2 Corintios 7:3 - Tupanaarü Ore

³ Rü tama pexü̃ chixuxü̃ca̱x nixĩ i pemaxã nüxü̃ chixuxü̃ i ngẽma. Yerü marü pemaxã nüxü̃ chixu nax guxü̃ i chorü maxü̃nemaxã pexü̃ changechaü̃xü̃. Rü ngẽma pexü̃ nax changechaü̃xü̃gagu rü íchamemare nax wüxigu petanüwa chamaxü̃xü̃ rüe̱xna wüxigu pemaxã chayuxü̃.

2 Corintios 7:3 Referans Kwoze

1 Tesalonicenses 2:8

Rü poraãcü pexü̃ tangechaü̃, rü yemaca̱x pexna tanaxã ga Tupanaarü ore. Rü tama Tupanaarü orexicatama pexna taxãxchaü̃ ga yexguma, natürü marü ítamemare nax pexca̱x itanaxãxü̃ i torü maxü̃ rü ta, yerü poraãcü pexü̃ tangechaü̃gü.

2 Corintios 13:10

Rü naxü̃pa nax pexü̃ íchayadauxü̃ nixĩ i pexca̱x chanaxümatüxü̃ i ñaa popera, nax ngẽxguma ngéma changuxgu rü nataxuxü̃ca̱x i ta̱xacüca̱x pemaxã nax chaporagaxü̃. Erü tórü Cori choxü̃ namu nax pexü̃ charüngü̃xẽxẽxü̃ca̱x nax yexeraãcü mea peyaxõgüxü̃ca̱x. Rü tama chixexü̃gu pexü̃ yayixẽẽxü̃ca̱x nixĩ i choxü̃ namuxü̃.

2 Corintios 12:15

Rü choma rü íchamemare nax chorü ngúchaü̃maxã pexca̱x ichanaxãxü̃ i guxü̃ma i ta̱xacü i choxü̃́ ngẽxmaxü̃ rü woo chaugütama rü ta nax ichaxãxü̃ nax aixcüma peyaxõgüxü̃ca̱x. Natürü cha̱u̱xca̱x rü ngẽxguma yexeraãcü pexü̃ changechaü̃gu, rü pema rü yexeraãcü choxü̃ perüxoetanü.

2 Corintios 11:11

¿Rü ta̱xacüca̱x yixĩxü̃ i ngẽmaãcü chidexaxü̃? ¿Ẽ̱xna pexca̱x rü tama pexü̃ changechaü̃xü̃ca̱x yixĩxü̃ i ngẽmaãcü chidexaxü̃? Dücax, pemaxã nüxü̃ chixu rü Tupana nüxü̃ nacua̱x nax aixcüma pexü̃ changechaü̃xü̃.

2 Corintios 7:12

Rü yemaca̱x, yexguma pexca̱x chanaxümatügu ga yema popera, rü tama yema duü̃xü̃ ga chixexü̃ üxü̃gu charüxĩnüãcü chanaxümatü, rü tama yema duü̃xü̃ ga nape̱xewa chixexü̃ naxüxü̃gu charüxĩnüãcü chanaxümatü. Natürü chanaxümatü ga yema popera nax yemawa Tupanape̱xewa nüxna pecua̱xãchiexü̃ca̱x nax aixcüma toxü̃ pengechaü̃güxü̃.

2 Corintios 3:2

Rü pemaxã nüxü̃ tixu rü tama tanaxwa̱xe i wüxi i popera nax duü̃xü̃gü toxü̃ cuáxü̃ca̱x, erü pematama nixĩ i ngẽma popera i toõxẽgu ümatüxü̃. Rü pewa nixĩ i guxü̃ma i duü̃xü̃gü nüxü̃ daugüxü̃ nax aixcüma mexü̃ ga puracü taxüxü̃ ga petanüwa.

Filipenses 1:7

Rü aixcüma name nax ngẽmaãcü pemaxã nagu charüxĩnüxü̃ i guxãma i pemax, erü poraãcü pexü̃ changechaü̃ rü Tupana rü wüxigu tüxü̃ narüngü̃xẽxẽ i guxãma i yixema. Rü woo ñu̱xma nax chapoxcuxü̃ rüe̱xna ega ãẽ̱xgacügüpe̱xewa choxü̃ nagagügu, rü Tupana choxü̃ narüngü̃xẽxẽ i ngẽxguma norü oreétüwa chidexagu rü ãẽ̱xgacügümaxã nüxü̃ chixuxgu nax ngẽma orewa yixĩxü̃ i nüxü̃ iyarünga̱u̱xü̃ i tórü maxü̃ i taguma gúxü̃. Rü nüxü̃ chacua̱x rü ngẽma choxü̃ nangü̃xẽẽxü̃ãcüma, rü pexü̃ rü ta narüngü̃xẽxẽ.