2 Corintios 4:10 - Tupanaarü Ore

¹⁰ Rü guxü̃wama i ngextá ítaxĩxü̃wa rü guxü̃guma Ngechuchurüxü̃ yuwa tangexmagü, natürü ngẽmaãcü itanawe̱x nax towa namaxü̃xü̃ ya Ngechuchu.

2 Corintios 4:10 Referans Kwoze

Romanos 6:5

Rü ñu̱xma nax Cristumaxã wüxigu nayuxü̃ ga tacüma ga nũxcümaü̃xü̃, rü nüxü̃ tacua̱x nax aixcüma Cristumaxã tüxü̃́ nangẽxmaxü̃ i maxü̃ i ngexwaca̱xü̃xü̃.

Norü taxre ga popera ga Timutéuca̱x naxümatüxü̃ ga Pauru 2:11

Rü ngẽma ore i cumaxã nüxü̃ chixuxü̃ rü aixcüma nixĩ. Rü ngẽxguma Cristu yuxü̃rüxü̃ iyuegu, rü naxrüxü̃ tá ta wena tamaxẽ nax nüma ínangexmaxü̃wa imaxẽxü̃ca̱x.

Nüxíraxü̃xü̃ ga popera ga Pedru ümatüxü̃ 4:13

Natürü narümemae nixĩ nax petaãẽgüxü̃, yerü yema Cristu ngúxü̃ nax ingexü̃rüxü̃ nixĩ i ngúxü̃ nax pingegüxü̃ i ñu̱xmax nax ngẽmaãcü petaãẽgüxü̃ca̱x i ngẽxguma wena núma naxũxgu i nümax.

Romanos 6:8

Rü ñu̱xma nax Cristumaxã nayuxü̃ ga tórü maxü̃ ga nũxcümaü̃xü̃, rü nüxü̃ tacua̱x nax Cristurüxü̃ tüxü̃́ nangẽxmaxü̃ i maxü̃ i ngexwaca̱xü̃xü̃.

2 Corintios 13:4

Rü aixcüma nixĩ ga Cristu ga ñoma wüxi ga duü̃xü̃ ga turaxü̃rüxü̃ nügü yaxĩxẽẽxü̃ ga yexguma curuchawa yapotagu. Natürü i ñu̱xma rü Tupanaarü poragagu namaxü̃. Rü ngẽxgumarüxü̃ ta i toma rü taturae i toxonewa. Natürü ñu̱xma nax norü duü̃xü̃gü tixĩgüxü̃, rü Tupanaarü poragagu tá tamaxẽ nax pexü̃ tarüngü̃xẽẽgüxü̃ca̱x.

2 Corintios 1:5

Rü ñu̱xma nax Cristurüxü̃ poraãcü ngúxü̃ tingegüxü̃, rü ngẽxgumarüxü̃ ta nixĩ nax nümatama poraãcü toxü̃ nataãẽxẽẽxü̃.

Romanos 8:36

Rü guxü̃guma ãũcümaxü̃wa tangexmagü, ngẽma Tupanaarü ore i ümatüxü̃ nüxü̃ ixuxü̃rüxü̃. Erü ngẽma ore rü ñanagürü: “Rü cugagu duü̃xü̃gü toxü̃ nadaixchaü̃ rü duü̃xü̃güpe̱xewa rü ñoma carnérugü i daiwa nagagüxü̃rüxü̃ tixĩgü”, ñanagürü i ngẽma ore.

Colosenses 1:24

Rü ñu̱xma nax pexca̱x ngúxü̃ chingexü̃ rü chataãxẽ erü nüxü̃ chacua̱x rü ñaa chaxunemaxã choma rü ta chayanguxẽxẽ ga yema ngúxü̃ ga Cristu ingexü̃ naxca̱x i norü duü̃xü̃gü i yaxõgüxü̃.

2 Corintios 1:9

Rü marü nagu tarüxĩnüe rü ñoma yu tomaxã naxuegugüxü̃rüxü̃ tixĩgü. Natürü yemaacü toxü̃ naxüpetü, nax toxü̃ nangúexẽẽxü̃ca̱x nax tama namexü̃ nax togünatama tarüyoü̃güxü̃ rü namexü̃ nax nüxü̃́ tayaxõxü̃ ya Tupana ya ínadagüxẽẽcü i yuexü̃.

Gálatas 6:17

Rü ñu̱xmawena rü tama chanaxwa̱xe nax texé ta̱xacürü guxchaxü̃gü choxna ãxü̃. Erü choma rü aixcüma tórü Cori ya Ngechuchuarü duü̃xü̃ chixĩ. Rü ngẽma chorü o̱xrigüchica i chowa ngẽxmagüxü̃wa nüxü̃ pecua̱x nax aixcüma yixĩxü̃ i ngẽma.

Ore i mexü̃ ga Cuáü̃ ümatüxü̃ 14:19

Rü paxa tá nixĩ nax taxũtáma choxü̃ nadaugüxü̃ i ñoma i naanecüã̱x i duü̃xü̃gü. Natürü i pema rü tá choxü̃ pedaugü. Rü choma rü chamaxü̃ rü ngẽmaca̱x tá pemaxẽ i pema.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:17

Rü yexguma nüxü̃ chada̱u̱xgu, rü nape̱xegu chayangu ñoma chayuxü̃rüxü̃. Natürü ga nüma rü norü tügüneme̱xẽmaxã choxü̃ ningõgü, rü ñanagürü choxü̃: “¡Taxṹ i cumuü̃xü̃! Choma nixĩ i chaxíra chayexmaxü̃ rü guxü̃gutáma changexmaechaxü̃.

2 Corintios 4:11

Rü ñu̱xma nax tamaxẽxü̃, rü guxü̃ i ngunexü̃gu rü Ngechuchugagu yuwa tangexmagü. Natürü ngẽmaãcü toxü̃ naxüpetü nax Ngechuchu inawéxü̃ca̱x i norü maxü̃ nawa i ñaa toxone i yuxwa̱xexü̃.

Nüxíraxü̃xü̃ ga popera ga Pedru ümatüxü̃ 4:14

Rü ngẽxguma Cristuaxü̃́ nax peyaxõgüxü̃gagu texé pemaxã guxchigagu, rü name nixĩ i petaãẽgü. Erü ngẽmaãcü nüxü̃ pecua̱x nax Tupanaãxẽ ya Üünecü rü pewa nax nangẽxmaxü̃.