2 Corintios 7:10 - Tupanaarü Ore

¹⁰ Rü ngẽma ngechaü̃ ya Tupana pexca̱x ínguxẽẽxü̃, rü ngẽmagagu nüxü̃ perüxoe i pecüma i chixexü̃ rü penayaxu i maxü̃ i taguma gúxü̃. Rü ngẽmaca̱x taxuca̱xma tü̱xcüü̃ pexoegaãẽgü. Natürü ngẽma ngechaü̃ i ñoma i naanewa ngẽxmaxü̃ rü yuwa tüxü̃ naga.

2 Corintios 7:10 Referans Kwoze

Ngechuchuarü ngúexü̃gü ga yamugüxü̃arü puracüchiga 3:19

Rü ngẽmaca̱x, Pa Chauenexẽgüx, rü name nixĩ i nüxü̃ perüxoe i pecüma i chixexü̃, rü Tupanaca̱x pexĩ, rü peyaxõgü nax nüma pexü̃́ ínapiãxü̃ca̱x i perü pecadugü.

Ngechuchuarü ngúexü̃gü ga yamugüxü̃arü puracüchiga 11:18

Rü yexguma yema orexü̃ naxĩnüegu ga yema yaxõgüxü̃ ga Yerucharéü̃cüã̱x, rü nachianegümare. Rü Tupanaxü̃ nicua̱xüü̃gü. Rü ñanagürügü: —Rü ngẽmawa nüxü̃ tacua̱x nax Tupana tüxü̃ dexü̃ ya yíxema woo tama Yudíugü ixĩgüxe. Rü ngẽxguma nüxü̃ tarüxoegu i tümaarü chixexü̃ rü Tupanaca̱x tadaugügu, rü nüma tüxna nanaxã i maxü̃ i taguma gúxü̃ —ñanagürügü.

2 Chamué 12:13

Rü nüma ga Dabí rü Natáü̃xü̃ nangãxü̃ rü ñanagürü: —Tupanape̱xewa chixexü̃ chaxü —ñanagürü. Rü nüma ga Natáü̃ nanangãxü̃ rü ñanagürü: —Ngẽmáacüx, natürü Tupana rü cuxü̃ nangechaü̃, rü taxũtáma ngẽma chixexü̃gagu cuyu.

Ore i mexü̃ ga Luca ümatüxü̃ 18:13

Natürü ga gumá yatü ga Rómaarü ãẽ̱xgacüca̱x diẽru ngĩxü̃ decü, rü yáxü̃gu narüxã̱ũ̱x. Rü namuü̃ ga daxũ nax nadawenüxü̃, rü yema norü ngechaü̃maxã nügü napaxremü, rü ñanagürü: “Pa Tupanax, ¡Cuxü̃́ changechaü̃tümüxü̃! Erü wüxi i pecaduã́xü̃ chixĩ”, ñanagürü ga gumá yatü.

Ore i mexü̃ ga Luca ümatüxü̃ 15:10

Rü pemaxã nüxü̃ chixu rü ngẽxgumarüxü̃ ta nataãẽgü i daxũcüã̱x i Tupanaarü orearü ngeruü̃gü i ngẽxguma wüxi i duü̃xü̃ i pecaduã́xü̃ nüxü̃ rüxoxgu i nacüma i chixexü̃ rü Tupanaaxü̃́ yaxõõgu —ñanagürü ga Ngechuchu.

Yoná 3:10

Rü Tupana rü nüxü̃ nadau ga yema Nínibecüã̱x ga duü̃xü̃gü ügüxü̃ nax ñuxãcü nüxü̃ naxoexü̃ ga nacüma ga chixexü̃. Rü yemaca̱x ga nüma ga Tupana rü ínayachaxãchi ga yema poxcu ga noxri namaxã naxueguxü̃.

Popera ga Yudíugü ga yaxõgüxü̃ca̱x ümatüxü̃ 12:17

Rü pema nüxü̃ pecua̱x rü yemawena ga yexguma naya̱u̱xchaü̃ãgu ga yema nanatüarü ngü̃xẽxẽ ga nüxna üxü̃, rü marü taxucürüwama nanayaxu. Rü nüma ga Echaú rü woo poraãcü naxaxu, natürü marü taxucürüwama ñuxãcü nanayaxu.

