Norü tomaepü̱x ga popera ga Cuáü̃ ümatüxü̃ 1:11 - Tupanaarü Ore

¹¹ Pa Chauenexẽ i Cuxü̃ Changechaü̃xex, ¡Taxṹ i nüxü̃ cuyadauxü̃xü̃ i ngẽma chixexü̃ ügüxü̃! Natürü name nixĩ i nüxü̃ cuyadauxü̃ i ngẽma mexü̃ ügüxü̃. Erü yíxema mexü̃ ǘxe rü Tupanaxacü tixĩ. Natürü yíxema chixexü̃ ǘxe rü tama Tupanaxü̃ tacua̱x.

Norü tomaepü̱x ga popera ga Cuáü̃ ümatüxü̃ 1:11 Referans Kwoze

Wiyaegü 37:27

¡Rü nüxna ixũgachi i ngẽma chixexü̃, rü mexü̃ naxü! Rü ngẽmaãcü guxü̃gutáma cuxü̃́ nangẽxma i cuchica i nawa tá cumaxü̃xü̃ i ñoma i naanewa.

Efesios 5:1

Rü ñu̱xma rü Tupanaxacügü ya pexü̃ nangechaü̃güxe pixĩgü. Rü ngẽmaca̱x name i naxca̱x pedauxü̃tae nax naxrüxü̃ pimexü̃.

Nüxíraxü̃xü̃ ga popera ga Pedru ümatüxü̃ 3:11

Rü name nixĩ i nüxna tayaxü̃ i guxü̃ma i chixexü̃gü, rü mexü̃ taxü. Rü ngẽxgumarüxü̃ ta name nixĩ i naxca̱x tadau nax guxü̃guma duü̃xü̃gümaxã tamecümagüxü̃.

Ore i mexü̃ ga Cuáü̃ ümatüxü̃ 3:20

Guxãma ya yíxema chixexü̃ ügüxe rü naxchi taxaixe i ngóonexü̃. Rü tama nüxna tangaicamagüchaü̃ erü tama tanaxwa̱xe nax nangóxü̃ i ngẽma chixexü̃ i ítaxügüxü̃.

Wiyaegü 34:14

¡Rü nüxna ixũgachi i guxü̃ma i chixexü̃ rü mexü̃ naxü! ¡Rü naxca̱x nadau nax taxúemaxãma nax cuguxchaxü̃ã́xü̃! ¡Rü ngẽmaãcü mea namaxü̃!

Nüxíraxü̃xü̃ ga popera ga Pedru ümatüxü̃ 3:13

¿Rü texé tá chixexü̃ pexca̱x üxü̃ ega pema rü aixcüma guxü̃guma mexü̃ pexügügu?

Norü taxre ga popera ga Timutéuca̱x naxümatüxü̃ ga Pauru 3:10

Natürü cumax, Pa Timutéux, marü nüxü̃ cucua̱x i ngẽma chorü ngu̱xẽẽtae, rü chaucüma, rü ngẽma nagu charüxĩnüxü̃, rü ngẽma chorü õ, rü ñuxãcü nüxü̃ changechaü̃xü̃ ga yema yaxõgüxü̃ rü yáxna namaxã chaxĩnüxü̃.

Nüxíraxü̃xü̃ ga popera ga Cuáü̃ ümatüxü̃ 2:29

Pema nüxü̃ pecua̱x nax Cristu rü aixcüma mecü yixĩxü̃. Rü ngẽxgumarüxü̃ ta name nixĩ nax nüxü̃ pecuáxü̃ nax guxü̃ma i duü̃xü̃gü i aixcüma mexü̃ ügüxü̃ rü Tupanaxacügü nax yixĩgüxü̃.

1 Tesalonicenses 2:14

Pa Chauenexẽgüx, nüxü̃ tacua̱x nax aixcüma ngúxü̃ pingegüxü̃, yerü petanüxü̃tama rü chixri pemaxã nachopetü. Natürü yemaacütama nüxü̃ nangupetü ga Tupanaarü duü̃xü̃gü ga Ngechuchu ya Cristuaxü̃́ yaxõgüxü̃ ga Yudéaanewa yexmagüxü̃. Yerü natanüxü̃tama ga Yudíugü rü chixri namaxã nachopetü.

