2 Corintios 8:10 - Tupanaarü Ore

¹⁰ Rü ñu̱xma rü perü mexü̃ca̱x nixĩ i pemaxã nüxü̃ chixuxü̃ i ngẽma diẽruarü nutaque̱xechiga. Rü taunecü ga ngupetücügutama nixĩ ga ipenaxügüxü̃ nax ngĩxü̃ penutaque̱xexü̃. Rü yema rü aixcüma perü ngúchaü̃maxã nixĩ ga penaxüxü̃.

2 Corintios 8:10 Referans Kwoze

Popera ga Yudíugü ga yaxõgüxü̃ca̱x ümatüxü̃ 13:16

¡Rü taxṹ i nüxü̃ ipeyarüngümaexü̃ nax togüxü̃ perüngü̃xẽẽxü̃ rü namaxã pengauxü̃ i ngẽma pexü̃́ ngẽxmaxü̃! Erü ngẽma nixĩ i ãmare i Tupanana pexãxü̃ i aixcüma namaxã nataãẽxü̃.

2 Corintios 9:2

Erü marü nüxü̃ chacua̱x rü perü ngúchaü̃maxã ipenaxã i ngẽma diẽru. Rü guxü̃guma taãẽãcüma ngẽma yaxõgüxü̃ i Machedóniaanewa ngẽxmagüxü̃maxã nüxü̃ chixu nax ñuxãcü i pema i Acáyaanewa ngẽxmagüxe rü taunecü ga ngupetücügu marü ípememarexü̃ nax ngĩxü̃ ipexãgüxü̃ i ngẽma diẽru. Rü yema rümumaexü̃ ga yaxõgüxü̃ ga Machedóniaanecüã̱x, rü yexguma nüxü̃ naxĩnüegu nax ñuxãcü taãẽãcüma togüca̱x ngĩxü̃ nax ipexãgüxü̃ i perü diẽru, rü nümagü rü ta inanaxügü nax ngĩxü̃ inaxãgüxü̃.

1 Corintios 7:40

Natürü cha̱u̱xca̱x rü yexeraãcü chi itaãxẽ i ngẽxguma chi taxũchima wena naxãtegu. Rü ngẽma ĩnü rü choxrütama nixĩ, natürü nagu charüxĩnü rü Tupanaãxẽ i Üünexü̃arü ĩnü ta nixĩ.

1 Corintios 7:25

Rü ñu̱xma rü tá pemaxã nüxü̃ chixu nachiga i ngẽma ngema̱xgüxü̃ rü ngetegüxü̃. Rü tórü Cori ya Ngechuchu rü taxuxü̃ma i mu choxna naxã i ngẽmachiga. Natürü tá pemaxã nüxü̃ chixu i chorü ĩnü. Erü choma nixĩ i wüxi i duü̃xü̃ ga nüxü̃́ changechaü̃tümüü̃ãcüma choxü̃ nayaxuxü̃ ga tórü Cori.

Ucu̱xẽgüchiga 19:17

Ngẽxguma wüxi i duü̃xü̃ i ngearü diẽruã́xü̃xü̃ curüngü̃xẽẽgu diẽrumaxã, rü Tupanaxü̃ nixĩ i curüngü̃xẽẽxü̃. Rü nüma ya Cori ya Tupana rü tá cuxü̃́ tüxü̃ natáeguxẽxẽ.

Filipenses 4:17

Rü ñu̱xma nax ngẽma ñachaxü̃ rü tama naxca̱x chadau nax wena diẽru choxna pexãxü̃, natürü ngẽma aixcüma chanaxwa̱xexü̃ nixĩ nax Tupana pexü̃́ yamuxẽẽxü̃ i perü diẽru.

2 Corintios 8:8

Tama wüxi i mu nixĩ i ngẽma pemaxã nüxü̃ chixuxü̃. Natürü chanaxwa̱xemare nax nüxü̃ pecuáxü̃ nax ñuxãcü taãẽãcüma ngĩxü̃ inaxãgüxü̃ ga togü ga yaxõgüxü̃. Rü pemaxã nüxü̃ chixu i ngẽma nax pema rü ta ngĩxü̃ ipexãgüxü̃ca̱x i ngẽma diẽru i togü i taenexẽgüarü ngü̃xẽẽca̱x ixĩcü, nax ngẽmaãcü ipenawéxü̃ca̱x nax aixcüma nüxü̃ pengechaü̃güxü̃.