Ucu̱xẽgüchiga 17:22

Ngẽxguma itaãẽgu, rü ngẽma taãxẽ rü ñoma wüxi i üxüxü̃ i mexü̃rüxü̃ nixĩ, natürü ngẽxguma ingechaü̃gu rü ínarüxĩ i ngẽma tórü pora.

Yoná 4:9

Natürü nüma ga Tupana rü nanangãxü̃ rü ñanagürü: —¿Cuxca̱x rü namexü̃ nax ngẽmaãcü cunuxü̃ nagagu nax nayumaxü̃xü̃ i ngẽma nanetü? —ñanagürü. Rü nüma ga Yoná rü Tupanaxü̃ nangãxü̃ rü ñanagürü: —Ngẽmáacüx, cha̱u̱xca̱x name i ngẽma, erü ngẽma chorü numaxã chayuxchaü̃ —ñanagürü.

1 Chamué 30:6

Rü nüma ga Dabí rü naxoegaãẽ yerü ga yema norü duü̃xü̃gü rü nagu narüxĩnüe nax Dabíxü̃ nutamaxã ínamuxũchigüxü̃ yerü poraãcüma naxacügüca̱x nanue. Natürü nüma ga Dabí rü Cori ya Tupanana narüyoe rü nayaxõ nax Tupana tá nüxü̃ rüngü̃xẽẽxü̃.

2 Corintios 12:21

Rü chaxoegaãxẽ erü ngẽxguma wena petanüwa chaxũxgu, rü ngürüãchi Tupana tá pegagu choxü̃ naxãnexẽxẽ rü choxü̃ naxauxẽxẽ nagagu nax muxü̃ma i pemax rü marü ñuxgumama pecadu pexügüechaxü̃, rü tama nüxü̃ perüxoechaü̃xü̃ nax Tupanape̱xewa chixexü̃ pexügüxü̃, rü nai i ngexü̃maxã nax pemaxẽxü̃, rü togü i chixexü̃ nax pexügüxü̃.

Ore i mexü̃ ga Matéu ümatüxü̃ 26:75

Rü nüma ga Pedru rü yexguma nüxna nacua̱xãchi ga yema ore ga Ngechuchu namaxã nüxü̃ ixuxü̃ ga ñaxü̃: “Rü naxü̃pa nax ota ica̱xaxü̃, rü cuma rü tomaepü̱xcüna tá cugü quixã nax chorü duü̃xü̃ quixĩxü̃”, ñaxü̃. Rü ínaxũxũ ga Pedru rü poraãcüxüchima naxaxu.

Yoná 3:8

Rü yexgumarüxü̃ ta nanaxunagü ga ãẽ̱xgacüarü ore ga ñaxü̃: —¡Guxãma i pemax, Pa Duü̃xü̃güx, rü témüxü̃ i naxchirugu picu̱xgü rü ngẽmaãcü ípenawe̱x nax pegümaxã pengechaü̃güxü̃! ¡Rü aixcüma Tupanana pecagü rü namaxã nüxü̃ pixu i perü chixexü̃gü! ¡Rü wüxichigü i pemax rü nüxü̃ perüxoe i pecüma i chixexü̃ rü ngẽma nax pegü pedaixü̃ rü pemáetawa̱xegüxü̃!

Echequié 7:16

Rü woo togü rü máxpüxanexü̃wa nabuxmügu ñoma muxtucugü i baixãchiexü̃rüxü̃, natürü guxãtáma tümaarü pecadugagu tayueama.

Yeremía 31:9

Rü nümagü rü tá inaxĩãchi, rü tá niyumü̃xẽtanü rü nixauxetanü. Rü ngẽmaãcü tá ínangugü. Rü choma rü natügü íngexmaxü̃gu tá chayagagü nagu i wüxi i nama i mexü̃ i ngexta nataxuma i ãũcümaxü̃. Erü choma rü nanatü chixĩ i ngẽma Iraétanüxü̃. Rü Efraíü̃tanüxü̃ rü chaune ya yacüxü̃ nixĩ.

Ucu̱xẽgüchiga 18:14

Yíxema ida̱xawexe, rü tümaarü taãxẽ tüxü̃ ínarüdaxẽxẽ. Natürü ngẽxguma taxoegaãẽgu ¿rü texé tá tüxü̃ ítarüdaxẽxẽ?