1 Tesalonicenses 1:6

Rü pema rü meama nagu pexĩ ga yema pexü̃ tangúexẽẽxü̃ rü yema tüxü̃ nangúexẽẽxü̃ ga tórü Cori ya Ngechuchu. Rü ngẽma taãxẽ i Tupanaãxẽ ya Üünecü pexna ãxü̃maxã penayauxgü ga yema ore ga woo yemaca̱x poraãcü ngúxü̃ nax pingegüxü̃.

Ore i mexü̃ ga Cuáü̃ ümatüxü̃ 12:26

Rü ngẽxguma texé choxü̃́ puracüchaü̃gu rü name nixĩ i chowe tarüxũ. Rü ngẽma choma tá íchangexmaxü̃wa rü ngéma rü tá ta tangexma i tümax. Rü ngẽxguma texé choxü̃́ puracügu rü Chaunatü ya Tupana rü tá tümamaxã nataãxẽ —ñanagürü.

Ore i mexü̃ ga Cuáü̃ ümatüxü̃ 10:27

Chorü carnérugü rü nüxü̃ nacua̱x i chauga, rü choma rü chorü carnérugüxü̃ chacua̱x, rü nüma rü chowe narüxĩ.

Ínachoxü̃xü̃chiga 23:2

Rü tama name i natanügu cuxã i ngẽma rümumaexü̃ i duü̃xü̃gü i chixexü̃ ügüxü̃. Rü ngẽxguma ãẽ̱xgacü cuxna caxgux nax nüxü̃ quixuxü̃ca̱x i ngẽma guxchaxü̃ i ngupetüxü̃, rü tama name i naga cuxĩnü i ngẽma rümumaexü̃ i chixri nüxü̃ ixugüxü̃ i ngẽma guxchaxü̃ i ngupetüxü̃.

Popera ga Yudíugü ga yaxõgüxü̃ca̱x ümatüxü̃ 6:12

Rü tama tanaxwa̱xe nax nüxü̃ perüxoetanücüüxü̃ nax Cristuwe perüxĩxü̃. Natürü name i naxrüxü̃ pixĩgü i ngẽma duü̃xü̃gü i guxü̃guma mea yaxõgüãcüma Cristuwe rüxĩãmaxü̃ rü nayauxgüxü̃ i guxü̃ma i ngẽma mexü̃gü ga Tupana namaxã ixunetaxü̃.

1 Corintios 11:1

Rü name nixĩ i nagu pexĩ i chaucüma ngẽxgumarüxü̃ i choma nax Cristucümagu chixũxü̃rüxü̃.

1 Corintios 4:16

Rü ngẽmaca̱x pexü̃ chaca̱a̱xü̃ nax chauxrüxü̃ mea pemaxẽxü̃.

Ucu̱xẽgüchiga 12:11

Yíxema tümaanewa puracüxe rü taguma tangebü, natürü ngẽma taxuwama mexü̃gu rüxĩnüxü̃, rü tama naãẽxü̃ nacua̱x.

Filipenses 3:17

Pa Chauenexẽgüx, chanaxwa̱xe i nagu pexĩ i ngẽma nacüma i mexü̃ i pexü̃ nüxü̃ chadauxẽẽxü̃. ¡Rü naxca̱x pedauxü̃tae i nacüma i ngẽma togü i duü̃xü̃gü i toxrüxü̃ mea maxẽxü̃!

Nüxíraxü̃xü̃ ga popera ga Cuáü̃ ümatüxü̃ 3:10

Rü marü nüxü̃ tacua̱x nax texé tixĩgüxü̃ ya Tupanaxacügü rü texé tixĩgüxü̃ ya Chatanáxacügü. Erü yíxema tama mexü̃ ǘxe rü tama tümaenexẽxü̃ ngechaü̃xe, rü tama Tupanaxacü tixĩ.

Nüxíraxü̃xü̃ ga popera ga Cuáü̃ ümatüxü̃ 4:1

Pa Chauenexẽgü ya Pexü̃ Changechaü̃güxe, ¡Taxṹ i nüxü̃́ peyaxõgüxü̃ i guxü̃ma i ngẽma nügü ixugügüxü̃ nax Tupanaarü orearü uruü̃gü yixĩgüxü̃! Rü name nixĩ i penangugü i norü ore nax nüxü̃ pecuáxü̃ca̱x rü aixcüma Tupanaãxẽ yixĩxü̃ i nawa idexaxü̃, rüe̱xna tama. Erü guxü̃wama i ñoma i naanewa rü nangẽxma i muxü̃ma idorata̱a̱xgüxü̃ i nügü ixugüxü̃ nax Tupanaarü orearü uruü̃gü yixĩgüxü̃.