2 Corintios 4:4 - Tupanaarü Ore

⁴ Erü nümagü nax tama yaxõgüãxü̃, rü ñoma i naanearü ãẽ̱xgacü i Chataná nixĩ i nüxü̃́ naguxchaxẽẽxü̃ nax tama nüxü̃ nacua̱xgüxü̃ca̱x i Cristu ya Üünecüarü ore i ñoma omürüxü̃ poraãcü nangóonexẽẽxü̃. Rü Cristuwa nixĩ i nügü nawéxü̃ ya Tupana.

2 Corintios 4:4 Referans Kwoze

2 Corintios 3:14

Natürü yema Iraétanüxü̃ ga Moichéxü̃ íixümücügüxü̃ rü tama nüxü̃ nacua̱xgüéga ga ta̱xacüchiga nax yixĩxü̃ ga yema mugü. Rü ñu̱xma rü ta i ngẽma Yudíugü rü ngẽxguma nawa nangúegu i ngẽma mugü rü tama nüxü̃ nacua̱xgüéga. Erü naãxẽgüwa rü ñoma yadüxgüchiwexü̃rüxü̃ nixĩgü, rü ngẽma nixĩ i nüxü̃́ naguxchaxẽẽxü̃ nax nüxü̃ nacua̱xgüxü̃ca̱x i ngẽxguma nüxü̃ nadaumatügügu i ngẽma mugü. Rü ñu̱xma rü ta tama nüxna ínanguéga i ngẽma nacüma i ñoma yadüxgüchiwexü̃rüxü̃ ixĩxü̃, erü Cristuxicatama nixĩ ya yimá nüxna ínanguxẽẽcü.

Ngechuchuarü ngúexü̃gü ga yamugüxü̃arü puracüchiga 26:18

Rü cuxü̃ chamu nax ngẽma duü̃xü̃güxü̃ choxü̃ cucua̱xẽẽxü̃ca̱x rü nüxü̃ naxoexü̃ca̱x i nacüma i chixexü̃gü rü chauga naxĩnüexü̃ca̱x. Rü cuxü̃ chamu nax Chatanáme̱xẽwa ícunanguxü̃xẽẽxü̃ca̱x i ngẽma duü̃xü̃gü nax chowe naxĩxü̃ca̱x rü choxü̃́ yaxõgüãxü̃ca̱x nax choma nüxü̃́ nüxü̃ icharüngümaxü̃ca̱x i norü pecadugü, rü nüxü̃́ nangẽxmaxü̃ca̱x i nachica natanüwa i guxü̃ma i chorü duü̃xü̃gü i üünegüxü̃”, ñanagürü choxü̃ ga Cori.

Ichaía 6:10

Rü ngexrüma nax chorü oremaxã cuyaxucu̱xẽgüxü̃ i ñaa duü̃xü̃gü i norü ĩnügutama rüxĩnüexü̃, erü taxũtáma cuga naxĩnüe. Rü nüetama ega nügü yangauxchixexẽẽgu na̱xcha̱xwa i chorü ucu̱xẽgü nax tama nüxü̃ naxĩnüexü̃ca̱x. Rü nüetama ega nügü yangexetügu na̱xcha̱xwa i ngẽma mexü̃ i naxca̱x chaxüxü̃ nax tama nüxü̃ nadaugüxü̃ca̱x rü ngẽmaãcü tama cha̱u̱xca̱x nawoeguxü̃ca̱x nax choma naxca̱x chayataanexẽẽgüxü̃ca̱x” —ñanagürü choxü̃.

Nüxíraxü̃xü̃ ga popera ga Cuáü̃ ümatüxü̃ 5:19

Nüxü̃ tacua̱xgü nax Tupanaxacügü ixĩgüxü̃, natürü guxü̃ma i ñoma i naanecüã̱x rü Chatanáme̱xẽwa nangẽxmagü.

