Norü tomaepü̱x ga popera ga Cuáü̃ ümatüxü̃ 1:10 - Tupanaarü Ore

¹⁰ Rü ngẽxguma ngéma chaxũxgu rü tá nüxü̃ chaxoregü erü tochiga rü chixexü̃maxã inayarüdexanexü̃. Rü ngẽmaétüwa tama nanayauxchaü̃ i ngẽma taenexẽgü i ngéma ngugüxü̃. Rü nanachu̱xu nax texé nayaxuxü̃ i ngẽma taenexẽgü. Rü yíxema nayauxgüchaü̃xẽ, rü ngutaque̱xepataü̃wa tüxü̃ ínawoxü̃.

Norü tomaepü̱x ga popera ga Cuáü̃ ümatüxü̃ 1:10 Referans Kwoze

Ichaía 66:5

Rü ñanagürü: —¡Dücax, pema nax Tupanaga pexĩnüexü̃, rü iperüxĩnüe i norü ore! Rü nümaxü̃ i pemücügü i pexchi aiexü̃ rü pewe ingẽxü̃tanüxü̃ naxca̱x nax chorü duü̃xü̃gü pixĩgüxü̃, rü choxü̃ nacugüeãcüma rü ñanagürügü: “Ẽcü Tupana toxü̃ nawé i norü pora erü nüxü̃ tadaugüchaü̃ nax petaãẽgüxü̃”, ñanagürügü. Natürü ngẽma pemücügü i ngẽmaãcü idexagüxü̃ rü Tupana tá nanaxãneexẽxẽ.

Ucu̱xẽgüchiga 10:10

Ngẽma ĩ́xgüxetüwa idoraxü̃ rü taxü̃ i chixexü̃ nawa nangẽxma, rü ngẽma naechita idexaxü̃ rü norü chixexü̃gu narütaxu.

2 Corintios 13:2

Rü ñu̱xma nax woo pexna chayáxü̃guxü̃ rü yema ucu̱xẽ ga petanüwa pemaxã nüxü̃ chixuxü̃ rü wenaxarü pexna nüxü̃ chacua̱xãchixẽxẽ. Rü ngẽxguma tá wena petanüwa chaxũxgu rü aixcüma tá chanamexẽxẽ i guxü̃ma i ngẽma chixexü̃ i ngéma ngẽxmaxü̃. Rü taũtáma tüxü̃ chaxüpetümare ya yíxema woetama pecadu ügüechaxe rü guxãma ya yíxema chixri maxẽxe

Ore i mexü̃ ga Luca ümatüxü̃ 6:22

¡Rü petaãxẽgü i pemax i ngẽxguma duü̃xü̃gü pexchi aiegu, rü pexü̃ ínawoxü̃gu, rü chixexü̃ pemaxã yaxugüegu, rü Tupana Nane ya duü̃xü̃xü̃ ixĩcügagu chixri pechiga yadexagügu!

Ucu̱xẽgüchiga 10:8

Yíxema cua̱x tüxü̃́ ngẽxmaxe rü mea tanayaxu i mugü, natürü ngẽma naechita idexaxü̃, rü norü chixexü̃gagu inarütaxu.

Norü tomaepü̱x ga popera ga Cuáü̃ ümatüxü̃ 1:5

Pa Chauenexẽ i Cuxü̃ Changechaü̃xex, mexü̃ cuxü erü nüxü̃ curüngü̃xẽxẽ i ngẽma togü i taenexẽgü, rü woo ngẽma taenexẽgü i tóxnamana ne ĩxü̃ i cuxü̃tawa ngugüxü̃ rü nüxü̃ curüngü̃xẽxẽ.

Ore i mexü̃ ga Cuáü̃ ümatüxü̃ 9:22

Rü yema ñatarügügü ga nanatü rü naé, yerü tamuü̃e. Yerü ga Yudíugü rü marü nügümaxã nanamexẽxẽgü nax tüxü̃ ínata̱xüchigüxü̃ca̱x ga ngutaque̱xepataü̃wa ga texé ga Ngechuchuaxü̃́ yaxṍxe nax Cristu yixĩxü̃.

Ngechuchuarü ngúexü̃gü ga yamugüxü̃arü puracüchiga 1:15

Rü yema ngunexü̃gügu ga yexguma nangutaque̱xegügu ga yema yaxõgüxü̃ ga maneca 120 ixĩgüxü̃ rü Pedru rü inachi ga norü ngãxü̃tanüwa, rü ñanagürü:

Gálatas 6:10

Rü ngẽmaca̱x ngẽxguma tüxü̃́ natauxchagu nax ta̱xacümaxã togüxü̃ rüngü̃xẽẽxü̃, rü name nixĩ i guxãxü̃ma tarüngü̃xẽxẽ. Natürü yexera tanaxwa̱xegü nax nüxü̃ rüngü̃xẽẽgüxü̃ i ngẽma taenexẽgü rü taeya̱xgü i yaxõgüxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:13

Rü ngĩmagü rü ĩpatawa iyaxĩxchigümare rü tama ipuracüechaü̃. Rü tama ngẽmaxicatama ixügü, natürü düxwa ixoregütaxáx, rü guxü̃raxü̃xü̃ i ore i tama mexü̃ i togüchiga iyaxugü.

Norü taxre ga popera ga Cuáü̃ ümatüxü̃ 1:10

Rü ngẽxguma chi wüxi i duü̃xü̃ petanüwa nguxgu, rü tama yema Cristu tüxü̃ ngúexẽẽxü̃maxã pexü̃ nangúexẽẽgu, rü ¡taũtáma penayaxu i pechiü̃wa rü bai i nüxü̃ perümoxẽgü!

Norü taxre ga popera ga Cuáü̃ ümatüxü̃ 1:12

Choxü̃́ nangẽxma i muxü̃ma i ore i pemaxã nüxü̃ chixuxchaü̃xü̃. Natürü tama chanaxwa̱xe nax poperawa pemaxã nüxü̃ chixuxü̃. Erü petanüwa íchayadauxchaü̃ nax chomatama pemaxã nüxü̃ chixuxü̃ca̱x nax ngẽmaãcü wüxigu aixcüma itaãẽgüxü̃ca̱x.

Norü tomaepü̱x ga popera ga Cuáü̃ ümatüxü̃ 1:3

Rü poraãcü chataãxẽ ga yexguma núma naxĩxgu ga ñuxre ga taenexẽgü, rü chomaxã nüxü̃ yaxugügu nax guxü̃guma mea naga cuxĩnüxü̃ i Tupanaarü ore i aixcüma ixĩxü̃.