2 Corintios 7:7 - Tupanaarü Ore

⁷ Rü tama yema toxü̃tawa nax nanguxü̃ca̱xicatama tataãẽgü, natürü tataãẽgü ta yerü ga pema rü poraãcü nüxü̃́ penangúchaü̃xẽxẽ rü penataãẽxẽxẽ ga gumá taenexẽ ga Títo. Rü nüma ga Títo rü tomaxã nüxü̃ nixu nax poraãcü penaxwa̱xexü̃ nax toxü̃ pedaugüxü̃. Rü tomaxã nüxü̃ nixu nax poraãcü toxca̱x pengechaü̃güxü̃, rü ñuxãcü cha̱u̱xca̱x pexoegaãẽgüxü̃. Rü guxü̃ma ga yema oremaxã rü yexeraãcü chataãxẽ.

2 Corintios 7:7 Referans Kwoze

Popera ga Yúda ümatüxü̃ 1:3

Pa Chauenexẽgü ya Pexü̃ Changechaü̃güxex, noxri rü poraãcü choxü̃́ nangúchaü̃ nax pexca̱x chanaxümatüxü̃ nachiga i ngẽma maxü̃ i taguma gúxü̃ i pema rü choma tüxü̃́ ngẽxmaxü̃. Natürü ñu̱xma rü chauãẽwa ínangu nax namexü̃ nax pexca̱x chanaxümatüxü̃ nax pexü̃ chaxucu̱xẽxü̃ca̱x rü ípenapoxü̃xü̃ca̱x i ngẽma ore i aixcüma ixĩxü̃ ga nũxcüma wüxicanatama Tupana norü duü̃xü̃güna ãxü̃.

2 Corintios 5:2

Rü ngẽmaca̱x i ñu̱xma i ñaa toxonewa tamaxẽyane rü yáxna tarüngü rü tama aixcüma tataãẽgü. Erü tanaxwa̱xe nax paxa toxü̃́ nangẽxmaxü̃ i ngẽma toxone i daxũguxü̃ i naanewa tá toxü̃́ ngẽxmaxü̃.

Norü taxre ga popera ga Cuáü̃ ümatüxü̃ 1:4

Rü poraãcü chataãxẽ ga yexguma nüxü̃ chada̱u̱xgu nax ñuxãcü ñuxre i petanüxü̃ rü aixcüma mea naga nax naxĩnüexü̃ i ngẽma ore i aixcüma ixĩxü̃, yema Tanatü ya Tupana tüxü̃ muxü̃rüxü̃.

Popera ga Chantiágu ümatüxü̃ 5:17

Tupanaarü orearü uruxü̃ ga Ería nixĩ ga wüxi ga yatü ga taxrüxü̃ ixĩcü. Natürü yexguma nüma aixcüma yaxõõcüma nayumüxẽgu nax tama napuxü̃ca̱x, rü tomaepü̱x ga taunecüarü ngãxü̃gu rü tama napu ga yema naanewa.

Popera ga Yudíugü ga yaxõgüxü̃ca̱x ümatüxü̃ 2:1

Rü ñu̱xma nax nüxü̃ icuáxü̃ nax guxü̃ma i Tupanaarü orearü ngeruü̃gü i daxũcüã̱xarü yexera yixĩxü̃ ya Nane, rü ngẽmaca̱x name nax yexeraãcü mea naga ixĩnüexü̃ i ngẽma ore i Nanechiga nüxü̃ ixĩnüexü̃ nax tama nüxna ixĩgachixü̃ca̱x nax yaxõgüxü̃.

1 Tesalonicenses 3:8

Rü ñu̱xma nax nüxü̃ tacuáchigaxü̃ nax aixcüma mea tórü Coriaxü̃́ peyaxõgüamaxü̃, rü poraãcü tataãẽgü.

