2 Corintios 9:1 - Tupanaarü Ore

¹ Rü taxuca̱xma tü̱xcüü̃ pexca̱x chanaxümatü ngĩchiga i ngẽma diẽru i ngĩxü̃ penutaque̱xegücü naxca̱x i ngẽma taenexẽgü i yaxõgüxü̃ i Yerucharéü̃wa ngẽxmagüxü̃.

2 Corintios 9:1 Referans Kwoze

Gálatas 6:10

Rü ngẽmaca̱x ngẽxguma tüxü̃́ natauxchagu nax ta̱xacümaxã togüxü̃ rüngü̃xẽẽxü̃, rü name nixĩ i guxãxü̃ma tarüngü̃xẽxẽ. Natürü yexera tanaxwa̱xegü nax nüxü̃ rüngü̃xẽẽgüxü̃ i ngẽma taenexẽgü rü taeya̱xgü i yaxõgüxü̃.

1 Tesalonicenses 5:1

Natürü, Pa Chauenexẽgüx, rü ngẽma norü ngunexü̃ rü taunecü i tá nagu nangupetüxü̃ i ngẽma pemaxã nüxü̃ chixuxü̃, rü taxuca̱xma pexca̱x chanaxümatü i ngẽmachiga.

Gálatas 2:10

Rü yema namaxã toxü̃ naxucu̱xẽgüxü̃ nixĩ nax nüxü̃ tarüngü̃xẽẽgüxü̃ca̱x ga yema yaxõgüxü̃ ga ngearü diẽruã̱xgüxü̃. Rü yexicatama nixĩ ga toxna nüxü̃ nacua̱xãchixẽẽxü̃. Rü choma rü woetama ngẽma nixĩ i guxü̃guma marü chaxüxü̃.

Nüxíraxü̃xü̃ ga popera ga Cuáü̃ ümatüxü̃ 2:27

Natürü Cristu rü marü pexna nanamu i Naãxẽ ya Üünexü̃, rü nüma rü pewa namaxü̃. Rü ngẽmaca̱x tama penaxwa̱xe i to i perü ngúexẽẽruxü̃, erü nümatama i Naãxẽ ya Üünexü̃ rü pexü̃ nangúexẽxẽ i guxü̃ma. Rü norü ngu̱xẽẽtae rü aixcüma nixĩ rü tama dora nixĩ. Rü ngẽmaca̱x name nixĩ nax guxü̃guma Cristuaxü̃́ peyaxõgüxü̃, ngẽma Naãxẽ ya Üünexü̃ pexü̃ ngúexẽẽxü̃rüxü̃.

Wiyaegü 45:1

Chauãxẽwa nangu i mexü̃ i dexagü, rü chorü conü rü ñoma wüxi i ümatüxü̃ruü̃rüxü̃ nixĩ. Rü ñaa chorü ore i chaxümatüxü̃ rü ãẽ̱xgacüpe̱xewa tá nüxü̃ chixu.

1 Chamué 20:23

Rü ngẽma tórü unetagü i yigümaxã nüxü̃ ixuxü̃wa rü Cori ya Tupana nixĩ ya guxü̃gutáma taétüwa ücü —ñanagürü.

Romanos 11:28

Natürü i nüma i Yudíugü rü Tupanamaxã narüxuanügü erü tama nayaxõgü i ngẽma ore i mexü̃. Rü ngẽmaãcü naxüpetü nax pexü̃́ natauxchaxü̃ca̱x nax peyaxõgüxü̃ca̱x i pema i tama Yudíugü nax pixĩgüxü̃. Natürü nüma ya Tupana rü ngẽma Yudíugüxü̃ nangechaü̃ama yerü nũxcümaü̃güxü̃ ga norü o̱xigümaxã nüxü̃ nixu nax nüxü̃ tá nangü̃xẽẽxü̃.

Ore i mexü̃ ga Matéu ümatüxü̃ 22:31

Pema choxna peca i yuexü̃arü dagüchiga. ¿Natürü tama ẽ̱xna nawa pengúe i Tupanaarü ore i ümatüxü̃ i ngextá Tupanatama ngẽmachigaxü̃ pemaxã íyaxuxü̃wa? Erü ngéma rü ñanagürü ya Tupana:

Yox 37:23

Rü tama nüxü̃ tacua̱x i norü ĩnü ya yimá Guxü̃étüwa Ngẽxmacü ya Tupana. Erü nüma rü guxü̃arü yexera naporaxüchi rü nixaixcüma. Rü norü ĩnü rü meama niwe̱x, rü taguma chixri texémaxã inacua̱x.

Norü taxre ga popera ga ãẽ̱xgacügüchiga 22:18

Natürü chanaxwa̱xe nax namaxã nüxü̃ pixuxü̃ ya yimá Yudáanearü ãẽ̱xgacü ya nua pexü̃ mugücü nax choxna peyaca̱xaxü̃ca̱x, rü choma ya Iraétanüxü̃arü Tupana rü ñachagürü nüxü̃: ‘Marü nüxü̃ chadau nax ñuxãcü chauga cuxĩnüxü̃ i ngẽxguma chorü orexü̃ cuxĩnügux, rü tü̱xcüü̃ cuxoegaãxẽ i ngẽxguma poxcu namaxã chaxuegugu i ñaa ĩane rü norü duü̃xü̃gü rü tá yagagüxü̃, rü ñuxãcü cugü curügáutechiru rü cuxaxuxü̃ i chope̱xewa, rü ngẽmaca̱x i choma rü marü cuxü̃ chaxĩnü. Rü choma i Cori ya Tupana rü ñacharügü cuxü̃:

Naanearü ügüchiga 27:42

Rü yexguma yema Echaú nagu rüxĩnüxü̃xü̃ nacua̱xgu ga Rebéca, rü Acóbuca̱x ingema, rü ngĩgürügü nüxü̃: —Dücax, cuenexẽ ya Echaú rü nanu rü cuxü̃ nimáxchaü̃ naxca̱x i ngẽma mexü̃ i cunatü cumaxã ueguxü̃.

Ngechuchuarü ngúexü̃gü ga yamugüxü̃arü puracüchiga 24:17

Rü nawena nax ñuxre ga taunecü togü ga nachixü̃anegu chixũgüxü̃, rü wenaxarü chauchixü̃aneca̱x chataegu nax nua chanangexü̃ca̱x ga diẽru nax namaxã nüxü̃ charüngü̃xẽẽxü̃ i chautanüxü̃ i Yudíugü i nüxü̃́ nataxuxü̃, rü Tupanana chanaxãxü̃ca̱x i chorü ãmaregü.

Romanos 12:13

Rü name nixĩ i nüxü̃ perüngü̃xẽxẽ i ngẽma yaxõgüxü̃ i nüxü̃́ nataxuxü̃. ¡Rü mea penayaxu i ngẽma duü̃xü̃gü i pexü̃tagu naxĩanexü̃!

Romanos 15:31

¡Rü Tupanana peca nax choxü̃ ínapoxü̃xü̃ca̱x nüxna i ngẽma Yudíugü i Yudéaanewa ngẽxmagüxü̃ i tama yaxõgüxü̃! ¡Rü nüxna peca naxca̱x i ngẽma taenexẽgü i yaxõgüxü̃ i Yerucharéü̃wa ngẽxmagüxü̃, nax taãxẽãcü nayauxgüãxü̃ca̱x i ngẽma diẽru i ngéma naxca̱x changexü̃!