rü chianexü̃xü̃ tá nayanguxuchi. Rü ngẽxguma i curü duü̃xü̃gü rü tá nüxü̃ nicua̱xãchitanü nax choma chixĩxü̃ ya Cori ya Tupana’ ” —ñanagürü.

Ucu̱xẽgüchiga 17:5

Texé ya yíxema ngearü diẽruã́xẽxü̃ cugüxe, rü chixexü̃ taxü nape̱xewa ya Tupana ya ngearü diẽruã́xẽxü̃ ngo̱xẽẽcü, rü tá tapoxcu ya yíxema taãẽxe i ngẽxguma guxchaxü̃ tüxü̃ üpetügu ya yíxema ngearü diẽruã́xẽ.

1 Chamué 2:3

Rü tama name i texé tügü ticua̱xüxü̃ i ngẽxguma tidexagu rü tama name i tügü ítarüta, erü Cori ya Tupana ya Guxü̃xü̃ma Cuáxcü rü nanangugü i guxü̃ma i ngẽma naxüxü̃ i wüxichigü i duü̃xü̃.

Norü taxre ga popera ga Pedru ümatüxü̃ 2:18

Rü ngẽma ngu̱xẽẽruü̃netagü rü nügü yacua̱xüü̃güãcüma ore i taxuwama mexü̃maxã nidexagü. Rü tüxü̃ nixucu̱xẽgü nax tümaxü̃nearü ngúchaü̃gu taxĩxü̃ca̱x ya yíxema ngexwaca nüxü̃ rüxoexe i ngẽma chixexü̃ i nacüma.

Popera ga Yúda ümatüxü̃ 1:16

Rü ngẽma duü̃xü̃gü i norü doramaxã petanügu chocuxü̃ rü ta̱xacüca̱x idexagüwa̱xexüchixü̃ nixĩgü, rü toguã̱xü̃ ixuxwa̱xegüxüchixü̃ nixĩgü. Rü ngẽma duü̃xü̃gü rü noxrütama ngúchaü̃ca̱x daugüxü̃ nixĩgü. Rü nügü icua̱xüü̃güxü̃ nixĩgü. Rü nümaxü̃ mea tümachiga nidexagüneta ya duü̃xẽgü, nax tümaxü̃tawa ta̱xacü nayauxgüxü̃ca̱xmare.

Wiyaegü 37:13

Natürü nüma ya Cori ya Tupana rü nüxü̃ nacugü. Erü nüxü̃ nacua̱x nax marü yangaicaxü̃ i norü poxcu i ngẽma duü̃xü̃gü i chixexü̃gu rüxĩnüexü̃.

Wiyaegü 31:18

Rü ngẽmaãcü tá narüchianegü i ngẽma duü̃xü̃gü i dorata̱a̱xgüxü̃ i cugüwa̱xegüxü̃ rü to̱xguã̱xü̃ oexü̃ rü tümamaxã guxchigawa̱xegüxü̃ ya yíxema mexẽ ya duü̃xẽgü.

Wiyaegü 22:17

Rü nango̱x ya guxü̃nema ya chauxchina̱xãremügü, rü ngẽmaca̱x chayaxugü. Rü ngẽma chorü uanügü rü choxü̃ narüdaunüecha.

Yox 31:29

Rü yexguma guxchaxü̃ naxca̱x ínguxgu ga yema chorü uanü rü taguma yemaca̱x chataãxẽ.

Yema Cuáü̃ nüxü̃ dauxü̃ i yixcüra tá ngupetüxü̃chiga 13:5

Natürü tama yema ngo̱xona nanachu̱xu nax nügü yacua̱xüxüxü̃ca̱x rü chixri Tupanachiga yadexaxü̃ca̱x. Rü yema ngo̱xona naxã ga pora nax 42 ga tauemacü ãẽ̱xgacü yixĩxü̃ca̱x.

Popera ga Chantiágu ümatüxü̃ 3:5

Rü ngẽxgumarüxü̃ ta nixĩ ya tórü conü rü woo nax naxírachiréxü̃, natürü poraxü̃ i orexü̃ nixu. Rü wüxitama i üxüarü ya̱u̱xraxü̃ i íraxü̃wa inaxügü nax yaxãxü̃ i taxü̃ma i naane. Rü tórü conü rü ñoma wüxi ya üxürüxü̃ nixĩ. Rü taxünewa rü wüxi i taxü̃ i chixexü̃ nixĩ ya yimá tórü conü erü nanachixexẽxẽ i guxü̃ma i tórü maxü̃. Rü ngẽma Tupana ngo̱xogüxü̃ ípoxcuexü̃gune ya üxüemawa ne naxũ i ngẽma chixexü̃ i namaxã yadexaxü̃ ya tórü conü. Rü ngẽma chixexü̃maxã nanachixexẽxẽ i guxü̃ma i tórü maxü̃.

