Abdía 1:10 - Tupanaarü Ore

¹⁰ Rü pemax, Pa Edóü̃anecüã̱xgüx, chixri namaxã pechopetü ga petanüxü̃ ga Acóbutanüxü̃ rü penadai. Rü ngẽmaca̱x tá pexü̃ chaxãneexẽxẽ rü tá pexü̃ chadaixüchi.

Abdía 1:10 Referans Kwoze

Amúx 1:11

Rü Cori ya Tupana rü ñanagürü ta: —Yema Edóü̃cüã̱xgü rü poraãcü chixexü̃ naxügü rü ngẽmaca̱x taxũtáma íchayachaxãchi nax chanapoxcuexü̃. Yerü yema natanüxü̃ ga Iraétanüxü̃we nangegü taramaxã rü tama nüxü̃́ nangechaxü̃tümüxü̃güãcüma nanadaiama. Yerü poraãcü namaxã nanue rü tama namaxã narüngüxmügü.

Echequié 35:9

Rü ngẽma curü naane rü guxü̃gutáma nachica i chianexü̃xü̃ chayanguxuchixẽxẽ. Rü curü ĩanegüwa rü taxuxü̃táma i duü̃xü̃ nagu naxãpata. Rü ngẽxguma tá nixĩ i nüxü̃ picua̱xãchitanüxü̃ nax choma yixĩxü̃ ya Cori ya Tupana’.

Wiyaegü 89:45

Rü marü cunanuxẽxẽ i norü maxü̃, rü poraãcü cunaxãneexẽxẽ.

Naanearü ügüchiga 27:41

Rü yexgumacürüwa ga Echaú rü Acóbuchi naxai naxca̱x ga yema mexü̃ ga Acóbumaxã taxueguxü̃ ga nanatü. Rü nüma ga Echaú rü ñaxü̃gu narüxĩnü: —Papa rü paxa tá tayu, rü tümawena rü tá chayama̱x ya chauenexẽ ya Acóbu —ñaxü̃gu narüxĩnü.

Wiyaegü 137:7

Pa Cori Pa Tupanax ¡taxṹ i cunangupetüxẽxẽmarexü̃ nax cupoxcuexü̃ i ngẽma Edóü̃tanüxü̃ ga Babiróniacüã̱xgüxü̃ muxü̃ nax noxtacüma iyanaxoxü̃ca̱x ga torü ĩane ga Yerucharéü̃!

Miquéa 7:10

Rü ñu̱xũchi nüma i ngẽma chorü uanü rü tá nüxü̃ nadau i ñuxãcü Tupana choxü̃ rüngü̃xẽẽxü̃ rü ngẽmaca̱x tá poraãcü naxãnee. Rü nüma i ngẽma chorü uanü rü choxü̃ ñanagürüchire̱x: —¿Ngexcü nixĩ ya yimá curü Cori ya Tupana? —ñanagürüchire̱x. Natürü wüxi i ngunexü̃ rü tá chataãxẽ i ngẽxguma nüxü̃ chada̱u̱xgu nax nagu napúgüxü̃ i chorü uanü ñoma namaarü ãcharaxü̃gu napúgüxü̃rüxü̃.

Joel 3:19

Rü Equítuane rü tá nachixe, rü Edóü̃ane rü wüxi i naane i ngextá taxúema íxãpataxü̃warüxü̃ tá nixĩ. Yerü Yudáchixü̃aneca̱x ínayaxüãchi rü nanadai ga duü̃xü̃gü ga taxuxü̃ma chixexü̃ ügüxü̃.

Echequié 7:18

Rü guxãtáma tümachiru i techaraxü̃gu ticu̱xgü erü ngechaü̃wa tangexmagü. Rü guxü̃watáma tidu̱xruxünegü rü ãnemaxã tanadeãchichametügü. Rü guxãtáma tügü tidüxpü̱xüerugü.

Auxexü̃chiga 4:21

Pa Edóü̃anearü Ĩane ya Taxü̃nex, rü cuma i Úxanewa cungexmaxü̃ rü ñu̱xma toxü̃ cucugü. Natürü cuxca̱x rü tá ta ínangu i ngẽma guxchaxü̃ i ñu̱xma tingegüxü̃. Rü ngẽmagagu rü ñoma wüxi i duü̃xü̃ i ngãxü̃xü̃ rü ngexchiruxü̃rüxü̃ tá quixĩ.

Yeremía 51:51

Rü pema rü ñaperügügü: “Toma rü taxãnee i ngẽxguma nüxü̃ taxĩnüegu i ñuxãcü chixexü̃ tomaxã yaxugüexü̃ i duü̃xü̃gü. Rü ãnemaxã togü tidüchametügü, yerü yema to i nachixü̃anecüã̱xgü rü nagu nachocu ga yema nachicagü ga Tupanapatawa yexera üünexü̃”, ñaperügügü.

