2 Corintios 4:2 - Tupanaarü Ore

² Rü yemaca̱x nüxü̃ tarüxoe ga guxü̃ma ga yema chixexü̃ i ãne tüxna ãxü̃ rü yema cúãcü üxü̃. Rü tama tanawomüxẽẽãcüma nixĩ i namaxã nüxü̃ tixuxü̃ i ore rü tama tanaxüchicüü i ngẽma ore. Rü yema ore i aixcüma ixĩxü̃xicatama nixĩ i nüxü̃ tixuxü̃. Rü ngẽmaãcü Tupanape̱xewa rü duü̃xü̃güpe̱xewa togü itawe̱x nax nüxü̃ nacua̱xgüxü̃ca̱x nax aixcüma yixĩxü̃ i ngẽma nüxü̃ tixuxü̃.

2 Corintios 4:2 Referans Kwoze

2 Corintios 2:17

Rü toma rü tama Tupanaarü oregu diẽru ngĩxü̃ tayaxu ngẽma muxü̃ma i togü naxügüxü̃rüxü̃. Natürü Tupanape̱xewa rü aixcüma mea nüxü̃ tixu i ngẽma norü ore, erü nüma toxü̃ nimugü rü Cristuarü tixĩgü.

2 Corintios 5:11

Toma rü aixcüma torü Corixü̃ tangechaxü̃ rü naga taxĩnüe. Rü ngẽmaca̱x norü orearü uwa tapuracüe rü tayaxucu̱xẽgü i duü̃xü̃gü nax yaxõgüãxü̃ca̱x. Rü nüma ya Tupana rü meama toxü̃ nacua̱x, rü chierüna pema rü ta toxü̃ pecua̱xgügux.

1 Corintios 4:5

Rü ngẽmaca̱x tama name nax yaxtacüma texéxü̃ pengugüarü maxü̃ã́xü̃. Natürü name nixĩ i ípenangu̱xẽxẽ nax núma naxũxü̃ ya tórü Cori. Rü nüma tá nixĩ i nango̱xẽẽãxü̃ i guxü̃ma i ngẽma ñu̱xma icúxü̃ rü guxü̃ma i ngẽma duü̃xü̃gü naãẽwa nagu rüxĩnüexü̃. Rü ngẽxguma tá nixĩ ya Tupana i tüxü̃ yacua̱xüxü̃ ya wüxichigü ya yíxema aixcüma mexü̃ ügüxe.

2 Corintios 11:3

Natürü chaxoegaãxẽ erü yema ãxtape norü doramaxã Ébaxü̃ nawomüxẽẽxü̃rüxü̃, ngürüãchi tá ta texé pexü̃ tawomüxẽxẽ nax nüxü̃ perüxoexü̃ca̱x nax Cristugu perüxĩnüexü̃ rü naxca̱xicatama nax pemaxẽxü̃.

Efesios 5:12

Erü ngẽma chixexü̃ i cúãcüma naxügüxü̃ i ngẽma yatügü rü ngexü̃gü, rü woo nachiga idexagümaregu rü wüxi i ãnexüchi nixĩ.

2 Corintios 7:14

Rü noxri tauta yéma naxũxgu ga Títo, rü namaxã nüxü̃ chixu nax aixcüma pemaxã chataãẽxü̃. Rü ñu̱xma rü taxuca̱xma chaxãne, erü guxü̃ma ga yema Títomaxã nüxü̃ chixuxü̃ ga pechiga rü aixcüma ngẽmaãcü nixĩ, yexgumarüxü̃ nax aixcüma yixĩxü̃ ga guxü̃ma ga yema Tupanaarü ore ga pemaxã nüxü̃ tixuxü̃.

Romanos 1:16

Rü taxuca̱xma naxca̱x chaxãne i ngẽma ore i mexü̃. Erü ngẽma ore rü Tupanaarü pora nixĩ. Rü guxãma ya yíxema ya nüxü̃ ĩnüxe rü Cristuaxü̃́ yaxõgüxe rü tüxü̃́ nangẽxma i maxü̃ i taguma gúxü̃. Rü ngẽma maxü̃, rü Yudíugüca̱xchire̱x nixĩ, natürü i ñu̱xma rü guxü̃ma i ngẽma tama Yudíugü ixĩgüxü̃ca̱x rü ta nixĩ.

Efesios 4:14

Rü taũtáma ñoma buxü̃gürüxü̃ tixĩgü i tórü õwa. Rü ngẽxguma ta̱xacürü to i ngu̱xẽẽtaexü̃ ixĩnüegu rü taxũtáma naga taxĩnüe nax tama ñoma buanecü ngextámare cuecürüxü̃ tüxü̃ yaxĩgüxẽẽxü̃ca̱x. Rü taxũtáma nawe tarüxĩ i ngẽma duü̃xü̃gü i norü doramaxã tüxü̃ womüxẽẽgüxü̃ rü norü ngu̱xẽẽtaemaxã tüxü̃ ítüexẽẽchaü̃xü̃.

2 Corintios 11:6

Rü woo tama choxü̃́ nangẽxmagu i tauxcha nax duü̃xü̃güpe̱xewa chidexaxü̃, natürü aixcüma mea nüxü̃ chacua̱x i ngẽma nachiga chidexaxü̃. Rü guxü̃guma guxü̃ma i torü puracüwa marü pexü̃ tanawe̱x nax aixcüma mea nüxü̃ tacuáxü̃ i ngẽma nachiga tidexagüxü̃.

2 Corintios 1:12

Rü ngẽma toxü̃ taãẽxẽẽxü̃ nixĩ nax toõxẽwa nüxü̃ tacuáxü̃ nax ñoma i naanewa rü aixcüma Tupana naxwa̱xexü̃ãcüma mea tamaxẽxü̃. Rü pepe̱xewa nixĩ ga guxü̃arü yexera yemaacü mea tamaxẽxü̃. Natürü tocüma rü tama ñoma i naanecüã̱xarü cua̱xwa ne naxũ, erü Tupana ya toxü̃ ngechaü̃cü nixĩ ya nüxü̃́ tayaxõcü.

Romanos 6:21

¿Natürü ta̱xacüwa pexü̃́ namexü̃ ga yema chixexü̃ ga ü̃pa pexüxü̃ rü ñu̱xma ãne pexna ãxü̃? Yerü yema chixexü̃ rü yuwamare pexü̃ nagagü.

2 Corintios 6:8

Rü duü̃xü̃gü rü ñuxguacü toxü̃ nicua̱xüü̃gü, rü ñuxguacü rü chixexü̃ tomaxã nixugüe. Rü ñuxguacü rü mea tochiga nidexagü, rü ñuxguacü rü chixri tochiga nidexagü. Rü ñoma dorata̱xáxü̃ toxü̃ nawogü, woo aixcüma yixĩxgu i ngẽma ore i nüxü̃ tixugüxü̃,

Nüxíraxü̃xü̃ ga popera ga ãẽ̱xgacügüchiga 18:34

Rü ñu̱xũchi ñanagürü: —¡Ãgümücü i tü̃xü̃ ngĩxü̃ pixügüãcu dexámaxã rü ngẽma namachiétügu rü ngẽma üxütanüétügu penabagü! —ñanagürü. Rü yemaacü nanaxügü ga duü̃xü̃gü. Rü wena nanamu nax yemaacü naxügüã̱xü̃ca̱x. Rü norü tomaepü̱xcüna wena nanamu nax yexma ngĩxü̃ nabagüãcuxü̃ca̱x ga tü̃xü̃. Rü yemaacü nanaxügü ga nümagü.