1 Corintios 16:2

Rü ngẽma diẽru i perü puracüwa ngĩxü̃ peyaxucüwa rü guxcü i yüxüarü ngunexü̃gu rü tá ngĩxü̃ pexã i ngẽma diẽru i Tupanaarü ixĩcü. Rü ngĩmaxã tá penguxü̃ nax tama ngẽxguma ngéma changuxguama ngĩxü̃ nax pedexü̃ca̱x.

2 Corintios 12:1

Taxuwama name nax yigü icua̱xüü̃xü̃. Natürü tá pemaxã nüxü̃ chixuama nax ñuxãcü tórü Cori choxü̃ nango̱xetüxẽẽxü̃ rü choxü̃ nüxü̃ nacua̱xẽẽxü̃ ga ta̱xacü ga ẽxü̃guxü̃.

Ore i mexü̃ ga Cuáü̃ ümatüxü̃ 11:50

¿Ẽ̱xna tama nüxü̃ pecua̱x rü namemaexü̃ nax wüxitama i yatü guxü̃ma i duü̃xü̃ca̱x yuxü̃ nax tama nayuexü̃ca̱x i guxü̃ma i tachiü̃anecüã̱x i duü̃xü̃gü? —ñanagürü.

Ore i mexü̃ ga Matéu ümatüxü̃ 10:42

Rü texé ya wüxi i pochíyuãcu i dexá i ga̱u̱xchiüxü̃ nüxna ãxe i wüxi i ñaa chorü duü̃xü̃gü, rü aixcümaxü̃chi tá tanayaxu i tümaarü ãmare, erü wüxi i chorü duü̃xü̃xü̃ tarüngü̃xẽxẽ”, ñanagürü ga Ngechuchu.

1 Corintios 10:23

Pema rü ñaperügügü: “Marü ítanguxü̃ nax naxügüxü̃ca̱x i ta̱xacü i inaxwa̱xegüxü̃”, ñaperügügü. Rü aixcüma nixĩ i ngẽma, natürü tama tüxü̃́ name i guxü̃ma i ngẽma ixügüchaü̃xü̃. Rü aixcüma ítanguxü̃ nax naxügüxü̃ca̱x i ngẽma inaxwa̱xexü̃, natürü tama guxü̃ma i ngẽma ixügüxü̃ tüxü̃ narüngü̃xẽxẽ nax yexeraãcü yaxõgüxü̃ca̱x.

1 Corintios 6:12

Rü ñuxre i pema rü ñaperügügü: “Marü name nax chanaxüxü̃ i ngẽma chanaxwa̱xexü̃”, ñaperügügü. Rü aixcüma nixĩ i ngẽma, natürü tama guxü̃ i ngẽma ixügüxü̃ rü tüxü̃́ name. Rü aixcüma nixĩ ya Tupana choxü̃ ínguxuchixẽẽxü̃ nax chanaxüxü̃ca̱x i ngẽma mexü̃ i chanaxwa̱xexü̃, natürü tama name nax ta̱xacürü chixexü̃gu chaugü changu̱xẽẽxü̃ nax ngẽma chomaxã icuáxü̃ca̱x.

Ore i mexü̃ ga Cuáü̃ ümatüxü̃ 18:14

Rü yema Caipá nixĩ ga ü̃paacü yema Yudíugüarü ãẽ̱xgacügümaxã nüxü̃ ixuxü̃ nax namemaexü̃ nax wüxitama ga yatü rü guxü̃ma ga Yudíugüca̱x nax nayuxü̃.

Ore i mexü̃ ga Cuáü̃ ümatüxü̃ 16:7

Natürü aixcüma pemaxã nüxü̃ chixu rü pexca̱x narümemae nixĩ nax Chaunatüca̱x chataeguxü̃. Rü ngẽxguma chi tama Chaunatüxü̃tawa chaxũxgu rü taxũchima núma naxũ ya Naãxẽ ya Üünecü ya perü ngü̃xẽẽruxü̃. Natürü ngẽxguma ngéma chaxũxgu rü choma tá núma chanamu.

2 Corintios 8:6

Rü yemaca̱x Títoxü̃ taca̱a̱xü̃ nax wena petanüwa naxũxü̃ca̱x nax ngĩxü̃ pingu̱xẽẽxü̃ca̱x ga yema diẽru ga marü pemaxã ngĩxü̃ inaxügücü nax ngĩxü̃ penutaque̱xexü̃.