Ucu̱xẽgüchiga 15:15

Yíxema naxĩ̱xãchiãẽxe, rü tümaca̱x rü guxü̃ma i ngunexü̃gu rü nüxü̃́ nangẽxma i norü guxchaxü̃gü. Natürü yíxema taãẽxe, rü tümaca̱x rü guxü̃ma i ngunexü̃gu tüxü̃́ nangẽxma i tümaarü taãxẽ.

Ucu̱xẽgüchiga 15:13

Ngẽxguma nataãẽgu i wüxi i duü̃xü̃ rü nataãẽchiwe. Natürü ngẽxguma nangechaxü̃gu, rü nangechaxü̃chiwe.

Nüxíraxü̃xü̃ ga popera ga ãẽ̱xgacügüchiga 21:4

Rü yema Nabúarü ngãxü̃gagu rü nüma ga Acáx rü nangechaü̃ãcüma rü nanuãẽãcüma napataca̱x nataegu, yerü Nabú rü namaxã nüxü̃ nixu ga tagutáma nüxna nax naxããxü̃ ga yema naane ga nanatü nüxna ãxü̃. Rü nüma ga Acáx rü nachiü̃wa nangu, rü naxchiãü̃gü nayaca, rü ĩxtapü̱xguama nabuenü, rü tama nachibüchaü̃.

2 Chamué 17:23

Rü yexguma Aitópe nüxü̃ cua̱xgu nax tama naxüaxü̃ ga yema nagu naxĩnüxü̃, rü nanaxüxmawe̱xe ga norü búru rü guma norü ĩane ga nagu nabuxü̃newa naxũ ga napatawa. Rü yexguma natanüxü̃maxã namexẽẽãgu ga guxü̃ma ga norü yemaxü̃güchiga, rü yemawena rü nügü nawẽxnaxã. Rü yemaacü nayu rü nanatü ítáxü̃gu nanata̱xgü.

2 Chamué 13:4

Rü wüxi ga ngunexü̃gu rü nüma ga Yonadá rü Anóü̃na naca rü ñanagürü: —¿Ta̱xacü cuxü̃ nangupetü, Pa Ãẽ̱xgacü Nanex? ¿Rü ta̱xacüca̱x wüxichigü i ngunexü̃gu yexeraãcü cungechaxü̃ rü taguma cutaãẽxü̃? ¿Tama ẽ̱xna chomaxã nüxü̃ quixuxchaü̃? —ñanagürü. Rü yexguma nüma ga Anóü̃ rü Yonadáxü̃ nangãxü̃ rü ñanagürü: —Chauenexẽ i Acharóü̃ naeya̱x i Tamáraxü̃ changẽ̱xẽ rü ngẽmaca̱x nixĩ i taguma chataãẽxü̃ —ñanagürü.

Naanearü ügüchiga 30:1

Rü yexguma Raqué nüxü̃ icua̱xãchigu nax tama Acóbuaxü̃́ naxãxacüxü̃, rü iyaxãũxãchi naxca̱x nax ngĩeya̱x ga Léaxicatama ãxacüxü̃. Rü yemaca̱x ngĩtexü̃ ngĩgürügü: —Ngẽxguma taxũtáma cuxü̃́ chaxãxacügu rü tá chayu —ngĩgürügü.

Wiyaegü 38:18

Rü ñu̱xmax, Pa Tupanax, rü cumaxã nüxü̃ chixu i ngẽma chorü pecadugü erü naxca̱x chaugü íchicua̱x ga yema chixexü̃ ga chaxüxü̃.

Ngu̱xẽẽtaeruü̃arü ore 7:3

Rü ngẽma icuechaxü̃arü yexera rümemaexü̃ nixĩ nax ixaxuxü̃. Rü woo tüxü̃ nachixechiwexẽẽgu, natürü nanataãẽxẽxẽ ya tórü maxü̃ne.

2 Corintios 7:9

Natürü i ñu̱xma rü chataãxẽ nax pexca̱x chanaxümatüxü̃ ga yema popera. Rü tama yema nax pengechaü̃güxü̃ca̱x chataãxẽ, natürü chataãxẽ yerü yema perü ngechaü̃gagu Tupanaca̱x pewoegu. Rü yema ngechaü̃ rü Tupanaarü ngúchaü̃ nixĩ, rü yemaacü taxuxü̃ma ga chixexü̃ pemaxã taxü ga yexguma pexca̱x tanaxümatügu ga yema popera.