2 Corintios 8:11 - Tupanaarü Ore

¹¹ Rü ñu̱xma rü yema noxri nax mea ipenaxügüxü̃rüxü̃, rü name nixĩ i taãẽãcüma rü perü ngúchaü̃maxã peyangu̱xẽxẽ. Rü ngẽma diẽru i pexü̃́ ngẽxmacüwa rü name nixĩ nax noxrirüxü̃ perü ngúchaü̃maxã ngĩxü̃ ipexãxü̃ naxca̱x i ngẽma peenexẽgü i nüxü̃́ nataxuxü̃.

2 Corintios 8:11 Referans Kwoze

2 Corintios 9:2

Erü marü nüxü̃ chacua̱x rü perü ngúchaü̃maxã ipenaxã i ngẽma diẽru. Rü guxü̃guma taãẽãcüma ngẽma yaxõgüxü̃ i Machedóniaanewa ngẽxmagüxü̃maxã nüxü̃ chixu nax ñuxãcü i pema i Acáyaanewa ngẽxmagüxe rü taunecü ga ngupetücügu marü ípememarexü̃ nax ngĩxü̃ ipexãgüxü̃ i ngẽma diẽru. Rü yema rümumaexü̃ ga yaxõgüxü̃ ga Machedóniaanecüã̱x, rü yexguma nüxü̃ naxĩnüegu nax ñuxãcü taãẽãcüma togüca̱x ngĩxü̃ nax ipexãgüxü̃ i perü diẽru, rü nümagü rü ta inanaxügü nax ngĩxü̃ inaxãgüxü̃.

Ínachoxü̃xü̃chiga 25:2

—¡Namaxã nüxü̃ ixu i ngẽma Iraétanüxü̃ nax cha̱u̱xca̱x nanutaque̱xeãxü̃ca̱x i norü ãmaregü! Rü guxü̃ma i ngẽma duü̃xü̃gü i aixcüma norü ngúchaü̃maxã inaxãgüchaü̃xü̃ rü name nixĩ i natanüwa cunadexü̃ i ngẽma ãmaregü.

2 Corintios 8:3

Rü choma nüxü̃ chadau rü pemaxã nüxü̃ chixu rü nümagü rü taãẽãcüma ngĩxü̃ inaxãgü ga guxcüma ga diẽru ga nüxü̃́ tauxchacü nax ngĩxü̃ inaxãgüxü̃. Rü ngĩétü yexera taãẽãcüma ngĩxü̃ inaxãgü.

2 Corintios 8:12

Erü ngẽxguma aixcüma wüxi ya duü̃xẽ tümaarü ngúchaü̃maxã ngẽma diẽru i tüxü̃́ ngẽxma̱xcüwa tümaenexẽca̱x ngĩxü̃ itaxãxchaü̃gu, rü Tupana rü taãẽãcüma ngĩxü̃ nayaxu. Erü nüma ya Tupana rü tama tüxna ngĩxca̱x naca i ngẽma tüxü̃́ taxu̱xcü.

2 Corintios 8:19

Rü naétü ngẽma yaxõgüxü̃tücumügü rü ngẽma taenexẽxü̃ naxunetagü nax toxü̃ íyaxümücüxü̃ca̱x rü toxü̃ nangü̃xẽẽxü̃ca̱x i ngẽxguma Yerucharéü̃wa ngĩxü̃ tangexgu i ngẽma diẽru, nax ngẽmaãcü nüxü̃ ticua̱xüü̃güxü̃ca̱x ya tórü Cori, rü guxãma nüxü̃ daugüxü̃ca̱x nax taãẽãcüma yigü rüngü̃xẽẽgüxü̃.