2 Corintios 6:1 - Tupanaarü Ore

¹ Rü ñu̱xma nax Tupanaarü ngü̃xẽẽruü̃gü tixĩgüxü̃, rü pexü̃ taca̱a̱xü̃ nax tama nüxü̃ pexoexü̃ca̱x ga yema ngechaü̃ ga Tupana pexca̱x ixãxü̃.

2 Corintios 6:1 Referans Kwoze

Popera ga Yudíugü ga yaxõgüxü̃ca̱x ümatüxü̃ 12:15

¡Rü pegüna pedaugü nax taxúema nüxü̃ oxü̃ca̱x i ngẽma ngü̃xẽxẽ ya Tupana norü ngechaü̃maxã pexna ãxü̃! Erü tama tanaxwa̱xe nax texé petanüwa guxchaxü̃ íngu̱xẽẽxü̃ nax ngẽmaãcü ñoma wüxi i nanetü i chixexü̃rüxü̃ toguxexü̃ tachixexẽẽxü̃ nax Cristuna tixũgachixü̃ca̱x.

1 Corintios 3:9

Rü toma rü wüxigu Tupanaaxü̃́ tapuracüe. Rü ngẽmaãcü nixĩ i perü maxü̃wa napuracüxü̃ ya Tupana nax nüma nanaxwa̱xexü̃ãcüma noxrü pixĩgüxü̃ca̱x.

Nüxíraxü̃xü̃ ga popera ga Pedru ümatüxü̃ 4:10

Rü wüxichigü i pemax, rü Tupana pexna nanaxã i perü cua̱x. Rü ngẽma cua̱x ya Tupana pexna ãxü̃maxã rü name nixĩ i wüxichigü pegü perüngü̃xẽẽgü.

Gálatas 2:21

Rü tama nüxü̃ chaxoxchaü̃ i Tupanaarü ngechaü̃. Rü yexguma chi yema mugügu ixĩxü̃gagu Tupanape̱xewa imexgu, rü natüca̱xmamare chi nixĩ nax nayuxü̃ ga Cristu.

Popera ga Yudíugü ga yaxõgüxü̃ca̱x ümatüxü̃ 12:25

Rü ngẽmaca̱x name nixĩ i pexuãẽgü nax tama nüxü̃ pexoexü̃ca̱x ya yimá Tupana ya ñu̱xma tamaxã idexacü. Rü yema nũxcümaü̃güxü̃ ga duü̃xü̃gü ga Moichéwe rüxĩxü̃ rü taxucürüwa Tupanacha̱xwa nibuxmü nax tama napoxcueãxü̃ca̱x ga yexguma Tupanaxü̃ naxoegu. Rü ñu̱xma ega nüxü̃ ixoegu ya Cristu i daxũguxü̃ i naanewa tüxü̃ ucu̱xẽcü, rü yexeraãcü tüxü̃́ naguxcha nax Tupanaarü poxcucha̱xwa ibuxmüxü̃ nax tama tüxü̃ napoxcuexü̃ca̱x.

Romanos 12:1

Rü dücax, Pa Chauenexẽgüx, Tupanaarü ngechaü̃gagu pexü̃ chaca̱a̱xü̃ nax Tupanana pegü pexãgüxü̃ nax norü ãmare i maxü̃xü̃ rü üünexü̃ i namaxã nataãẽxü̃ pixĩgüxü̃ca̱x. Rü ngẽmaãcü nixĩ i nanaxwa̱xexü̃ ya Tupana nax nüxü̃ picua̱xüü̃güxü̃.

Gálatas 3:4

¿Ẽ̱xna natüca̱xmamare nixĩ ga yema mexü̃ ga Tupana pexca̱x üxü̃? Rü chierüx tama natüca̱xmamare yixĩxgu ga yema.

Ngechuchuarü ngúexü̃gü ga yamugüxü̃arü puracüchiga 14:3

Natürü muxü̃ma ga ngunexü̃ yexma narüchooma ga Pauru rü Bernabé. Rü Corina nayoü̃ãcüma rü tama namuü̃eãcüma duü̃xü̃gümaxã nüxü̃ nixugüeama ga Cori ya Tupanaarü ore ga norü ngechaxü̃chiga. Rü nüma ga Cori rü namaxã nataãẽxü̃ ga yema ore ga Pauru rü Bernabé nüxü̃ ixugüexü̃, rü yemaca̱x nüxna nanaxã ga pora nax naxügüã̱xü̃ca̱x ga cua̱xruü̃gü rü mexü̃gü ga Tupanaarü poramaxã naxügüxü̃.

