Abacú 2:3 - Tupanaarü Ore

³ Rü ñu̱xma rü taxũta nawa nangu nax yanguxü̃ ga yema cuxü̃ chawéxü̃. Natürü taxũtáma nangupetümare nax yanguxü̃. ¡Cumax rü mea ínanguxẽxẽ ega woo tama paxa yanguxgu! Erü aixcüma tá ningu i ngẽxguma norü ngunexü̃wa nanguxgux.

Abacú 2:3 Referans Kwoze

Wiyaegü 27:14

¡Ẽcü nüxü̃́ yaxõ ya Cori! ¡Rü cugü naporaxẽxẽ rü taxṹ i nüxü̃ curüxoxü̃ nax cuyaxõxü̃! Rü cumaxã nüxü̃ chixu rü ¡nagu yaxõ ya Cori ya Tupana!

Echequié 12:25

Erü choma i Cori ya Tupana rü tá chidexa, rü ngẽma nüxü̃ chixuxü̃ rü paxatáma ningu. Rü pema, Pa Duü̃xü̃gü i Tama Chauga Ĩnuexü̃x, rü aixcüma tá nüxü̃ pedaugü. Choma rü tá chidexa, rü tá chayanguxẽxẽ i ngẽma nüxü̃ chixuxü̃. Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü ya Cori ya Tupana.

Wiyaegü 102:13

Pa Corix, ¡inachi rü cuxü̃́ naxauxãchitümüxü̃ ya curü ĩane ya Chióü̃! Erü marü nawa nangu i ngunexü̃ nax tomaxã curüngü̃xmüxü̃ rü toxü̃́ nüxü̃ icuyarüngümaxü̃ i ngẽma torü chixexü̃.

Danié 10:14

Rü ngẽmaca̱x i ñu̱xma rü nua chaxũ nax cumaxã nuxü̃ chayarüxuxü̃ca̱x i ngẽma tá yixcüra ngupetüxü̃ namaxã i cutanüxü̃ i Iraétanüxü̃. Rü yema nüxü̃ cudauxü̃ ga yexguma Tupana cuxca̱x nango̱xẽẽgu, rü ngẽma tá yixcüra cutanüxü̃maxã ngupetüxü̃chiga nixĩ —ñanagürü choxü̃.

Miquéa 7:7

Natürü i chomax rü Cori ya Tupanaaxü̃́ tá chayaxõõma. Rü tá nüxü̃́ chayaxõ ya yimá Tupana ya chorü poxü̃ruxü̃ ixĩcü. Rü nüma rü tá choxü̃ naxĩnü.

Ichaía 30:18

Natürü nüma ya Cori ya Tupana rü pexü̃ ínanangu̱xẽxẽ nax naxca̱x pewoeguxü̃ nax ngẽmaãcü nüxü̃́ pengechaü̃tümüxü̃güxü̃ca̱x. Rü nüma rü ínamemare nax pexü̃ nawéaxü̃ nax poraãcü pexü̃ nangechaü̃xü̃. Erü nüma ya Cori ya Tupana rü aixcüma mexü̃ namaxã naxuegu i ngẽma naga ĩnüexü̃. Rü tá taãẽgü ya guxãma ya yíxema nüxü̃́ yaxõgüxe.

Ngechuchuarü ngúexü̃gü ga yamugüxü̃arü puracüchiga 1:7

Rü Ngechuchu nanangãxü̃, rü ñanagürü: —Pema rü taxuca̱xma nüxü̃ pecuáxchaü̃ i ñuxgu tá nixĩ i ngẽma ngunexü̃ i choxna naxca̱x pecaxü̃, erü Chaunatüxicatama nüxü̃́ nangẽxma i pora nax nüxü̃ naxunetaxü̃ i ngẽma ngunexü̃.

Gálatas 4:2

Rü ngẽmaca̱x nangẽxma i ngẽma buxü̃arü dauruxü̃ i namaxã icuáxü̃ rü nüxü̃́ nüxna dauxü̃ i ngẽma nanatüarü ngẽmaxü̃gü ñu̱xmata nawa nangu ya yimá taunecü ya noxri nanatü nagu unetacü nax ngẽma buxü̃ rü nügümaxã inacuáxü̃ca̱x.