Ore i mexü̃ ga Luca ümatüxü̃ 19:41

Rü yexguma Yerucharéü̃arü ngaicamana nanguxgu ga Ngechuchu, rü gumá ĩaneca̱x naxaxu.

Auxexü̃chiga 4:21

Pa Edóü̃anearü Ĩane ya Taxü̃nex, rü cuma i Úxanewa cungexmaxü̃ rü ñu̱xma toxü̃ cucugü. Natürü cuxca̱x rü tá ta ínangu i ngẽma guxchaxü̃ i ñu̱xma tingegüxü̃. Rü ngẽmagagu rü ñoma wüxi i duü̃xü̃ i ngãxü̃xü̃ rü ngexchiruxü̃rüxü̃ tá quixĩ.

Ichaía 37:24

Rü ngẽma curü orearü ngeruü̃güwa rü chomaxã cuguxchiga rü ñacurügü: ‘Choma rü muxü̃nema ga chorü carugü ga daiwexü̃gümaxã ma̱xpǘnegüétügu chaxĩnagü ñu̱xmata yema pinunecüane ga Líbanuanewa yexmagünewa changu. Rü chayaye ga gumá ocayiwagü ga rümáchanemaegüne rü pinugü ga rümemaegüne. Rü ma̱xpǘnegü ga rümáchanemaegüneétügu chaxĩnagü nawa ga yema norü naixnecü ga mexẽchixü̃ ga ñoma putüraanecürüxü̃ ixĩxü̃.

Wiyaegü 92:11

Rü tá choxü̃ nüxü̃ cudauxẽxẽ nax poxcu namaxã cuxueguxü̃ i chorü uanügü. Rü choma rü tá nüxü̃ chaxĩnü i norü axu i ngẽma chixri maxẽxü̃.

Wiyaegü 59:10

Rü cuma nixĩ i chorü Tupana ya choxü̃ ngechaü̃cü. Rü chope̱xegu tá quixũ nax choxü̃ nüxü̃ cudauxẽxẽxü̃ca̱x i ngẽxguma nüxü̃ choxü̃ curüporamaexẽxẽgu i ngẽma chomaxã rüxuanügüxü̃.

Wiyaegü 54:7

Rü cuma rü choxü̃ ícunguxuchixẽxẽ nawa i guxü̃ma i chorü guxchaxü̃gü. Rü chauxetümaxã nüxü̃ chadau nax chorü uanügüxü̃ curüporamaexü̃.

Yox 18:20

Rü ngẽma duü̃xü̃gü i éstewa ngẽxmagüxü̃ rü ngẽma oéstewa ngẽxmagüxü̃ rü ngẽxguma nüxü̃ nacuáchigagügu i ngẽma ngupetüxü̃ namaxã i ngẽma chixexü̃ i duü̃xü̃ rü tá naba̱i̱xãchie rü namuü̃e.

Wiyaegü 35:15

Natürü yexguma guxchaxü̃ cha̱u̱xca̱x ínguxgu, rü nümagü rü naxĩtaque̱xe rü choxü̃ nacugüe ñoma tama choxü̃ nacua̱xgüxü̃rüxü̃. Rü yemaacü chixexü̃maxã choxü̃ nixugüecha.

Auxexü̃chiga 2:16

Rü ñu̱xmax, Pa Yerucharéü̃x, rü guxü̃ma i curü uanügü rü chixexü̃ cumaxã nixugüe. Rü cuxü̃ naxãũxü̃negüãcüma cuxna nawíxgüe rü ñanagürügü: —Marü meama nagu tapogüe ya yima ĩane. Rü ñaa nixĩ ga yema ngunexü̃ ga írüngu̱xẽẽxü̃, rü ñu̱xma rü düxwa nüxü̃ tadau —ñanagürügü.

Echequié 35:12

Rü ngẽxguma i cuma rü tá nüxü̃ cucua̱x nax choma ya Cori ya Tupana rü marü nüxü̃ chaxĩnüxü̃ ga guxü̃ma ga yema ore ga chixexü̃ ga yema Iraéanearü máxpü̱xanegüchiga nüxü̃ quixuxü̃. Erü cuma rü ñacurügü: Ngẽma Iraéane rü chianexü̃mare nixĩ i ñu̱xma, rü ngẽmaca̱x tüxü̃́ natauxcha nax tóxrüxü̃ nayaxuxü̃, ñacurügü.

Echequié 36:5

Erü Cori ya Tupana rü ñanagürü: Choma rü chorü numaxã chidexa ga yexguma poxcu namaxã chaxueguxgu ga yema togü ga nachixü̃anegü. Rü yexera yema Edóü̃chixü̃aneca̱x nixĩ i ngẽma poxcu yerü taãẽãcüma nügüaxü̃́ nanayauxgü ga chorü naane rü ñu̱xũchi chorü duü̃xü̃gü ga Iraétanüxü̃xü̃ nacugüeãcüma norü naanegüwa nayabuxgü ga nanetügüarü o rü nayagagü ga naxü̃nagü’ ” —ñanagürü.