2 Corintios 4:6

Erü nümatama ya Tupana ga noxri naane naxü̱xgux rü ẽanexü̃wa nanango̱xẽxẽ ga ngóonexü̃. Rü nümatama nixĩ i ñu̱xma i tüxü̃ yango̱xnaãẽxẽẽgüxü̃ nax ngẽmawa nüxü̃ icuáxü̃ca̱x nax nüma rü naxüünexü̃. Rü ngẽma norü üüne rü Ngechuchu ya Cristuchiwewa nixĩ i nangóxü̃.

Efesios 2:2

Yerü ga pemax rü nagu pexĩ ga yema chixexü̃ i ñoma i naanecüã̱x i duü̃xü̃gü nagu ĩxü̃. Rü pema rü naga pexĩnüe ga Chataná i ngo̱xogüarü ãẽ̱xgacü ixĩxü̃. Rü nüma nixĩ i nüxü̃́ nangúchaü̃xẽẽãxü̃ nax chixexü̃ naxügüxü̃ca̱x i ngẽma duü̃xü̃gü i tama Tupanaga ĩnüexü̃.

Efesios 6:12

Erü tama duü̃xü̃gü i taxrüxü̃ ãmachixü̃ rü ãxchina̱xãxü̃maxã nixĩ i yigü ida̱i̱xü̃. Natürü ngẽma namaxã yigü ida̱i̱xü̃ nixĩ i Chatanáarü duü̃xü̃gü i ngo̱xogü i chixexü̃gü i poraexü̃. Rü nümagü rü namaxã inacua̱x i ñoma i naanearü chixexü̃gü rü guxü̃wama daxũwa nangẽxmagü rü tüxü̃ narüporamaegüchaü̃.

Ore i mexü̃ ga Cuáü̃ ümatüxü̃ 12:31

Rü ñu̱xma tá nixĩ i napoxcuexü̃ i duü̃xü̃gü naxca̱x i norü pecadugü. Rü ñu̱xma tá nixĩ i ínata̱xüchixü̃ i ngẽma ñoma i naanewa poraxü̃ i Chataná.

Ore i mexü̃ ga Cuáü̃ ümatüxü̃ 8:12

Rü wenaxarü duü̃xü̃gümaxã nidexa ga Ngechuchu, rü ñanagürü nüxü̃: —Choma nixĩ i ñoma i naanexarü nangóonexẽẽruxü̃. Rü yíxema chowe rüxũxẽ rü taxũtáma ẽanexü̃wa tangexma rü tá tüxü̃́ nangẽxma i ngóonexü̃ i maxü̃ tüxna ãxü̃ —ñanagürü.

Ore i mexü̃ ga Cuáü̃ ümatüxü̃ 12:35

Rü yexguma ga Ngechuchu rü ñanagürü nüxü̃: —Choma rü paxaãchica̱xicatama petanüwa changexma nax ñoma wüxi i omürüxü̃ pexü̃ chabáxixü̃ca̱x. Rü ñoma rü ta petanüwa changexmaxü̃ rü name nixĩ nax choxü̃́ peyaxõgüxü̃ naxü̃pa nax ẽanexü̃wa pengẽxmagüxü̃. Erü yíxema ẽanexü̃wa ngẽxmaxe rü tama nüxü̃ tacua̱x nax ngextá taxuxü̃.

Ore i mexü̃ ga Cuáü̃ ümatüxü̃ 14:30

Marü taxũtáma muxü̃ i orexü̃ pemaxã chixu, erü marü paxa tá ínangu i Chataná i ñoma i naanemaxã icuáxü̃. Natürü nüma rü taxuwama choxü̃ narüyexera.

