2 Corintios 3:7 - Tupanaarü Ore

⁷ Rü yema Moichéarü mugü ga yuwa tüxü̃ gaxü̃, rü nutagu nixĩ ga naxümatüxü̃. Rü yexguma Moiché nayaxugu ga yema mugü, rü poraãcü niya̱xaurachiwecüxü. Rü yemaca̱x ga yema Iraétanüxü̃ rü taxucürüwama Moichéchiwegu narüdaunü yerü yema norü ya̱u̱xrachiwe rü naporaxüchi woo nixochigü.

2 Corintios 3:7 Referans Kwoze

1 Corintios 13:10

Rü guxü̃ma i ngẽma cua̱x i ñu̱xma tüxü̃́ ngẽxmaxü̃ rü tá inayarüxo i ngẽxguma Tupanape̱xewa ingugügu. Rü ngẽxguma i nüma rü tá guxü̃xü̃ma tüxü̃ nacua̱xẽxẽ.

Romanos 10:4

Natürü nüma ga Cristu rü nayanguxẽxẽ ga yema mugü rü yemaacü inayanaxoxẽxẽ nax tama tamaxã inacuáxü̃ca̱x i ngẽma mugü. Rü yemaacü nanaxü ga Cristu nax guxü̃ma i duü̃xü̃gü i nüxü̃́ yaxõgüxü̃ rü aixcüma Tupanape̱xewa yamexü̃ca̱x.

Ínachoxü̃xü̃chiga 31:18

Rü yexguma Cori ya Tupana nüxü̃ rüchauxgu ga Moichémaxã nax yadexaxü̃ ga ma̱xpǘne ga Chinaíwa, rü nüxna nanaxã ga taxre ga nutatachinügü ga nümatama ga Tupana naxme̱xmaxã norü mugü nagu naxümatüxü̃.

2 Corintios 3:6

Rü nümatama ya Tupana nixĩ i toxü̃ nangúexẽẽxü̃ nax nüxü̃́ tapuracüexü̃ca̱x rü nüxü̃ tixuxü̃ca̱x i ngẽma ngexwaca̱xü̃xü̃ i norü uneta i tama Moichéarü mugüwa ne daxü̃ natürü Tupanaãxẽ i Üünexü̃wa ne ũxü̃. Rü yema mugü ga Moiché ümatüxü̃ rü yuwa tüxü̃ nagagü, natürü Tupanaãxẽ ya Üünecü rü tüxna nanaxã i maxü̃ i taguma gúxü̃.

2 Corintios 3:3

Rü ñu̱xma rü meama nango̱x nax pema rü wüxi i popera i Cristutama ümatüxü̃ pixĩgüxü̃. Rü torü puracügagu nixĩ i ngẽma. Rü tama wüxi i popera i tíntamaxã ümatüxü̃ pixĩgü, natürü ümatüxü̃ ya Tupana ya Maxü̃cüãxẽ i Üünexü̃ ümatüxü̃ pixĩgü. Rü ngẽma ümatüxü̃ rü tama nutagu ümatüxü̃ nixĩ, natürü duü̃xü̃güarü maxü̃negu nixĩ i naxümatüxü̃.

Ínachoxü̃xü̃chiga 24:12

Cori ya Tupana rü Moichéxü̃ ñanagürü: —Ẽcü nagu naxĩnagü ya daa ma̱xpǘne ya nawa changexmane rü ngéma choxü̃ nanguxẽxẽ! Erü tá cuxna chanaxã i nutatachinügü i chorü mugü rü ucu̱xẽgü nagu chaxümatüxü̃ nax Iraétanüxü̃xü̃ nawa cungúexẽẽxü̃ca̱x —ñanagürü.

Romanos 4:15

Nüxü̃ tacua̱x rü ngẽma mugü ga Moiché ümatüxü̃ rü poxcuwa tüxü̃ naga erü taxúema aixcüma mea tayanguxẽxẽ. Natürü yexguma chi nataxuxguma ga yema mugü rü tataxuchima nax texé chixri yanguxẽẽxü̃.

Wiyaegü 119:97

Rü poraãcü choxü̃́ nangúchaü̃ i curü ucu̱xẽgü, rü wüxichigü i ngunexü̃gu rü nagu charüxĩnü.

Ngechuchuarü ngúexü̃gü ga yamugüxü̃arü puracüchiga 6:15

Rü yexguma Estébaü̃xü̃ nadaunügu ga guxü̃ma ga yema ãẽ̱xgacügü ga yéma rütogüxü̃, rü nüxü̃ nadaugü ga nachametü rü wüxi ga daxũcüã̱x ga orearü ngeruü̃chametürüxü̃ nax yixĩxü̃.

Wiyaegü 119:174

Pa Corix, chanaxwa̱xe i paxa choxü̃ curüngü̃xẽxẽ rü choxü̃ ícupoxü̃. Erü choma rü poraãcü namaxã chataãxẽ i ngẽma curü ucu̱xẽgü.

Wenaxarü naxümatü ga Tupanaarü mugü 9:15

Rü yexguma nawa ícharüxĩ̱xgu ga guma ma̱xpǘne ga iyauracüxüne, rü cho̱xme̱xgu chayana ga yema taxre ga nutatachinü ga Tupanaarü uneta nagu ümatüxü̃.

Romanos 7:22

Choma rü chauãẽwa rü chorü me nixĩ i Tupanaarü mugü, rü naga chaxĩnüchaü̃.