Yeremía 49:13

Choma ya Cori ya Tupana rü chauégagu pemaxã nüxü̃ chixu rü yima perü ĩane ya Bochrá rü wüxi i chianexü̃ tá nixĩ rü nachitaü̃ica tá ínayaxü. Rü ngẽma togü i nachixü̃anecüã̱x i duü̃xü̃gü rü chixri yima ĩanechiga tá nidexagü, rü tá namaxã naba̱i̱xãchie, rü tá nüxü̃ nacugüe. Rü yima ĩane rü tá nangeãcumare. Rü guxü̃nema ya yima naigü ya Edóü̃anearü ĩanegü rü guxü̃gutáma nachitaü̃ica ínayaxü” —ñanagürü.

Yeremía 3:25

Rü ñu̱xma tarümaxãchitanü rü poraãcü taxãnee erü torü chixexü̃gütüxü̃wa tangexmagü. Yerü yexguma ibuegucürüwa rü ñu̱xma rü ta wüxigu guxemagü nũxcümaü̃güxe ga torü o̱xigümaxã Cori ya Tupanape̱xewa chixexü̃ taxügüecha rü taguma naga taxĩnüe —ñanagürügü.

Wiyaegü 132:18

Rü norü uanügü rü poraãcü tá chanaxãneexẽxẽ. Natürü i nüma ya ãẽ̱xgacü rü tá chanataxẽxẽ rü tá nüxna chanaxã i taxü̃ i pora —ñanagürü ga Cori ya Tupana.

Wiyaegü 109:29

Rü ngẽma chorü uanügü rü name nixĩ nax poraãcü naxãneexü̃. ¡Rü ngẽma norü ãne rü noxtacüma yadü̱xã i naxü̃ne ñoma wüxi i naxchirumaxã idü̱xü̱xü̃rüxü̃!

Wiyaegü 69:7

Rü cuxca̱x nixĩ ga chomaxã naguxchigagüxü̃ rü poraãcü ãne chingexü̃.

Naanearü ügüchiga 27:11

Natürü nüma ga Acóbu rü naéü̃ nangãxü̃ rü ñanagürü: —Chauenexẽ rü naxãxta̱xaxü̃ne, natürü choma rü tama ngẽxgumarüxü̃ chixĩ.

Wenaxarü naxümatü ga Tupanaarü mugü 23:7

Natürü ngẽma Edóü̃tanüxü̃ rü tama name nax naxchi pexaiexü̃ erü nümagü rü petanüxü̃ nixĩgü. Rü ngẽxgumarüxü̃ ta i ngẽma Equítuanecüã̱xgü rü tama name nax naxchi pexaiexü̃, yerü pemax rü mucü ya taunecü nachixü̃anewa pemaxẽ.

Norü taxre ga to ga popera ga ãẽ̱xgacügüchiga ümatüxü̃ 28:17

Yerü ga Edóü̃cüã̱xgü rü wenaxarü Yudáanegu nachocu, rü Yudácüã̱xgüxü̃ nadai. Rü ñuxre ga duü̃xẽgü tüxü̃ ínayauxü̃.

Ucu̱xẽgüchiga 10:6

Yimá yatü ya mea maxü̃cü, rü Tupana tá nüxü̃ narüngü̃xẽxẽ, natürü ngẽma yatü i chixexü̃gu maxü̃xü̃, rü norü chixexü̃ namaxã inacua̱x.

Wenaxarü naxümatü ga Tupanaarü mugü 23:8

Rü ngẽma Edóü̃tanüxü̃ rü Equítuanecüã̱xgü rü marü name nax nataagüxacügü rü Tupanaarü duü̃xü̃güarü ngutaque̱xegu nachocu.

Ucu̱xẽgüchiga 17:5

Texé ya yíxema ngearü diẽruã́xẽxü̃ cugüxe, rü chixexü̃ taxü nape̱xewa ya Tupana ya ngearü diẽruã́xẽxü̃ ngo̱xẽẽcü, rü tá tapoxcu ya yíxema taãẽxe i ngẽxguma guxchaxü̃ tüxü̃ üpetügu ya yíxema ngearü diẽruã́xẽ.

Yeremía 12:14

Rü Cori ya Tupana rü ñanagürü: —Rü ngẽma togü i nachixü̃anecüã̱xgü i chixecümaxü̃ i Iraéanena ngaicamagüxü̃ rü marü nanachixexẽxẽ i ngẽma naane i Iraétanüxü̃na chaxãxü̃ nax guxü̃guma norü yixĩxü̃ca̱x. Rü choma rü norü naanewa tá íchanawoxü̃ i ngẽma togü i nachixü̃anegüarü duü̃xü̃gü i chixecümaxü̃. Rü ngẽma nachixü̃ane i nawa Yudáanecüã̱xgüxü̃ nagagüxü̃, rü choma rü tá ngẽma nachixü̃anewa íchanagaxü̃ i ngẽma Yudáanecüã̱xgü nax norü naaneca̱x nawoeguxü̃ca̱x.

Auxexü̃chiga 4:22

Pa Ĩane ya Chióü̃x, curü poxcu rü marü ngẽxma nayacua̱x. Rü nüma ya Cori ya Tupana rü taxũtáma wena to i nachixü̃anewa nanagagü i curü duü̃xü̃gü. Natürü cumax, Pa Edóü̃anearü Ĩane ya Taxü̃nex, rü curü chixexü̃ca̱x Tupana tá cuxü̃ napoxcu, rü ngóxü̃wa tá nanange i curü pecadugü.