2 Corintios 3:18

Rü ngẽmaca̱x guxãma i yixema nax Cristuaxü̃́ yaxõgüxü̃ rü ñoma woruarüxü̃ tixĩgü, rü tawa nango̱x nax ñuxãcü namexẽchixü̃ ya tórü Cori, rü ñu̱xma rü nataxuma i ta̱xacü i tüxü̃ idüxüxü̃ naxcha̱xwa. Rü nüma ya tórü Cori i Naãxẽ ya Üünexü̃ ixĩcü, rü guxü̃guma yexeraãcü tüxü̃ nimexẽẽchigü nax naxrüxü̃ imexü̃ca̱x.

Colosenses 1:15

Taguma texé Tupanaxü̃ tadau, natürü nüma rü núma nanamu ga Nane nax duü̃xü̃gü nüxü̃ daugüxü̃ca̱x rü nüxü̃ nacua̱xgüxü̃ca̱x nax ñuxãcü yixĩxü̃ i nüma ya Tupana. Rü naxü̃pa ga guxü̃ma ga yema nango̱xẽẽxü̃, rü nüxíra marü nayexma ga Tupana Nane.

Nüxíraxü̃xü̃ ga popera ga Cuáü̃ ümatüxü̃ 2:8

Natürü ñaa Tupanaarü mu i pexca̱x chaxümatüxü̃ rü nangexwacaxü̃. Rü ñaa mu i aixcüma ixĩxü̃ rü Cristuwa nangẽxma rü ngẽxgumarüxü̃ ta pewa nangẽxma. Rü yema ẽanexü̃ ga noxri nawa peyexmagüxü̃ rü narüxochigü rü ñu̱xma rü ngẽma ngóonexü̃ i aixcüma ixĩxü̃wa pengẽxmagü.

Filipenses 2:6

Yerü nüma ga Cristu rü woo Tupanaxü̃chi nax yixĩxü̃, natürü tama nügü yéma ninuxũ.

Ore i mexü̃ ga Cuáü̃ ümatüxü̃ 1:14

Rü nüma ya yimá Nane ya Tupanaarü Oregu ãégacü rü duü̃xü̃xü̃ nügü nixĩxẽxẽ. Rü totanüwa namaxü̃ rü nüxü̃ tadaugü ga norü üüne ga Nanatüxü̃tawa nayaxuxü̃, yerü Nane ga nügümaxã wüxicacü nixĩ. Rü nüma ga Nane rü poraãcü duü̃xü̃güxü̃ nangechaxü̃ rü aixcüma nixĩ ga norü ore.

Popera ga Yudíugü ga yaxõgüxü̃ca̱x ümatüxü̃ 1:3

Rü Nanewa nixĩ i nüxü̃ idauxü̃ nax ñuxãcü naxüünexü̃ i nüma ya Tupana. Rü nüma ya Nane, rü Nanatü ya Tupanarüü̃tama nixĩ. Rü ñu̱xma nax guxü̃arü ãẽ̱xgacü yixĩxü̃ ya Nane, rü nüma rü norü orearü poramaxã guxü̃maama inacua̱x. Rü nüma ya Nane nixĩ ga taxca̱x nayuxü̃ nax nüxü̃ rüxoexü̃ca̱x ga tórü pecadugü. Rü yemawena rü Nanatüxü̃tawa naxũ rü yéma Nanatüarü tügünecüwawa nayarüto.

Popera ga Títoca̱x naxümatüxü̃ ga Pauru 2:13

Rü name nax ngẽmaãcü mea imaẽxü̃ ñu̱xma nax ínangu̱xẽẽgüxü̃ nax nataeguxü̃ ya Ngechuchu ya Cristu ya tórü Maxẽxẽxẽruxü̃ ya tórü Tupana ya tacü ixĩcü.

Ore i mexü̃ ga Cuáü̃ ümatüxü̃ 16:11

Rü Naãxẽ ya Üünexü̃ tá duü̃xü̃güxü̃ nüxü̃ nacua̱xẽxẽ nax texé tixĩxü̃ ya yíxema Tupana marü poxcu tümamaxã naxueguxe. Rü nüma nixĩ i Chataná i ñoma i naanemaxã icuáxü̃.

