2 Corintios 9:5 - Tupanaarü Ore

⁵ Rü ngẽmaca̱x nixĩ i cha̱u̱xca̱x namexü̃ nax naxca̱x íchaca̱xaxü̃ i ngẽma taenexẽgü nax nüxíra petanüwa naxĩxü̃ca̱x rü nümatama pexü̃ yanangü̃xẽẽgüxü̃ca̱x nax ngĩxü̃ penutaque̱xegüxü̃ca̱x i ngẽma diẽru ga ü̃pamama ngĩxü̃ pixucü. Rü ngẽmaãcü aixcüma tá íimemare i ngẽma diẽru i ngẽxguma ngéma changuxgu. Rü ngẽmaãcü togü tá nüxü̃ nadaugü nax aixcüma perü ngúchaü̃maxã yixĩxü̃ nax ngĩxü̃ ipexãgüxü̃ rü tama aüãcüma.

2 Corintios 9:5 Referans Kwoze

1 Chamué 25:27

Rü ñu̱xma rü cumaxã nüxü̃ chixu nax curü duü̃xü̃güxü̃ cuyanuxü̃ i ñaa ãmare i õna i nua cuxü̃́ changexü̃.

Naanearü ügüchiga 33:11

Rü cuxü̃ chaca̱a̱xü̃ nax choxü̃́ cunayaxuxü̃ i ñaa ãmare i nua cuxca̱x changexü̃ erü Tupana rü choxü̃ namuarü ngẽmaxü̃xã̱xẽxẽ rü taxuxü̃ma choxü̃́ nataxu —ñanagürü. Rü nüma ga Acóbu rü nüxna nayaxãchigüama rü yemaca̱x ga Echaú rü düxwa nanayaxu ga yema ãmare. Rü yemawena rü ñanagürü: —¡Ngĩxã tawoegu i nua! Choma rü yoxni tá cupe̱xegu chixũ —ñanagürü.

Filipenses 4:17

Rü ñu̱xma nax ngẽma ñachaxü̃ rü tama naxca̱x chadau nax wena diẽru choxna pexãxü̃, natürü ngẽma aixcüma chanaxwa̱xexü̃ nixĩ nax Tupana pexü̃́ yamuxẽẽxü̃ i perü diẽru.

2 Corintios 8:6

Rü yemaca̱x Títoxü̃ taca̱a̱xü̃ nax wena petanüwa naxũxü̃ca̱x nax ngĩxü̃ pingu̱xẽẽxü̃ca̱x ga yema diẽru ga marü pemaxã ngĩxü̃ inaxügücü nax ngĩxü̃ penutaque̱xexü̃.

1 Corintios 16:2

Rü ngẽma diẽru i perü puracüwa ngĩxü̃ peyaxucüwa rü guxcü i yüxüarü ngunexü̃gu rü tá ngĩxü̃ pexã i ngẽma diẽru i Tupanaarü ixĩcü. Rü ngĩmaxã tá penguxü̃ nax tama ngẽxguma ngéma changuxguama ngĩxü̃ nax pedexü̃ca̱x.

Norü taxre ga popera ga ãẽ̱xgacügüchiga 5:15

Rü yexguma ga nüma ga Naamáü̃ rü guxü̃ma ga yema namücügü rü Erichéuxü̃tawa naxĩ. Rü yexguma Erichéuxü̃tawa nangugügu, rü nüma ga Naamáü̃ rü ñanagürü nüxü̃: —Ñu̱xma waxi nixĩ i aixcüma chayaxõxü̃ rü guxü̃wama i ñoma i naanewa rü nataxuma i to ya Tupana, rü yimá Iraéanecüã̱xgüarü Tupanaxicatama nixĩ ya aixcüma Tupana ixĩcü. Rü ngẽmaca̱x cuxü̃ chachixewe nax choxü̃́ cunayaxuxü̃ i ñaa wüxi i ãmare i cuxna chaxãxchaü̃xü̃ —ñanagürü.

1 Chamué 30:26

Rü yexguma Chicáxwa nanguxgu ga Dabí, rü yema yemaxü̃gü ga napuxü̃tanüwa nanayaxu ga ñuxre rü namücügü ga Yudátanüxü̃arü ãẽ̱xgacügüxü̃ yéma nanamugü namaxã ga ñaa ore ga ñaxü̃: —Rü ñaa nixĩ i perü ãmaregü i Tupanaarü uanügüna chapuxü̃xü̃ —ñaxü̃.

Ãẽ̱xgacügü ga guxchaxü̃güarü mexẽxẽruü̃gü 1:15

Rü ngĩma rü inangãxü̃ rü ngĩgürügü: —Chanaxwa̱xe i choxü̃ curüngü̃xẽxẽ. Ngẽma naane i choxna cuxãxü̃ i Néguewa rü nangearü dexáã̱x. Rü ngẽmaca̱x chanaxwa̱xe i choxna cunaxã ta i naane i dexáã́xü̃ —ngĩgürügü. Rü nümax ga Caréx rü ngĩxna nanaxã ga naane ga natüxacüáxü̃ ga ínamáxpü̱xanexü̃wa rü ínadoxonexü̃wa.

2 Corintios 9:3

Rü ñu̱xma rü petanüwa chanamugü i ngẽma taenexẽgü nax nüxü̃ nacua̱xgüxü̃ca̱x nax aixcüma yixĩxü̃ i ngẽma pechiga nüxü̃ chixuxü̃. Rü ñu̱xma rü pexca̱x chanaxümatü nax aixcüma ípememarexü̃ca̱x nax ngĩxü̃ ipexãgüxü̃ i ngẽma diẽru, ngẽma taenexẽgümaxã nüxü̃ chixuxü̃rüxü̃.

2 Corintios 9:6

¡Rü nüxna pecua̱xãchie i ngẽma dexa i ñaxü̃: “Rü yíxema noxretama i nanetüchire itoxe, rü noxretama i norü o tayaxu. Natürü yíxema muxü̃ i nanetüchire itoxe, rü muxü̃ma i norü o tayaxu”, ñaxü̃!