2 Corintios 7:4 - Tupanaarü Ore

⁴ Rü ñu̱xma rü taxuca̱xma pexü̃ chaxãneãcüma pemaxã chidexa, erü poraãcü pemaxã chataãxẽ. Rü woo ngúxü̃ nax tingegüxü̃, natürü ngẽmaétüwa rü taxü̃ i ngúchaü̃ choxü̃́ nangẽxma rü chataãẽama.

2 Corintios 7:4 Referans Kwoze

2 Corintios 1:4

Rü ngẽxguma ngúxü̃ tingegügu, rü nüma ya Tupana nixĩ i toxü̃ nataãẽxẽẽxü̃ nax toma rü ta tanataãẽxẽẽgüxü̃ca̱x i ngẽma ngúxü̃ ingegüxü̃. Rü ngẽmatama taãxẽ ya Tupana toxna naxãxü̃maxã tanataãẽxẽẽgü i ngẽma togü.

2 Corintios 3:12

Rü ñu̱xma nax toxü̃́ nangẽxmaxü̃ i ngẽma Tupanaarü uneta i ngexwaca̱xü̃xü̃ i guxü̃gutáma yixĩxü̃, rü ngẽmaca̱x tama muü̃ãcüma duü̃xü̃gümaxã nüxü̃ tixuchiga.

Popera ga Chantiágu ümatüxü̃ 1:2

Pa Chauenexẽgü i Yaxõgüxü̃x, name nixĩ nax petaãẽgüxü̃ i ngẽxguma naguxü̃raü̃xü̃ i guxchaxü̃gü pexca̱x ínguxgu.

Colosenses 1:24

Rü ñu̱xma nax pexca̱x ngúxü̃ chingexü̃ rü chataãxẽ erü nüxü̃ chacua̱x rü ñaa chaxunemaxã choma rü ta chayanguxẽxẽ ga yema ngúxü̃ ga Cristu ingexü̃ naxca̱x i norü duü̃xü̃gü i yaxõgüxü̃.

Filipenses 2:17

Rü ñu̱xma nax mea peyaxõgüxü̃, rü ngẽma nixĩ i perü ãmare i Tupanana pexãxü̃. Rü ngẽma nax mea yanguxü̃ca̱x i ngẽma perü ãmare i Tupanape̱xewa, rü choma rü íchamemare nax Tupanaca̱x ichanaxãxü̃ i chorü maxü̃ rü chayuxü̃. Rü ngẽmaca̱x woo chayu̱xgu rü wüxi i taãxẽ tá nixĩ i cha̱u̱xca̱x. Rü chanaxwa̱xe i pemax rü ta wüxigu chomaxã petaãẽgü.

1 Corintios 1:4

Rü taguma nüxü̃ charüchau nax Tupanana moxẽ pexca̱x chaxãxü̃. Rü moxẽ nüxna chaxã naxca̱x i ngẽma ngü̃xẽxẽ ya Ngechuchu ya Cristugagu Tupana pexna ãxü̃.

1 Tesalonicenses 2:19

Natürü ngẽxguma wenaxarü núma naxũxgu ya tórü Cori ya Ngechuchu ya Cristu rü ¿texémaxã tá nixĩ i nape̱xewa togü ticua̱xüü̃güxü̃ rü tataãxẽgüxü̃? Rü aixcüma pewa tá nixĩ i ítanangu̱xẽẽxü̃ nax tomaxã nataãẽxü̃ i ngẽxguma wenaxarü núma naxũxgu.

1 Tesalonicenses 2:2

Rü pema marü nüxü̃ pecua̱x rü naxü̃pa ga pexü̃tawa nax tangugüxü̃ rü chixri tomaxã nachopetü ga Pirípucüã̱xgü rü tomaxã naguxchigagü. Natürü Tupana toxü̃ narüngü̃xẽxẽ nax pemaxã nüxü̃ tixuxü̃ca̱x ga norü ore i tüxü̃ maxẽxẽẽxü̃. Rü yemaca̱x tama tamuü̃eãcüma pemaxã nüxü̃ tixu ga yema ore woo ga torü uanügü rü poraãcü toxü̃́ nax naguxchaxẽẽgüãxü̃.

Filipenses 1:20

Rü ngẽma poraãcü chanaxwa̱xexü̃ nixĩ nax taguma ta̱xacürü chixexü̃ chaxüxü̃ nax taxuca̱xma chaugüca̱x chaxãnexü̃ca̱x. Rü chanaxwa̱xe i guxü̃guma íchamemare nax guxãpe̱xewa tama chamuü̃ãcüma Cristuchigaxü̃ chixuxü̃. Rü ñu̱xma nax chamaxü̃xü̃ rü woo chayu̱xgu rü chanaxwa̱xe i guxü̃guma aixrügumarüü̃tama chaugagu Cristuxü̃ nicua̱xüü̃gü i duü̃xü̃gü.

2 Corintios 11:21

Rü woo ãne choxna naxã nax pemaxã nüxü̃ chixuxü̃, natürü cha̱u̱xca̱x rü tama aixcüma pexü̃ tanawe̱x ga torü pora ga yexguma petanüwa tayexmagügu. Natürü ñu̱xma nax tama namuü̃exü̃ nax nügü yacua̱xüü̃güxü̃ i ngẽma orearü uruü̃güneta, rü choma rü tá ta taxuca̱xma chamuü̃ nax chaugüétüwa chidexaxü̃ woo pexca̱x rü ñoma wüxi i ngeãẽxü̃rüxü̃ãcü chidexagu.

