Biblia Todo Logo
Bib sou entènèt

- Piblisite -




2 Corintios 4:7 - Tupanaarü Ore

7 Rü ñu̱xma nax Ngechuchu ya Cristuxü̃ icuáxü̃, rü ngẽma cua̱x rü taxü̃ne i mairaxü̃naxca̱xwa nangẽxma, nax nangóxü̃ca̱x nax Tupanawa ne naxũxü̃ i ngẽma pora i tüxü̃́ ngẽxmaxü̃ rü tama i tawa.

Gade chapit la Kopi




2 Corintios 4:7
31 Referans Kwoze  

Nüxü̃ tacua̱x rü ngẽxguma iyanaxoxgu i ñaa toxone i paxaãchi toxü̃́ ngẽxmaxü̃, rü daxũguxü̃ i naanewa tá tanayaxu i wüxi i toxone i tagutáma iyarüxoxü̃ i Tupanatama toxca̱x mexẽẽxü̃ rü tama i duü̃xü̃gü.


Rü Tupana nanade ga yema duü̃xü̃gü ga togü nüxü̃ oexü̃, rü ñoma i naanewa taxuxü̃ma ixĩgüxü̃ rü taxuxü̃ma nüxü̃́ ngẽxmagüxü̃. Rü yemaacü Tupana nanaxãneexẽxẽ i ngẽma duü̃xü̃gü i ñoma i naanewa tachigagüxü̃.


Rü nawa nixĩ i nangẽxmaxü̃ i guxü̃ma i cua̱xgü i mexü̃.


Rü ngẽma Chióü̃arü duü̃xü̃gü i ñoma úiru i mexẽchixü̃rüxü̃ ãtanüxü̃, rü ñu̱xma rü taxuwama name naxrüxü̃ ya yima buetaregü ya waixü̃münaxca̱x i wüxi i üwechiruxü̃ üxcü.


Rü chaugüca̱x rü choma nixĩ i guxü̃ i Tupanaarü duü̃xü̃güarü ñaxtüwaama chaxüxü̃. Natürü Tupana choxü̃ nangechaü̃ rü choxna nanaxã i ngẽma puracü i mexü̃ nax ngẽma tama Yudíugü ixĩgüxü̃maxã nüxü̃ chixuxü̃ca̱x ga yema mexü̃gü ga taguma iyagúxü̃ ga taxca̱x naxüxü̃ ga Cristu.


Rü nangẽxma i duü̃xü̃gü i nüxü̃ nixugüxü̃ nax chorü poperawaxicatama pexü̃ íchabaixgüxü̃, natürü ngẽxguma pexü̃tawa changexmagu rü taxúexü̃ma ichabáixgü nax chauga taxĩnüxü̃ca̱x, ñaxü̃maxã choxü̃ nixugüe.


Rü Ngechuchu rü to ga ore ga cua̱xruxü̃ duü̃xü̃gümaxã nixu, rü ñanagürü: —Tupana ãẽ̱xgacü íyixĩxü̃wa rü namexẽchi. Rü ñoma wüxi i úiru i wüxi i naanegu icúxü̃rüxü̃ nixĩ. Rü wüxi ya yatü rü ngẽxguma nüxü̃ iyangauxgu i ngẽma úiru, rü paxa wena ngẽma naanegu nayacu̱x. Rü norü taãẽmaxã napatawa naxũ rü namaxã nataxe i guxü̃ma i norü ngẽmaxü̃gü nax naxca̱x nataxexü̃ca̱x i ngẽma naane nax noxrü yixĩxü̃ca̱x i ngẽma úiru —ñanagürü.


Wüxi i duü̃xü̃ i diẽruã̱xü̃chixü̃ rü napatawa nangẽxma i poratu i úirunaxca̱x rü diẽrumünaxca̱x. Rü nangẽxma ta i poratu i nainaxca̱x rü waixü̃münaxca̱x. Rü ngẽma poratu i úirunaxca̱x rü diẽrumünaxca̱x rü mexü̃ i norü õnaca̱x nixĩ. Natürü ngẽma poratu i nainaxca̱x rü waixü̃münaxca̱x rü guxchirechixü̃ nixĩ.


Rü ngẽmaca̱x taguma nüxü̃ tarüchau i ñaa puracü, erü Tupana ya nüxü̃́ tangechaü̃tümüü̃cü nixĩ ga toxü̃ mucü nax tanaxüxü̃ca̱x i ñaa puracü nax nüxü̃ tixuxü̃ca̱x i norü ore.


Rü yexguma ípebaiü̃gu, rü Cristu itáxü̃rüxü̃ yexma nata̱x ga nũxcümaü̃xü̃ ga perü maxü̃. Rü yema Cristu írüdaxü̃rüxü̃ rü pema rü ta penayaxu i maxü̃ i ngexwaca̱xü̃xü̃, yerü peyaxõgü ga Tupanaarü pora ga namaxã Cristuxü̃ yuwa ínadaxẽẽxü̃.