Ore i mexü̃ ga Luca ümatüxü̃ 2:25

Rü yexgumaü̃cüxü Yerucharéü̃gu naxãchiü̃ ga wüxi ga yatü ga Chimeóü̃gu ãégacü. Rü wüxi ga yatü ga mecümacü nixĩ ga nümax, rü aixcüma Tupanaxü̃ ngechaü̃cü nixĩ. Rü nüma rü ínanangu̱xẽxẽ nax ínanguxü̃ ya Iraétanüxü̃arü nguxü̃xẽẽruxü̃. Rü Tupanaãxẽ ya Üünecü rü Chimeóü̃wa nayexma, rü nüxü̃ nüxü̃ nacua̱xẽxẽ nax taxũtáma nayuxü̃ ega tama nüxü̃ nadauxíragu ya Cristu ya Cori ya Tupana nüxü̃ unetacü.

Danié 11:35

Rü ngẽxgumarüxü̃ ta i ñuxre i ngẽma nüxü̃ icuáxü̃ nax duü̃xü̃güxü̃ nangúexẽẽxü̃, rü norü uanügü rü tá nawe ningexü̃tanü. Rü ngẽmaãcü Tupana tá nüxü̃ naxü nax nape̱xewa yamexü̃ca̱x. Rü ngẽmaãcü nixĩ rü ñu̱xmata nawa nangu i ngẽma ngunexü̃ ya Tupana nagu unetaxü̃.

Ngechuchuarü ngúexü̃gü ga yamugüxü̃arü puracüchiga 17:26

Nüma rü wüxi ga duü̃xü̃watama nanaxü ga guxü̃ma ga duü̃xü̃gü nax guxü̃ i naanewa nangẽxmagüxü̃ca̱x. Rü nüma inaxuneta i ñuxgu tá nax nabuxü̃ i duü̃xü̃gü rü ngexta tá naxãchiü̃xü̃ i wüxichigü.

Danié 8:17

Rü yexguma ga nüma ga Gábi rü cha̱u̱xca̱x nixũ. Choma rü chaba̱i̱xãchi rü nape̱xegu chanangücuchi waixü̃müanegu. Natürü ga nüma rü ñanagürü choxü̃: —Pa Yatüx, name i nüxü̃ cucua̱x i ngẽma nüxü̃ cudauxü̃ rü nachiga nixĩ i ngẽma ngunexü̃gü i nagu yacuáxü̃ i ngẽma ñu̱xma ngupetüxü̃ —ñanagürü.

Ínachoxü̃xü̃chiga 12:41

Rü yematama ngunexü̃ ga nagu 430 ga taunecüwa nax nanguxü̃gu nixĩ ga yema nachixü̃anewa ínachoxü̃xü̃ ga guxü̃ma ga Cori ya Tupanaarü duü̃xü̃gü ga Iraétanüxü̃.

Norü taxre ga popera ga Pedru ümatüxü̃ 2:3

Rü ngẽma ngu̱xẽẽruü̃netagü rü diẽruguxicatama narüxĩnüe, rü ngẽmaca̱x i ngẽma norü ngu̱xẽẽtae i doramare ixĩxü̃, rü tá pemaxã nanaxãtanü nax ngẽmaãcü petanüwa ngĩxü̃ nayauxgüxü̃ca̱x i perü diẽru. Natürü tá napoxcue i ngẽma duü̃xü̃gü, rü taxũtáma nibuxmü. Erü Tupana rü woetama nũxcümama poxcu namaxã naxuegu.

Danié 11:27

Rü ngẽma taxre i ãẽ̱xgacügü rü nügümaxã wüxi tátama i mechawa tá narüto nax nachibüexü̃ca̱x. Rü wüxichigü i nüma i norü ĩnüwa rü tá nagu narüxĩnüe nax ñuxãcü tá nügü nada̱i̱xü̃. Rü doraxü̃ tá nügümaxã nixugüe. Natürü ngẽma nagu naxĩnüexü̃ i ngẽma taxre rü taxũtáma ningu erü tauta norü ngunexü̃wa nangu.

Norü taxre ga popera ga ãẽ̱xgacügüchiga 6:33

Natürü yexguma namücügümaxã íyadexayane ga Erichéu, rü yéma nangu ya yema yatü ga ãẽ̱xgacü yéma muxü̃. Rü Erichéuxü̃ ñanagürü: —Ñaa guxchaxü̃ rü Tupana nixĩ i taxca̱x nua namuxü̃. Rü ngẽmaca̱x marü taxuacüma íchayangu̱xẽxẽ nax nüma rü tá tüxü̃ nangü̃xẽẽxü̃ —ñanagürü.