Popera ga Títoca̱x naxümatüxü̃ ga Pauru 2:11

Tupana rü poraãcüxüchima tamaxã namecüma, rü yemaca̱x núma nanamu ga Nane nax guxü̃ma i duü̃xü̃güaxü̃́ nangẽxmaxü̃ca̱x i maxü̃ i taguma gúxü̃.

Ore i mexü̃ ga Matéu ümatüxü̃ 23:37

Rü ñanagürü ta ga Ngechuchu: —Pa Yerucharéü̃cüã̱x, pema penadai i Tupanaarü orearü uruü̃gü, rü nutamaxã ípenamuxũchigü i ngẽma orearü ngeruü̃gü ya Tupana pexü̃tawa mugüxü̃. Rü ñuxree̱xpü̱xcüna wüxigu chaugüxü̃tagu pexü̃ chanutaque̱xexẽẽchaü̃ ñoma wüxi i ota i naxacüxegü nügütüü̃gu tüxü̃ nutaque̱xexü̃rüxü̃. Natürü pema rü tama penaxwa̱xe.

2 Corintios 10:1

Rü ñu̱xma rü Cristuarü mecümagagu rü norü ngechaü̃gagu, rü choma i Pauru rü pexü̃ chaca̱a̱xü̃ nax choxü̃ íperüxĩnüexü̃ca̱x. Erü nangẽxma i duü̃xü̃gü i nüxü̃ ixugüxü̃ nax pexü̃ chamuü̃xü̃ ega pexü̃tawa changexmagu natürü ngẽxguma pexna chayáxü̃gu rü chaugü ícharüpora.

Yeremía 8:8

¿Rü ñuxãcü i pema rü nüxü̃ pixugüxü̃ nax nüxü̃ picuáxü̃, rü pexü̃́ nangẽxmaxü̃ i chorü mugü? Erü ngẽma chorü mugü ümatügüxü̃ rü chixri nanaxümatügü rü ínayatõxẽẽgü.

1 Chamué 14:45

Natürü nüma ga Iraétanüxü̃ ga duü̃xü̃gü rü Chaúxü̃ nangãxü̃gü rü ñanagürügü: —¿Ta̱xacüca̱x chixarü i Yonatáü̃ i nayuxü̃ erü nüma nixĩ i tórü uanüxü̃ tüxü̃ naporamaexẽẽxü̃? ¡Taxũtáma ngẽmaãcü nixĩ! Rü Cori ya Tupanaégagu cumaxã nüxü̃ tixu rü taxuxü̃táma i wüxi i nayae waixü̃mügu nangu, rü bai i wüxi i nayae i naeruwa ngẽxmaxü̃. Rü ngẽma ñu̱xma naxüxü̃, rü Cori ya Tupanaarü ngü̃xẽẽmaxã nixĩ i naxüaxü̃ —ñanagürügü. Rü yemaacü ga duü̃xü̃gü rü yuwa Yonatáü̃xü̃ ínapoxü̃gü.

Ngechuchuarü ngúexü̃gü ga yamugüxü̃arü puracüchiga 11:23

Rü yexguma yéma nanguxgu ga Bernabé, rü nüxü̃ nadau nax ñuxãcü Tupana nüxü̃ rüngü̃xẽẽxü̃ ga yema yaxõgüxü̃ ga Antioquíacüã̱x, rü poraãcü namaxã nataãxẽ. Rü nayaxucu̱xẽgü ga guxü̃ma nax meama Cori ya Ngechuchuwe naxĩãmaxü̃ca̱x, rü taguma nüxü̃ naxoexü̃ca̱x.

1 Tesalonicenses 3:5

Rü yemaca̱x ga yexguma marü tama yáxna namaxã chaxĩnügu nax tama pechigaxü̃ chacuáxü̃, rü yemaca̱x düxwa Timutéuxü̃ yéma petanüwa chamu nax pexna yacaxü̃ca̱x rü aixcüma yixĩx nax peyaxõgüamaxü̃ i Tupanaarü ore. Yerü chaxoegaãxẽ rü bexmana Chataná rü chixexü̃gu pexü̃ nayixẽxẽ, rü yemaca̱x natüca̱xmamare chi nixĩ ga torü puracü ga petanüwa taxüxü̃.

Popera ga Yudíugü ga yaxõgüxü̃ca̱x ümatüxü̃ 4:1

Rü ngẽmaca̱x i ñu̱xma nax Tupana tamaxã ixunetaxü̃ nax nügüxü̃tawa tá tüxü̃ yachocuxẽẽxü̃ nax ngẽxma rüngü̃ẽxü̃ca̱x, rü tanaxwa̱xe i taxũãẽgü, nax tama ngürüãchi wüxíe i tatanüwa tama ngẽxma taxücuxü̃.