2 Corintios 7:2 - Tupanaarü Ore

² Rü tanaxwa̱xe i toxü̃ pengechaü̃gü. Rü taxúxexü̃ma tawomüxẽẽgü. Rü taxúeca̱x chixexü̃ ítanguxẽxẽ. Rü taxúxexü̃ma ngetanüãcü tapuracüxẽẽmare.

2 Corintios 7:2 Referans Kwoze

2 Corintios 11:9

Rü yexguma petanüwa chayexmagu rü aixcüma choxü̃́ itaxu ga diẽru, natürü taguma texéna ngĩxca̱x chaca. Rü taenexẽgü ga Machedóniaanewa ne ĩxü̃ rü choxna ngĩxü̃ naxãgü ga yema choxü̃́ taxu̱xcü. Rü yemaacü tama petanüwa ngĩxca̱x íchaca ga yexguma. Rü ñu̱xma rü ta tagutáma ta̱xacüca̱x pexna chaca.

Ngechuchuarü ngúexü̃gü ga yamugüxü̃arü puracüchiga 20:33

Choma rü taxuguma chaugüca̱x chanaxwa̱xe ga texéarü diẽru rü texéchiru.

Norü taxre ga popera ga Cuáü̃ ümatüxü̃ 1:10

Rü ngẽxguma chi wüxi i duü̃xü̃ petanüwa nguxgu, rü tama yema Cristu tüxü̃ ngúexẽẽxü̃maxã pexü̃ nangúexẽẽgu, rü ¡taũtáma penayaxu i pechiü̃wa rü bai i nüxü̃ perümoxẽgü!

Romanos 16:18

Erü ngẽma duü̃xü̃gü rü tama tórü Cori ya Ngechuchu ya Cristuarü ngúchaü̃ naxügü, natürü noxrütama ngúchaü̃ nixĩ i naxügüxü̃. Norü dexa ga maixcuraxü̃maxã nayaxucu̱xẽgü i duü̃xü̃gü, rü ngẽmaãcü nanawomüxẽẽgü i ngẽma duü̃xü̃gü i tama mea nüxü̃ cua̱xgüxü̃.

Ore i mexü̃ ga Matéu ümatüxü̃ 10:40

Rü texé ya mea pexü̃ yaxúxe rü choxü̃ nixĩ i tayaxuxü̃. Rü texé ya choxü̃ yaxúxe rü yimá núma choxü̃ mucü ya Chaunatüxü̃ nixĩ i tayaxuxü̃.

Ore i mexü̃ ga Matéu ümatüxü̃ 10:14

Rü ngẽxguma wüxi ya ĩwa rüe̱xna wüxi ya ĩanewa tama mea pexü̃ nayauxgügu rü tama nüxü̃ naxĩnüechaü̃gu i perü ore, ¡rü ípechoxü̃ nawa ya yima ĩpata rüe̱xna yima ĩane! Rü ngẽxguma ípechoxü̃gu, ¡rü ngẽxma penapagü i perü üxaxü̃cutü!

Iraétanüxü̃arü muxchiga 16:15

Rü yexguma ga Moiché rü poraãcü nanu, rü Cori ya Tupanaxü̃ ñanagürü: —Tama chanaxwa̱xe i nüxü̃́ cunayaxu i ngẽma duü̃xü̃güarü ãmaregü. Erü choma rü taguma ñuxgu wüxi i norü búru nüxna chayaxu, rü bai i ñuxgu wüxíemaxã chixexü̃ chaxü —ñanagürü.

Popera ga Filemúü̃ca̱x naxümatüxü̃ ga Pauru 1:17

Rü ngẽmaca̱x, rü ngẽxguma cuxca̱x rü aixcüma cuenexẽ nax chixĩxü̃, rü chanaxwa̱xe i mea cunayaxu i Onéchimu, ñoma choxü̃ cuyaxuxü̃rüxü̃.

Popera ga Filemúü̃ca̱x naxümatüxü̃ ga Pauru 1:12

Rü ñu̱xma rü cuxca̱x chanatáeguxẽxẽ i nüma i Onéchimu. Rü chanaxwa̱xe i mea cunayaxu, ñoma choxü̃ cuyaxuxü̃rüxü̃.

1 Tesalonicenses 2:10

Pema rü toxü̃ pedaugü rü Tupana rü ta toxü̃ nadau nax yexguma petanüwa tayexmagügu rü aixcüma mea Tupanape̱xewa tamaxẽ rü taguma pepe̱xewa chixexü̃ taxügü.

Colosenses 4:10

Rü pexü̃ narümoxẽ i Aristárcu i wüxigu chomaxã poxcuxü̃. Rü ngẽxgumarüxü̃ ta pexü̃ narümoxẽ i Márcu i Bernabéenexẽ ixĩxü̃. Rü marü pemaxã nüxü̃ chixu i Márcuchiga. Rü ngẽxguma tá petanüwa nanguxgu, rü chanaxwa̱xe nax mea penayauxgüxü̃.

Filipenses 2:29

Rü chanaxwa̱xe i tórü Coriégagu petaãẽgüãcüma mea penayaxu. Rü name nixĩ i nüxü̃ pengechaü̃gü i ngẽma duü̃xü̃gü i Epaporudíturüxü̃ ixĩgüxü̃.

2 Corintios 11:16

Rü wena pemaxã nüxü̃ chixu rü tama chanaxwa̱xe i nagu perüxĩnüe nax wüxi i ãũãẽxü̃ chixĩxü̃. Natürü ngẽxguma chi ngẽmaãcü chomaxã nagu perüxĩnüegu, rü tama chanaxwa̱xe i choxna penachu̱xu nax ñoma wüxi i ãũãẽxü̃rüxü̃ chaugüétüwa chidexaxü̃, nax ngẽmaãcü choma rü ta írarüwa chaugütama chicua̱xüxü̃xü̃ca̱x.

2 Corintios 4:2

Rü yemaca̱x nüxü̃ tarüxoe ga guxü̃ma ga yema chixexü̃ i ãne tüxna ãxü̃ rü yema cúãcü üxü̃. Rü tama tanawomüxẽẽãcüma nixĩ i namaxã nüxü̃ tixuxü̃ i ore rü tama tanaxüchicüü i ngẽma ore. Rü yema ore i aixcüma ixĩxü̃xicatama nixĩ i nüxü̃ tixuxü̃. Rü ngẽmaãcü Tupanape̱xewa rü duü̃xü̃güpe̱xewa togü itawe̱x nax nüxü̃ nacua̱xgüxü̃ca̱x nax aixcüma yixĩxü̃ i ngẽma nüxü̃ tixuxü̃.

2 Corintios 1:12

Rü ngẽma toxü̃ taãẽxẽẽxü̃ nixĩ nax toõxẽwa nüxü̃ tacuáxü̃ nax ñoma i naanewa rü aixcüma Tupana naxwa̱xexü̃ãcüma mea tamaxẽxü̃. Rü pepe̱xewa nixĩ ga guxü̃arü yexera yemaacü mea tamaxẽxü̃. Natürü tocüma rü tama ñoma i naanecüã̱xarü cua̱xwa ne naxũ, erü Tupana ya toxü̃ ngechaü̃cü nixĩ ya nüxü̃́ tayaxõcü.

Ore i mexü̃ ga Luca ümatüxü̃ 10:8

Rü ngẽxguma wüxi ya ĩane ya nawa mea pexü̃ nayaxunewa pengugügu, ¡rü penangõ̱x i ngẽma õna i pexna naxãgüxü̃!