Danié 9:24

Rü 70 i yüxügü ngupetüguwena rü yima curü ĩane ya üünene ya Yerucharéü̃ rü ngẽma curü duü̃xü̃gü i Iraétanüxü̃ rü düxwa tá inayarüxo i norü chixexü̃ i naxügüxü̃ rü tá Tupanaga naxĩnüe. Rü Tupana tá nüxü̃́ inanaxoxẽxẽ i ngẽma norü chixexü̃gü, rü tá nüxü̃́ nüxü̃ inarüngüma i ngẽma norü chixexü̃. Rü tá ningucuchi ya yimá aixcüma mecü nax guxü̃guma norü duü̃xü̃gümaxã mea inacuáxü̃ca̱x. Rü ngẽmaãcü tá ningu ga yema Tupana cuxü̃ wéxü̃. Rü wena tá nanamexẽxẽ ya yima napata ya üünene.

Yeremía 27:7

Rü guxü̃ma i nachixü̃anegü rü naxme̱xwa tá nangẽxma, rü nanegüme̱xẽwa rü nataagüme̱xẽwa tá nangẽxmagü ñu̱xmatáta nawa nangu i ngẽma ngunexü̃ i nüma i Babiróniacüã̱x rü tá ta to i taxü̃ i nachixü̃anegüarü ãẽ̱xgacügü i nüxü̃ rüporamaexü̃me̱xẽwa nangẽxmagü.

Norü taxre ga popera ga Pedru ümatüxü̃ 3:9

Rü ñuxre i duü̃xü̃gü rü nagu narüxĩnüe nax tórü Cori tama paxa yangu̱xẽẽãxü̃ i norü uneta. Natürü ngẽmaãcü nixĩ erü yáxna pemaxã naxĩnü. Rü nüma rü tama nanaxwa̱xe nax texé iyarütaxuxü̃, natürü nanaxwa̱xe nax guxãma nüxü̃ rüxoexü̃ i tümacüma i chixexü̃ rü nüxü̃́ tayaxõgüxü̃.

Ichaía 8:17

Rü woo nüma ya Cori ya Tupana rü Acóbutanüxü̃cha̱xwa nicu̱x, natürü nüxü̃́ chayaxõõma, erü naxü̃tawa nixĩ i íchananguxẽẽxü̃ i norü ngü̃xẽxẽ.

Chofonía 3:8

¡Rü ngẽmaca̱x choxü̃ ípeyangu̱xẽxẽ ñu̱xmata nawa nangu i ngẽma ngunexü̃ i nagu tá pexna naxca̱x chaca̱xü̃ i perü chixexü̃gü! Rü choma ya Cori ya Tupana rü ñachagürü: “Wüxigu tá chanangutaque̱xexẽxẽ i guxü̃ma i nachixü̃anecüã̱xgü rü guxü̃ma i ãẽ̱xgacügü nax chanapoxcuexü̃ca̱x naxca̱x i ngẽma chixexü̃ i naxügüxü̃. Rü guxü̃táma i ñoma i naane rü tá inayarüxo rü ngẽma chorü üxüema tá nayagu”, ñachagürü.

Iraétanüxü̃arü muxchiga 23:19

Rü Tupana rü tama duü̃xü̃gü nagu rüxĩnüxü̃gu narüxĩnü, rü taguma nidora rü taguma nanaxüchicüxü i norü ĩnü. Rü ngẽxguma ta̱xacüxü̃ yaxuxgu rü aixcümama nanaxü. Rü ngẽxguma ta̱xacüca̱x inaxunetagu rü aixcümama nayanguxẽxẽ.

Ichaía 7:4

Rü ñaa orexü̃ namaxã ixu: “¡Naxuãxẽ rü cugüna nadau! Natürü tama name nax cubaixãchixü̃ rü cumuü̃xü̃ rü icurümaãchixü̃ naxca̱x i ngẽma Chíriaanearü ãẽ̱xgacü i Rechíü̃ rü ñu̱xũchi Peca i Remaría nane i pemaxã nuexü̃. Erü ngẽmagü rü ñoma taxre i üxüchametü irücaixgüxü̃rüxü̃ nixĩgü, natürü paxa tá nixogü.

Echequié 30:9

Rü ngẽma Etiopíaanecüã̱xgü rü norü poragu nayaxõgü. Natürü ngẽxguma chanapoxcuegu i Equítuane rü choma rü tá márgu chayamugü i orearü ngeruü̃gü nax ngẽma Etiopíaanecüã̱xgüxü̃ namuü̃exẽẽxü̃ca̱x. Rü ngẽma ngunexü̃ rü marü ningaica.