Norü taxre ga popera ga Pedru ümatüxü̃ 1:19

Rü yemaacü nüxü̃ tadau nax aixcüma yixĩxü̃ ga yema ore ga nũxcümaü̃güxü̃ ga Tupanaarü orearü uruü̃gü nüxü̃ ixugügüxü̃. Yerü yema nüxü̃ yaxugügüxü̃rüü̃tama nixĩ ga nüxü̃ tadauxü̃. Rü name nixĩ i pema rü ta aixcüma mea nagu perüxĩnüe i ngẽma ore, erü wüxi i omü i ẽanexü̃wa ibáxixü̃rüxü̃ nixĩ. Rü ngẽma ore rü tá pexü̃ nüxü̃ nacua̱xẽxẽ i Tupanachiga ñu̱xmatáta ínangu ya tórü Cori ya Ngechuchu ya Cristu ya yimá woramacuri ya ngunetüxü̃ ngócürüxü̃ ixĩcü. Rü ngẽxguma ínanguxgu i nüma rü tá perü maxü̃gu nabáxi.

2 Corintios 3:11

Rü woo namexẽchi ga yema mugü ga yarüxochigüxü̃, natürü yexeraãcü namexẽchi i ngẽma uneta i ngexwaca̱xü̃xü̃ i guxü̃gutáma ixĩxü̃.

1 Corintios 10:20

Natürü pemaxã nüxü̃ chixu rü ngẽxguma ngẽma duü̃xü̃gü i tama Tupanaxü̃ cua̱xgüxü̃, norü tupananetachicüna̱xãgüca̱x nadaiãgu i ta̱xacürü naxü̃na, rü tama Tupanaca̱x nixĩ i nadaiaxü̃, natürü ngo̱xogüca̱x nixĩ i nadaiaxü̃. Rü tama chanaxwa̱xe i ngo̱xogütanüxü̃xü̃ pegü pixĩgüxẽxẽ.

Ore i mexü̃ ga Cuáü̃ ümatüxü̃ 12:45

Rü texé ya choxü̃ dauxe, rü Chaunatü ya núma choxü̃ mucüxü̃ rü ta tadau.

Ore i mexü̃ ga Cuáü̃ ümatüxü̃ 15:24

Rü ngẽxguma chi taxũchima ngẽma duü̃xü̃güpe̱xewa Tupanaarü poramaxã chanaxüxgu i ngẽma cua̱xruü̃gü i taguma texé ya togue üxü̃, rü taxũchima ninaguãchi nax yapecaduã́xü̃. Natürü marü nüxü̃ nadaugü i ngẽma cua̱xruü̃gü i Tupanaarü poramaxã chaxüxü̃, rü ngẽxguma rü ta chauxchi naxaieama rü Chaunatüchi rü ta naxaie.

Ore i mexü̃ ga Cuáü̃ ümatüxü̃ 1:18

Taguma texé ñuxgu nüxü̃ tadau ga Tupana. Natürü Nane ya nügümaxã wüxicacü nixĩ ya tüxü̃ nüxü̃ cua̱xẽẽcü. Rü yimá Nane rü Tupanaxü̃chi nixĩ, rü Nanatümaxã wüxiwa nangẽxmagü.

Wiyaegü 50:2

Rü nüma ya Tupana rü yima mexẽchine ya napata ya Chióü̃wa ngẽxmanewa norü üünemaxã nanangóonexẽxẽ.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:11

Rü Tupanaarü ore i mexü̃ nixĩ i tüxü̃ ngu̱xẽẽxü̃ nachiga i ngẽma ngu̱xẽẽtae ya Tupana ya mecümaxüchicü naxca̱x choxü̃ muxü̃.