Wenaxarü naxümatü ga Tupanaarü mugü 4:13

Rü nüma ga Cori ya Tupana rü pexü̃ nüxü̃ nacua̱xẽxẽ ga yema norü unetagü ga 10 i mugü ixĩxü̃ ga taxre ga nutatachinügu naxümatüxü̃. Rü ñu̱xũchi pexü̃ namu nax aixcüma peyanguxẽẽxü̃ca̱x.

Ínachoxü̃xü̃chiga 34:1

Rü nüma ga Cori ya Tupana rü Moichéxü̃ ñanagürü: —¡Ẽcü, cumatama naxü i taxre i nutatachinügü i ngẽma nanoxriraxü̃xü̃tama, nax ngẽmagu chanaxümatüxü̃ca̱x i ngẽma chorü mugü ga yema quipuexẽẽxü̃ ga nutatachinügügu chaxümatüxü̃!

Ínachoxü̃xü̃chiga 32:19

Rü yexguma nüma ga Moiché yema duü̃xü̃gü ípegüxü̃wa nanguxgu, rü nüxü̃ nadau ga yema wocaxacüchicüna̱xã, rü nüxü̃ nadau ga nax ínapetaegüxü̃ rü íyaxü̃ãchitanüxü̃ ga duü̃xü̃gü. Rü yemaca̱x nanuxũchi ga Moiché rü norü numaxã inayachi̱x ga yema taxre ga nutatachinü ga Tupanaarü mugü nagu ümatüxü̃. Rü ma̱xpǘnepechinügu nawoonetüchimare.

Naanearü ügüchiga 3:21

Rü nüma ga Cori ya Tupana rü naeü̃cha̱xmüü̃maxã nayaxüxchiru nax yemamaxã yaxãxchiruxü̃ca̱x ga gumá yatü rü yema nge.

Popera ga Yudíugü ga yaxõgüxü̃ca̱x ümatüxü̃ 9:4

Rü yéma nayexma ga yema mecha ga úirunaxca̱x ga nawa yagugüãxü̃ ga pumara ga yixixü̃. Rü yéma nayexma ta ga yema baú ga guxü̃wama úirumaxã tüxünexü̃ ga Tupanaarü mugü nagu nucuxü̃. Rü yematama baúarü aixepewa nayexma ga wüxi ga napaxü̃ ga úirunaxca̱x ga maná ga daxũwa rüyixü̃maxã ããcuxü̃. Rü yexgumarüxü̃ ta yema baúarü aixepewa nayexma ga Aróü̃arü caxü̃ruxü̃ ga rüxüxü̃ne, rü gumá nutagü ga Tupanaarü mugü nagu ümatügüxü̃.

Neemía 9:13

Yemawena rü ma̱xpǘne ga Chinaígu ícurüxĩ, rü yéma daxũguxü̃ ga naanewa namaxã quidexa, rü yéma cunana ga mugü ga aixcüma mexü̃, rü ngu̱xẽẽtaegü ga aixcüma ixĩxü̃ rü ucu̱xẽgü ga mexü̃.

Wenaxarü naxümatü ga Tupanaarü mugü 4:8

¿Rü ta̱xacü i to i duü̃xü̃gütücumü nüxü̃́ nangẽxma i norü mugü i aixcüma mexü̃ naxrüxü̃ i guxü̃ma i ñaa mugü i ñu̱xma pexü̃ changúexẽxẽxü̃?

Wenaxarü naxümatü ga Tupanaarü mugü 5:22

Rü yemagü nixĩ ga norü mugü ga Cori ya Tupana tagaãcü guma üxüemawa rü yema caixanexü̃ ga pamüemaxü̃wa nüxü̃ ixuxü̃ ga yexguma guxãma ga pema guma ma̱xpǘnepechinügu pengutaque̱xegügu. Rü yemawena rü taxuxü̃ma ga toxü̃ nixu, rü taxre ga nutatachinügu nanaxümatü ga yema norü mugü rü ñu̱xũchi choxna nanaxã.

Romanos 5:20

Rü Tupana rü Moichéna nanaxã ga norü mugü nax duü̃xü̃güxü̃ nüxü̃ nacua̱xẽẽxü̃ca̱x nax poraãcü yapecaduã́xü̃. Natürü yexguma yexeraãcü pecadu naxügügu ga duü̃xü̃gü, rü yexeraãcü Tupanaaxü̃́ nangechaü̃tümüü̃gü.

Romanos 7:5

Rü yexguma pecadugu imaxẽgu rü tanaxü ga taxü̃nearü ngúchaü̃gü woo yema mugü tüxna nax nachu̱xuxü̃ ga yema. Rü yexguma nüxü̃ icua̱xgu nax nachu̱xuxü̃ ga yema pecadu ga ixüxü̃, rü yexeraãcü tanaxüxchaü̃. Rü yemaacü ga yema tórü pecadugü rü yuwa tüxü̃ nagagü.

2 Corintios 3:8

Natürü yema Moichéarü mugüarü yexera narümemaexü̃chi i ngẽma Tupanaarü uneta i ngexwaca̱xü̃xü̃ i Naãxẽ ya Üünexü̃ tamaxã nüxü̃ ixuxü̃.

Gálatas 3:10

Natürü chixexü̃wa nangẽxmagü i guxü̃ma i ngẽma nagu rüxĩnüexü̃ nax mugü yanguxẽẽgüxü̃gagu Tupanape̱xewa yamexü̃. Erü Tupanaarü ore i ümatüxü̃wa rü ñanagürü: “Rü guxü̃ma i duü̃xü̃gü i tama aixcüma yanguxẽẽgüxü̃ i guxü̃ma i ngