Norü tomaepü̱x ga popera ga Cuáü̃ ümatüxü̃ 1:1 - Tupanaarü Ore

¹ Pa Chauenexẽ, Pa Gáyu ya Cuxü̃ Changechaü̃xex, choma i Cuáü̃ i yaxõgüxü̃arü ãẽ̱xgacü, rü cuxü̃ charümoxẽ.

Norü tomaepü̱x ga popera ga Cuáü̃ ümatüxü̃ 1:1 Referans Kwoze

Nüxíraxü̃xü̃ ga popera ga Cuáü̃ ümatüxü̃ 3:18

Pa Chauxacügüx, tama name i taa̱xmaxã rü tórü oremaxãxicatama nüxü̃ tangechaü̃ i taenexẽ. Natürü tanaxwa̱xe i tórü maxü̃maxã rü tórü ü i mexü̃maxã nüxü̃ tangechaü̃.

1 Corintios 1:14

Rü Tupanana moxẽ chaxã, yerü taxúema pexü̃ íchabaiü̃xẽxẽ ga pemax. Rü Críspo rü Gáyuxicatama nixĩ ga íchabaiü̃xẽẽxü̃.

Romanos 16:23

Rü pexü̃ narümoxẽ ta ya Gáyu ya napatawa changexmacü. Rü nüma rü inanaxã ya daa napata nax nawa nangutaque̱xegüxü̃ca̱x i guxü̃ma i yaxõgüxü̃. Rü ngẽxgumarüxü̃ ta pexü̃ narümoxẽgü i Erástu i daa ĩanearü diẽruarü dauruxü̃ ixĩxü̃, rü taenexẽ i Cuártu.

Ngechuchuarü ngúexü̃gü ga yamugüxü̃arü puracüchiga 19:29

Rü guxü̃ma ga yema ĩanecüã̱xgü rü poraãcü yexma nanaxĩ̱xãchitanüãxẽ. Rü ínanayauxü̃ ga Gáyu rü Aristárcu ga Machedóniaanecüã̱xgü ga Paurumücügü, rü guma ĩanearü estádiuwa nanagauxü̃tanü.

Ngechuchuarü ngúexü̃gü ga yamugüxü̃arü puracüchiga 20:4

Rü ínayaxümücügü ga Chópatro ga Beréacüã̱x ga Píru nane, rü Aristárcu rü Segundu ga Techarónicacüã̱xgü, rü Gáyu ga Dérbecüã̱x, rü Timutéu, rü Tíquicu, rü Trófimu ga Áchiaanecüã̱xgü.

Ngechuchuarü ngúexü̃gü ga yamugüxü̃arü puracüchiga 11:30

Rü yemaacü nanaxügü. Rü Bernabé rü Chaurumaxã yéma ngĩxü̃ namugü ga yema diẽru naxca̱x ga yema yaxõgüxü̃arü ãẽ̱xgacügü ga Yudéaanewa yexmagüxü̃.

Nüxíraxü̃xü̃ ga popera ga Pedru ümatüxü̃ 5:1

Rü ñu̱xmax, Pa Yaxõgüxü̃arü Ãẽ̱xgacügüx, rü pemaxã nüxü̃ chixu i wüxi i ucu̱xẽ i mexü̃, erü choma rü ta pexrüxü̃ yaxõgüxü̃arü ãẽ̱xgacü chixĩ. Rü chomaxü̃chima nixĩ ga nüxü̃ chadauxü̃ ga ngúxü̃ nax yangexü̃ ga Cristu. Rü choma rü tá ta pexrüxü̃ choxü̃́ nangẽxma i chauchica i mexü̃ i ngẽxguma wena núma naxũxgu.

Norü tomaepü̱x ga popera ga Cuáü̃ ümatüxü̃ 1:2

Pa Chauenexẽ ya Cuxü̃ Changechaü̃xex, rü ñu̱xma nax curü õwa mea iquixũxü̃, rü Tupanana chaca nax ngẽxgumarüxü̃ ta mea iquixũxü̃ca̱x i curü puracüwa rü curü maxü̃wa.