Abacú 3:3 - Tupanaarü Ore

³ Rü nüxü̃ chadau ya Cori ya Tupana i Temáü̃anewa ne naxũxü̃ nawa ya yima Paráü̃arü ma̱xpǘne. Rü dauxü̃guxü̃ i naane rü norü üünemaxã nanapá. Rü guxü̃ma i ñoma i naanewa ngẽxmagüxü̃ rü nüxü̃ nicua̱xüü̃gü.

Abacú 3:3 Referans Kwoze

Wenaxarü naxümatü ga Tupanaarü mugü 33:2

—Cori ya Tupana rü ma̱xpǘne i Chinaíwa ne naxũ. Rü yexguma máxpü̱xanexü̃ i Cheíwa tachopetügu rü tüxü̃ nibáixmaxü̃. Rü yema norü nangóonexü̃ rü máxpüxanexü̃ i Paráü̃wa nanguema, rü ñu̱xmata Meribá-cadéwa nangu. Rü norü tügüneme̱xẽgu nayange i norü mugü i ya̱u̱xracüüxü̃. Rü 10,000 i dauxü̃cüã̱x i norü duü̃xü̃gümaxã ngéma ne naxũ.

Abdía 1:9

Rü ĩane ya Temáü̃arü churaragü rü norü muü̃maxã tá nidu̱xrue. Rü Echaúarü máxpü̱xanexü̃wa rü guxü̃táma nayue rü taxũtáma maxü̃xü̃ i duü̃xü̃gü ínayaxü.

Amúx 1:12

Rü ngẽmaca̱x tá üxümaxã chayagu i Temáü̃ane. Rü ngẽma üxüema tá nixĩ ya yima Bochráarü ãẽ̱xgacüpatagü iguxü̃ne —ñanagürü ga Cori ya Tupana.

Wiyaegü 4:4

¡Rü nüxü̃ pemuü̃e rü nüxü̃́ iperüxĩnüe! ¡Rü marütama nax chixexü̃ pexügüxü̃! Rü ngẽxguma ipeyacaxãchitanügu i perü pechicaxü̃wa, ¡rü peãxẽwa pegü pengugü nax ñuxãcü yixĩxü̃ i perü maxü̃ i Tupanape̱xewa!

Yeremía 49:7

Ñaa nixĩ i Cori ya Tupana ya Guxãétüwa Ngẽxmacüarü ore nachiga i Edóü̃ane. Rü ñanagürü: —Yima ĩane ya Temáü̃wa rü marü nataxuma i duü̃xü̃gü i aixcüma nüxü̃ cua̱xüchixü̃. Rü ngẽma nüxü̃ cuáxüra rü tama nüxü̃ nacua̱x i ta̱xacü tá naxügüxü̃. Rü Temáü̃wa nataxuma i duü̃xü̃gü i aixcüma nüxü̃ cuáxü̃ nax naxucu̱xẽãxü̃ i duü̃xü̃gü.

Ichaía 6:3

Rü guxü̃ma ga yema daxũcüã̱x rü nügü ñanagürügü: —Naxüüne, naxüüne, naxüüne ya Cori ya Tupana ya Guxãétüwa Ngẽxmacü. Rü ngẽma norü üüne rü ñoma i naane namaxã nanapá —ñanagürügü.

Wiyaegü 68:17

Rü nüma ya Tupana rü guxü̃nema ya naweü̃maxã Chinaíarü ma̱xpǘnewa ínaxũxũ nax napata ya Chióü̃wa ngẽxmanewa naxũxü̃ca̱x.

Wenaxarü naxümatü ga Tupanaarü mugü 5:24

Rü ñaperügügü choxü̃: “Rü aixcümaxü̃chi ya Cori ya tórü Tupana rü tüxü̃ nanawe̱x i norü üüne rü norü pora, rü ñu̱xũchi nüxü̃ taxĩnüe ga naga ga guma üxüemaarü ngãxü̃wa inaxũxü̃. Rü ñu̱xmawaxix nixĩ i nüxü̃ tacuáxü̃ nax tama nayuxü̃ i wüxi i duü̃xü̃ ega Tupana namaxã idexagu.

Ichaía 64:3

Rü yexguma guma ma̱xpǘnegügu ícurüxĩ̱xgu rü Moichépe̱xewa cunaxüxgux ga yema ãũcümaxü̃ ga tama duü̃xü̃gü nagu irüxĩnüexü̃, rü guma ma̱xpǘnegü rü cupe̱xewa nixĩãxtanücüxü.

Wiyaegü 48:10

Pa Tupanax, guxü̃wama i ñoma i naanewa rü cuxü̃ nicua̱xüü̃gü, rü nüxü̃ nicua̱xüü̃gü i cuéga. Rü yima curü tügünechacüüarü poramaxã mea tomaxã icucua̱x.