2 Corintios 8:24

Rü ngẽmaca̱x chanaxwa̱xe i ngẽma tomaepü̱x i taenexẽgüxü̃ penawe̱x nax aixcüma nüxü̃ pengechaü̃güxü̃, nax ngẽmaãcü guxü̃ma i ngẽma yaxõgüxü̃tücumügü nüxü̃ cua̱xgüxü̃ca̱x, rü toma rü pemaxã tataãẽgüxü̃.

2 Corintios 2:14

Rü Tupanana moxẽ taxãgü erü ñu̱xma nax Cristuarü duü̃xü̃gü tixĩgüxü̃, rü nüma ya Tupana rü guxü̃guma tomaxã nanaxũpe̱xe. Rü nüma nixĩ i towa duü̃xü̃güxü̃ nüxü̃ nacua̱xẽẽxü̃ i norü ore. Rü ngẽma norü ore rü guxü̃wama nangu, rü ñoma i naanewa rü ñoma wüxi i pumara i yixichixü̃rüxü̃ nixĩ.

2 Corintios 1:14

Rü ñu̱xma nax marü íxrarüwa toxü̃ pecuáxü̃ nax ñuxãcü tixĩgüxü̃, rü ngẽxguma ínanguxgu ya tórü Cori ya Ngechuchu rü pema rü tá tomaxã petaãẽgü rü ngẽxgumarüxü̃ i toma rü tá ta pemaxã tataãxẽgü.

Romanos 5:3

Rü ngẽxgumarüxü̃ ta tataãẽgü i woo ngúxü̃ ingegügu. Erü nüxü̃ tacua̱x rü ngẽma ngúxü̃ rü tüxü̃ narüngü̃xẽxẽ nax yexeraãcü iporaexü̃ rü yáxna namaxã ixĩnüexü̃ca̱x.

Ngechuchuarü ngúexü̃gü ga yamugüxü̃arü puracüchiga 5:41

Rü yema ãẽ̱xgacügüna ínixĩ ga yema ngúexü̃gü. Rü nataãẽgü yerü woetama Tupana nanaxwa̱xe nax yemaacü Ngechuchuca̱x ngúxü̃ yangegüxü̃.

2 Corintios 7:14

Rü noxri tauta yéma naxũxgu ga Títo, rü namaxã nüxü̃ chixu nax aixcüma pemaxã chataãẽxü̃. Rü ñu̱xma rü taxuca̱xma chaxãne, erü guxü̃ma ga yema Títomaxã nüxü̃ chixuxü̃ ga pechiga rü aixcüma ngẽmaãcü nixĩ, yexgumarüxü̃ nax aixcüma yixĩxü̃ ga guxü̃ma ga yema Tupanaarü ore ga pemaxã nüxü̃ tixuxü̃.

2 Corintios 10:8

Rü woo írarüwa chanangupetüxẽxẽ nax chaugü chicua̱xüxü̃xü̃ namaxã i ngẽma nax Tupana toxü̃ muxü̃, natürü taxuca̱xma naxca̱x chaxãne. Erü aixcüma nüma ya Cori nixĩ ya toxü̃ mucü nax pexü̃ tarüngü̃xẽẽgüxü̃ca̱x nax yexeraãcü mea peyaxõgüxü̃ca̱x. Rü tama ta̱xacürü chixexü̃gu nax pexü̃ tayixẽẽxü̃ca̱x nixĩ i toxü̃ namuxü̃.

Filipenses 1:14

Rü ñu̱xma nax chapoxcuxü̃ rü ngẽma rümumaexü̃ i taenexẽgü i yaxõgüxü̃ rü nüxü̃́ nangúchaü̃ nax tama namuü̃eãcüma nüxü̃ yaxugüxü̃ i Tupanaarü ore.

Filipenses 1:26

Rü ngẽmaãcü wena táxarü petanüwa changexma. Rü ngẽxguma wena choxü̃ pedaugügu rü aixcüma tá petaãẽgü, erü tá pexü̃́ nangẽxma nax ta̱xacüca̱x Ngechuchu ya Cristuxü̃ picua̱xüü̃güxü̃.

2 Tesalonicenses 1:4

Rü ngẽmaca̱x tomatama taãẽãcüma pechigaxü̃ tixu natanüwa i ngẽma togü i Tupanaaxü̃́ yaxõgüxü̃. Rü namaxã nüxü̃ tixu nax aixcüma mea peyaxõgüxü̃, rü ñuxãcü namaxã peporaexü̃ woo pewe yangexü̃tanügu i ngẽma Yudíugü rü woo namuxgu i ngẽma ngúxü̃ i pexca̱x íngugüxü̃.

Popera ga Filemúü̃ca̱x naxümatüxü̃ ga Pauru 1:7

Rü choma rü poraãcü chataãẽxü̃chi erü aixcüma nüxü̃ cungechaü̃ i ngẽma yaxõgüxü̃. Erü cugagu nixĩ, Pa Chauenexẽx, nax nataãẽgüxü̃ i ngẽma yaxõgüxü̃.