2 Corintios 7:5 - Tupanaarü Ore

⁵ Rü yexguma Machedóniaanewa tangugügucürüwa rü taguma itarüngügü. Yerü guxü̃wama ga ngexta ítaxĩxü̃wa rü nüxü̃ itayangau ga guxchaxü̃gü. Rü duü̃xü̃gü rü poraãcü toxü̃́ nanaguxchaxẽxẽ rü yemaca̱x poraãcü taxoegaãẽgü.

2 Corintios 7:5 Referans Kwoze

2 Corintios 2:13

Natürü tama aixcüma chataãxẽ ga yéma, yerü tama yexma nüxü̃ chayangau ga taenexẽ ga Títo. Rü yemaca̱x nüxü̃ charümoxẽ ga yémacüã̱x ga duü̃xü̃gü, rü ichaxũãchi, rü Machedóniaanewa chaxũ.

Wenaxarü naxümatü ga Tupanaarü mugü 32:25

Rü norü ĩanegüarü namagügu rü norü uanügü rü taramaxã tá nanadai i naxacügü. Rü ĩpatagüwa rü tá taxüchixü̃ i muü̃ ínangu. Rü tá nayue i ngextü̱xüxü̃gü rü paxü̃gü rü o̱xigü rü õxchanagü ya maĩẽxe.

Ngechuchuarü ngúexü̃gü ga yamugüxü̃arü puracüchiga 20:1

Rü yexguma marü nangupetügu ga yema nax ínanuexü̃ ga duü̃xü̃gü, rü Pauru naxca̱x nangema ga yema yaxõgüxü̃ nax yaxucu̱xẽgüãxü̃ca̱x. Rü yexguma marü namaxã nüxü̃ nachaugu, rü nüxü̃ narümoxẽ, rü inaxũãchi ga Machedóniaanewa nax naxũxü̃.

1 Tesalonicenses 3:5

Rü yemaca̱x ga yexguma marü tama yáxna namaxã chaxĩnügu nax tama pechigaxü̃ chacuáxü̃, rü yemaca̱x düxwa Timutéuxü̃ yéma petanüwa chamu nax pexna yacaxü̃ca̱x rü aixcüma yixĩx nax peyaxõgüamaxü̃ i Tupanaarü ore. Yerü chaxoegaãxẽ rü bexmana Chataná rü chixexü̃gu pexü̃ nayixẽxẽ, rü yemaca̱x natüca̱xmamare chi nixĩ ga torü puracü ga petanüwa taxüxü̃.

Gálatas 4:11

Rü ngẽmaca̱x poraãcü chaxoegaãxẽ, erü ngürüãchi natüca̱xmamare tá nixĩ ga yema puracü ga petanüwa chaxüxü̃.

2 Corintios 2:9

Rü yemaca̱x nixĩ ga yemachiga pexca̱x chanaxümatüxü̃, yerü pexü̃ chaxüxchaü̃, rü nüxü̃ chacuáxchaü̃ rü marü aixcüma naga pexĩnüe ga yema pemaxã nüxü̃ chixuxü̃.

2 Corintios 2:3

Rü yemaca̱x nixĩ ga yemaacü pexca̱x popera chaxümatüxü̃, yerü tama chanaxwa̱xe nax choxü̃ pengechaü̃xẽẽxü̃ ga yexguma chi yéma chaxũxgu, erü pema nixĩ i chanaxwa̱xexü̃ nax choxü̃ petaãẽxẽẽgüxü̃. Rü aixcüma nagu charüxĩnü rü ngẽxguma choma chataãẽxgu rü pema rü tá ta petaãxẽgü.

1 Corintios 16:5

Choma rü Machedóniaanewa tá chaxüpetü nax íchayadauxü̃ca̱x i taenexẽgü i ngéma ngẽxmagüxü̃. Rü ngẽmawena rü tá petanüwa changu nax pexü̃ íchayadauxü̃ca̱x.

1 Corintios 15:31

Pemaxã nüxü̃ chixu, Pa Chauenexẽgüx, rü guxü̃ i ngunexü̃gu rü ãũcümaxü̃wa changexma, rü tama nüxü̃ chacua̱x i ta̱xacürü ngunexü̃gu Tupanaarü oregagu tá nax chayuxü̃. Rü ngẽma rü aixcümaxü̃chi nixĩ, ngẽxgumarüxü̃ nax aixcüma yixĩxü̃ nax choxü̃́ nangẽxmaxü̃ i wüxi i taãxẽ i taxü̃ i ñu̱xma nax tórü Cori ya Ngechuchu ya Cristuaxü̃́ peyaxõgüxü̃.

Yeremía 20:10

Rü nüxü̃ chaxĩnü nax duü̃xü̃gü rü cugüãcüma chauchiga yadexagüxü̃. Rü guxü̃wama choxü̃ naxãxũnegüxü̃ i duü̃xü̃gü rü ngẽmaca̱x chamuü̃. Rü nügümaxã ñanagürügü: “Ngĩxã ítanaxuaxü̃gü”, ñanagürügü. Rü woo i ngẽma chomücügü rü ínanangu̱xẽẽgü nax ngürüãchi ta̱xacürü chixexü̃ chaxüxü̃. Rü ñanagürügü: “Rü nügü tátama nixĩ i chixexü̃gu nanguxẽẽxü̃, rü ngẽxguma i yixema rü tá tayayauxgü rü yixema inaxwa̱xexü̃ tá namaxã taxü”, ñanagürügü.

Yeremía 8:18

Rü ngẽma ngúxü̃ i chingexü̃ rü nangearü üxüxü̃ã̱x, rü yima chorü maxü̃ne rü natura.

Yeremía 6:25

¡Rü taxṹ i naanewa pexĩxü̃! ¡Rü taxṹ i namagüwa pexĩxü̃! Erü ngẽma uanügü rü nixãxne. Rü guxü̃wama nangẽxma i muü̃ —ñanagürügü.

Ichaía 33:12

Rü ngẽma Achíriaanecüã̱xgü rü tá nixae. Rü ñoma tuxu i daxü̃güxü̃ i üxüwa iwocuxü̃rüxü̃ tá nixĩgü.

Yox 18:11

Rü guxü̃wama rü muü̃ãcü nixũ. Rü ngextá ínaxũxü̃wa rü nagu narüxĩnü nax nawe yangexü̃tanüxü̃ i duü̃xü̃gü.

Naanearü ügüchiga 8:9

Natürü ga guxema muxtucu rü wenaxarü wapuruca̱x tataegu yerü taxuguma tayarüwa̱xéga, yerü taũtama aixcüma ínixexechi ga dexá. Rü yemaca̱x ga Noé rü tümaca̱x ínaxuxuchime̱xẽ rü wenaxarü wapurugu tüxü̃ nimucuchi.

Romanos 15:26

Erü ngẽma taenexẽgü i yaxõgüxü̃ i Machedóniaanewa rü Acáyaanewa ngẽxmagüxü̃, rü norü ngúchaü̃maxã nagu narüxĩnüe nax ngĩxü̃ nanutaque̱xegüxü̃ i ñuxre i diẽru nax ngẽmaãcü nüxü̃ nangü̃xẽẽgüxü̃ca̱x i taenexẽgü i nüxü̃́ nataxuxü̃ i Yerucharéü̃wa ngẽxmagüxü̃.