Rü yexeraãcü ínatüe i duü̃xü̃gü i ñoma wüxi ya ĩpata ya waixü̃münaxca̱x ya waixü̃müte̱xegu üxü̃nerüxü̃ turaxü̃. Rü duü̃xü̃gü rü ñoma naweane i ngẽxma napocuchixü̃rüxü̃ nixĩ nax naturaexü̃.


Rü yexguma pemaxã nüxü̃ tixuxgu ga Tupanaarü ore i tüxü̃ maxẽxẽẽxü̃, rü tama toechama tidexagümare, yerü Tupanaãxẽ ya Üünecü toxü̃ narüngü̃xẽxẽ nax Tupanaarü poramaxã pemaxã nüxü̃ tixuxü̃. Rü mea nüxü̃ tacuáãcüma pemaxã nüxü̃ tixu ga yema ore yerü toõxẽwatama nüxü̃ tacua̱x nax aixcüma yixĩxü̃. Rü pematama meama nüxü̃ pecua̱x nax aixcüma mea pepe̱xewa tamaxẽxü̃ nax yemaacü pexü̃ tarüngü̃xẽẽgüxü̃ca̱x.


Rü yemaca̱x, woo tórü pecadugagu ñoma iyuexü̃rüxü̃ tixĩgü, natürü ga Tupana rü tüxna nanaxã ga maxü̃ ga yexguma Cristuxü̃ ínadaxẽẽgu. Rü ñu̱xma rü pexü̃́ nangẽxma i maxü̃ i taguma gúxü̃, erü Tupana pemaxã namecüma.


Rü aixcüma nixĩ ga Cristu ga ñoma wüxi ga duü̃xü̃ ga turaxü̃rüxü̃ nügü yaxĩxẽẽxü̃ ga yexguma curuchawa yapotagu. Natürü i ñu̱xma rü Tupanaarü poragagu namaxü̃. Rü ngẽxgumarüxü̃ ta i toma rü taturae i toxonewa. Natürü ñu̱xma nax norü duü̃xü̃gü tixĩgüxü̃, rü Tupanaarü poragagu tá tamaxẽ nax pexü̃ tarüngü̃xẽẽgüxü̃ca̱x.


Rü Tupana rü Yedeóü̃xü̃ ñanagürü: —Ngẽma duü̃xü̃gü i nua cugagüxü̃ rü namuxũchi nax ngẽma Madiáü̃tanüxü̃maxã pegü pedaixü̃. Erü nüma i ngẽma Iraétanüxü̃ rü chope̱xewa tá nügü nicua̱xüü̃gü nax noxrütama poramaxã nügü ínanguxü̃xẽẽxü̃ i Madiáü̃tanüxü̃me̱xẽwa.


Rü woo tangechaü̃gügu, natürü guxü̃guma tataãẽgü. Rü woo ñoma i naanewa tama tamuarü ngẽmaxü̃ã̱xgügu, natürü togagu muxü̃ma i duü̃xü̃gü nanayauxgü i maxü̃ i taguma gúxü̃. Rü woo taxuxü̃ma toxü̃́ nangẽxma i ñoma i naanewa, natürü aixcüma toxü̃́ nangẽxma i guxü̃ma.


Rü yexguma ga Ngechuchu rü ñanagürü nüxü̃: —Rü guxü̃ma i ngúexẽẽruxü̃ i Tupanaarü mugüwa ngu̱xẽẽtaexü̃ rü nanaxwa̱xe nax mea nüxü̃ nacuáxü̃ i ngẽma nũxcümaü̃xü̃ i Tupanaarü ore rü ñaa ngexwaca̱xü̃xü̃ i chorü ore, ngẽxgumarüxü̃ i wüxi i yatü i norü taxepatawa duü̃xü̃güca̱x inawéxü̃ i norü ngẽmaxü̃gü i ngexwacaxü̃güxü̃ rü norü ngẽmaxü̃gü i nũxcümaü̃güxü̃ —ñanagürü ga Ngechuchu.


¡Rü nüxna nacua̱xãchi nax waixü̃müwa choxü̃ cuxüxü̃! ¿Ẽ̱xna wena waixü̃müte̱xexü̃ choxü̃ quixũxẽxẽchaü̃?


Rü dücax, rü choma rü cuma rü Tupanape̱xewa rü tawüxigumare. Erü yixema i taxre rü waixü̃müwa tüxü̃ naxü.


Rü guxü̃ma i ñaa ore rü pemaxã nüxü̃ chixu nax chaugagu petaãẽgüxü̃ca̱x. Rü ñoma i naanewa rü tá ngúxü̃ pinge. ¡Natürü peporae! Erü choma rü marü nüxü̃ charüyexera i guxü̃ma i ñoma i naane —ñanagürü.


Rü wüxichigü tanaxwa̱xe nax aixcüma tümama̱xü̃ tangechaü̃xü̃, rü ngĩmaxãxicatama nax tamaxü̃xü̃.


Swiv nou:

Piblisite


Piblisite