Nüxíraxü̃xü̃ ga popera ga ãẽ̱xgacügüchiga 22:22

Rü nüma ga yema daxũcüã̱x rü Tupanaxü̃ nangãxü̃ rü ñanagürü: “Choma rü tá doramare i ore naãxẽwa changu̱xẽxẽ i guxü̃ma i ngẽma Acáxarü orearü uruü̃gü”, ñanagürü. Rü yexguma ga nüma ga Cori ya Tupana rü ñanagürü nüxü̃: “Cuma i nüxü̃ cucuáxü̃ nax ngẽma cuxüxü̃” —ñanagürü.

Ore i mexü̃ ga Matéu ümatüxü̃ 13:22

Rü gumá triguchire ga tuxunecügu yixü̃nerüxü̃ nixĩ i ngẽma duü̃xü̃gü i Tupanaarü orexü̃ ĩnüexü̃ rü yaxõgüxü̃. Natürü ñoma i naanearü ngẽmaxü̃güca̱x nadaugü, rü ngẽmaguama narüxĩnüe, rü ngẽmaca̱x düxwa nüxü̃ inarüngümae i ngẽma ore. Rü guxü̃ma i ngẽma rü Tupanaarü orexü̃ nüxü̃ narüxoxẽxẽ nax tama aixcüma mea Tupanawe naxĩxü̃ca̱x i ngẽma duü̃xü̃gü.

2 Corintios 2:11

Rü ngẽmaãcü chanaxü nax tama nayoxniexü̃ca̱x i Chataná nax chixexü̃gu tüxü̃ nayixẽẽxü̃ca̱x. Erü yixema rü meama nüxü̃ tacua̱x i nacüma i Chataná rü ñuxãcü chixexü̃gu tüxü̃ nayixẽẽchaü̃xü̃.

2 Corintios 2:12

Rü yexguma Tróaarü ĩanewa changuxgu nax nüxü̃ chixuxü̃ca̱x ga Cristuarü ore, rü nüma ga Cori ya Tupana rü choxü̃́ nanatauxchaxẽxẽ nax yéma nüxü̃́ chapuracüxü̃ca̱x.

Gálatas 1:4

Rü nüma ga tórü Cori ya Ngechuchu rü nügü inaxã nax tórü pecaduca̱x nayuxü̃ca̱x nax nüxna tüxü̃ ínanguxü̃xẽẽxü̃ca̱x i guxü̃ma i ñoma i naanearü chixexü̃, yerü yema nixĩ ga nanaxwa̱xexü̃ ga Tanatü ya Tupana.

Popera ga Yudíugü ga yaxõgüxü̃ca̱x ümatüxü̃ 6:4

Natürü ngẽxguma chi wüxíe Cristuaxü̃́ yaxõxgu, rü chi meama Tupanaxü̃ tacua̱xgu, rü chi Naãxẽ ya Üünexü̃ tüxna nguxgu rü chi mexü̃ tümawa naxü̱xgu, rü chi Tupanaarü orexü̃ tacua̱xgu, rü chi nüxü̃ tacua̱xgu i ngẽma pora i tá ínguxü̃, natürü ngẽxguma chi Cristuna tixũgachigu, rü marü taxucürüwama texé wenaxarü Tupanaca̱x tüxü̃ tataeguxẽxẽ, erü tüma rü ñoma wena Tupana Nanexü̃ curuchawa tayapotaxü̃rüxü̃ tayaxĩxẽxẽ, rü guxü̃ i duü̃xü̃güpe̱xewa ãne nüxü̃ tingexẽxẽ.

Nüxíraxü̃xü̃ ga popera ga Cuáü̃ ümatüxü̃ 2:11

Natürü yíxema tümaenexẽchi aixe, rü ẽanexü̃watama tangexma, rü ẽanexü̃gu tixũ. Rü tama nüxü̃ tacua̱x nax ngextá taxũxü̃, erü ngẽma ẽanexü̃ rü tüxü̃ nixoxetüxẽxẽ.