1 Tesalonicenses 3:6

Natürü ñu̱xma nax ínanguxü̃ i Timutéu nax petanüwa ne naxũxü̃, rü mexü̃ i ore i pechiga ngéma ne nange. Rü tomaxã nüxü̃ nixu nax mea peyaxõgüxü̃ rü pegü pengechaü̃güxü̃. Rü tomaxã nüxü̃ nixu nax guxü̃guma toxü̃ pengechaü̃güãcüma toxna pecua̱xãchiexü̃. Rü tomaxã nüxü̃ nixu ta nax poraãcü wena toxü̃ pedaugüchaü̃xü̃ ngẽxgumarüxü̃ i toma rü ta wena pexü̃ tadaugüchaüxü̃rüxü̃.

Colosenses 2:5

Rü woo tama petanüwa nax changexmaxü̃, natürü chauãẽwa rü poraãcü pegu charüxĩnü. Rü wüxi i chorü taãxẽ nixĩ nax nüxü̃ chacuáxü̃ nax mea pegümaxã ipecuáxü̃ rü tama nüxü̃ perüxoexü̃ nax Cristuaxü̃́ peyaxõgüxü̃.

Filipenses 1:20

Rü ngẽma poraãcü chanaxwa̱xexü̃ nixĩ nax taguma ta̱xacürü chixexü̃ chaxüxü̃ nax taxuca̱xma chaugüca̱x chaxãnexü̃ca̱x. Rü chanaxwa̱xe i guxü̃guma íchamemare nax guxãpe̱xewa tama chamuü̃ãcüma Cristuchigaxü̃ chixuxü̃. Rü ñu̱xma nax chamaxü̃xü̃ rü woo chayu̱xgu rü chanaxwa̱xe i guxü̃guma aixrügumarüü̃tama chaugagu Cristuxü̃ nicua̱xüü̃gü i duü̃xü̃gü.

2 Corintios 8:16

Natürü Tupanana moxẽ chaxã, erü nüma rü Títoxü̃ nagu narüxĩnüxẽxẽ i ngẽmatama oegaãxẽ i choma pexca̱x choxü̃́ ngẽxmaxü̃.

2 Corintios 2:9

Rü yemaca̱x nixĩ ga yemachiga pexca̱x chanaxümatüxü̃, yerü pexü̃ chaxüxchaü̃, rü nüxü̃ chacuáxchaü̃ rü marü aixcüma naga pexĩnüe ga yema pemaxã nüxü̃ chixuxü̃.

2 Corintios 1:14

Rü ñu̱xma nax marü íxrarüwa toxü̃ pecuáxü̃ nax ñuxãcü tixĩgüxü̃, rü ngẽxguma ínanguxgu ya tórü Cori ya Ngechuchu rü pema rü tá tomaxã petaãẽgü rü ngẽxgumarüxü̃ i toma rü tá ta pemaxã tataãxẽgü.

Romanos 1:12

Rü ngẽxguma wüxiwa ingẽxmagügu rü tá yigüaxü̃́ tanangúchaü̃xẽxẽ namaxã i ngẽma õ i pema pexü̃́ ngẽxmaxü̃ rü choma choxü̃́ ngẽxmaxü̃

Ngechuchuarü ngúexü̃gü ga yamugüxü̃arü puracüchiga 11:23

Rü yexguma yéma nanguxgu ga Bernabé, rü nüxü̃ nadau nax ñuxãcü Tupana nüxü̃ rüngü̃xẽẽxü̃ ga yema yaxõgüxü̃ ga Antioquíacüã̱x, rü poraãcü namaxã nataãxẽ. Rü nayaxucu̱xẽgü ga guxü̃ma nax meama Cori ya Ngechuchuwe naxĩãmaxü̃ca̱x, rü taguma nüxü̃ naxoexü̃ca̱x.

Ore i mexü̃ ga Luca ümatüxü̃ 22:44

Rü yema nax poraãcü nanaxĩ̱xãchiãẽxü̃ ga Ngechuchu, rü yemaca̱x yexeraãcü nayumüxẽ, rü nanaxaiyaãchi. Rü ñoma nagü waixü̃müanewa ichuruxü̃rüxü̃ nixĩ ga norü aiyacü.