Wiyaegü 9:20

Pa Corix ¡namuü̃exẽxẽ i ngẽma tama cuxü̃ cua̱xgüxü̃! ¡Rü nüxü̃ nüxü̃ nacua̱xẽxẽ nax nümagü rü duü̃xü̃gümare yixĩgüxü̃!

Wiyaegü 9:16

Rü nüma ya Cori ya Tupana rü nügü inawe̱x nax ãẽ̱xgacü ya aixcümacü yaxĩxü̃ rü tümaétüwa naxǘ ya yíxema mexü̃ üxe. Natürü nanangexrü i ngẽma chixexü̃ üxü̃ rü ngẽmaca̱x nagu tá nangu ya yima yüta ya nümatama naxüxü̃ne.

Wiyaegü 3:4

Rü Cori ya Tupanaca̱x aita chaxü nax choxü̃ nangü̃xẽẽxü̃ca̱x. Rü nüma rü yima norü ma̱xpǘne ya üünenewa choxü̃ nangãxü̃.

Wiyaegü 3:2

Rü namuxũchi i ngẽma chauchigagu ñagüxü̃: —Tupana rü taxũtáma ínanapoxü̃ —ñagüxü̃.

1 Chamué 25:1

Rü nüma ga Chamué rü nayu. Rü yexguma nayu̱xgu rü guxü̃ma ga Iraéanecüã̱xgü rü naxĩtaque̱xe rü naxauxe. Rü napatagu nanata̱xgü ga ĩane ga Ramáwa. Rü yemawena ga Dabí rü yema chianexü̃ ga Paráü̃wa naxũ.

Iraétanüxü̃arü muxchiga 10:12

Rü yema Iraétanüxü̃ rü inaxĩãchi ga Chinaíarü chianexü̃wa ñu̱xmata Paráü̃arü chianexü̃wa nangugü. Rü nüma ga caixanexü̃ rü yéma nayachaxãchi.

Ínachoxü̃xü̃chiga 20:18

Rü guxü̃ma ga yema Iraétanüxü̃ rü nüxü̃ naxĩnüe ga yema duruanexü̃ rü guma cornétagüga. Rü nüxü̃ nadaugü ga yema ãẽmacü rü guma ma̱xpǘne ga caixanexü̃ nagu nguxü̃ne. Rü yexguma yemaxü̃ naxĩnüegu rü nüxü̃ nadaugügux, rü namuü̃e rü nüxna nayáxü̃gugü ga guma ma̱xpǘne.

Naanearü ügüchiga 36:11

Rü Eripá nanegü nixĩ ga Temáü̃, rü Omá, rü Chefó, rü Gatáü̃, rü Quená.

Wiyaegü 113:4

Rü nüma ya Cori ya Tupana rü guxü̃ma i nachixü̃anegümaxã inacua̱x. Rü norü pora rü daxũguxü̃ i naaneétüwa nangu.

Wiyaegü 148:13

Rü ngẽmaãcü i guxãma i pema rü name nixĩ i nüxü̃ picua̱xüü̃gü. Erü nüma ya Tupana rü guxãétüwa nangẽxma. Rü nüma rü mea namaxã inacua̱x i guxü̃ma i daxũguxü̃ i naanewa ngẽxmaxü̃ rü guxü̃ma i ñoma i naanewa ngẽxmaxü̃.

Ichaía 31:1

Wüxi i taxü̃ i ngechaü̃ nixĩ naxca̱x i ngẽma Iraétanüxü̃ i Equítuanegu ngü̃xẽẽca̱x yadaugüxü̃. Nümagü rü nagu nayaxõgü ya yima muxũchine ya Equítuanearü carugü rü muxũchixü̃ i churaragü i cowaruétügu ĩxü̃. Natürü tama naga naxĩnüechaü̃ ya yimá norü Tupana ya üünecü, rü tama norü ucu̱xẽca̱x nadaugü.

Nüxíraxü̃xü̃ ga popera ga ãẽ̱xgacügüchiga 11:18

Rü naxĩgü ga Madiáü̃anewa rü Paráü̃wa nangugü. Rü yéma rü duü̃xü̃güca̱x naca nax íyaxümücügüãxü̃ca̱x. Rü yemaacü Equítuanewa nangugü, rü ãẽ̱xgacü ga Faraóü̃xü̃tawa naxĩ. Rü nüma ga Equítuanearü ãẽ̱xgacü rü Adáxna nanaxã ga wüxi ga ĩpata rü õnagü rü naanegü.

Echequié 43:2

Rü nüxü̃ chadau ga Cori ya Iraétanüxü̃arü Tupanaarü üüne ga éstewa ne ũxü̃. Rü nüxü̃ chaxĩnü ga wüxi ga naga ga natüarü poraü̃chiüxü̃garaü̃xü̃. Rü ñoma ga naane rü poraãcü nangóone

Abacú 2:14

Rü ngẽma Cori ya Tupanaarü üüne rü tá ñoma i naane namaxã nanapa ñoma már nax meama dexámaxã yapaxü̃rüxü̃.