Ore i mexü̃ ga Matéu ümatüxü̃ 26:75

Rü nüma ga Pedru rü yexguma nüxna nacua̱xãchi ga yema ore ga Ngechuchu namaxã nüxü̃ ixuxü̃ ga ñaxü̃: “Rü naxü̃pa nax ota ica̱xaxü̃, rü cuma rü tomaepü̱xcüna tá cugü quixã nax chorü duü̃xü̃ quixĩxü̃”, ñaxü̃. Rü ínaxũxũ ga Pedru rü poraãcüxüchima naxaxu.

Ore i mexü̃ ga Matéu ümatüxü̃ 5:4

Tataãẽgü ya yíxema ngúxü̃ ngegüxe, erü Tupana tá tüxü̃ nataãẽgüxẽxẽ.

Wiyaegü 141:5

Rü choxü̃́ rü wüxi i ngü̃xẽxẽ nixĩ ega ngẽxguma choxü̃ nawe̱xãchixẽẽgu i wüxi i duü̃xü̃ i cupe̱xewa mexü̃. Natürü ngẽma norü ucu̱xẽ i ngẽma chixexü̃ ügüxü̃ rü tama choxü̃́ name rü taxũtáma naga chaxĩnü. Rü guxü̃gutáma chayumüxẽ nax nüxü̃ naxoexü̃ca̱x i ngẽma chixexü̃ i nagu ínamaxẽxü̃ uxcuxẽ

Wiyaegü 51:1

Pa Tupanax, ¡cuxü̃́ changechaü̃tümüxü̃, erü cuma rü cungechaü̃wa̱xe! ¡Rü curü ngechaü̃gagu choxü̃́ nüxü̃ irüngüma i chorü pecadugü!

Wiyaegü 38:18

Rü ñu̱xmax, Pa Tupanax, rü cumaxã nüxü̃ chixu i ngẽma chorü pecadugü erü naxca̱x chaugü íchicua̱x ga yema chixexü̃ ga chaxüxü̃.

Wiyaegü 30:5

Erü ngẽma norü nu rü paxaãchimare nixĩ, natürü ngẽma norü ngü̃xẽxẽ rü taguma inayagu̱x. Rü woo chütacü ixauxegu, natürü moxü̃ãcü rü taãẽãcü tingunexü̃gü.

1 Corintios 5:2

¿Rü ñuxãcü i pema rü pegü picua̱xüü̃güamaxü̃ i ñu̱xma? Narümemae chi nixĩ nax pegümaxã pengechaü̃güxü̃. Rü ngẽma yatü i ngẽma chixexü̃ üxü̃ ¡rü ípenata̱xüchixü̃ i petanüwa!

2 Corintios 1:4

Rü ngẽxguma ngúxü̃ tingegügu, rü nüma ya Tupana nixĩ i toxü̃ nataãẽxẽẽxü̃ nax toma rü ta tanataãẽxẽẽgüxü̃ca̱x i ngẽma ngúxü̃ ingegüxü̃. Rü ngẽmatama taãxẽ ya Tupana toxna naxãxü̃maxã tanataãẽxẽẽgü i ngẽma togü.

2 Corintios 7:6

Natürü ya Tupana ya tüxü̃ taãẽxẽẽcü ya yíxema ngechaü̃güxe, rü toxü̃ rü ta nataãẽxẽxẽ ga yexguma toxü̃tawa nanguxgu ga taenexẽ ga Títo.

2 Corintios 7:8

Choma nüxü̃ chacua̱x rü yema popera ga pexca̱x chaxümatüxü̃ rü pexü̃ nangechaü̃güxẽxẽ, natürü ñu̱xma rü marü tama naxca̱x changechaü̃ nax chanaxümatüxü̃ ga yema popera. Rü noxri rü yemaacü naxca̱x changechaü̃ ga yexguma nüxü̃ chacua̱xgu nax pexü̃ nangechaü̃güxẽẽxü̃ ga yema popera ga yexguma penayauxgügu.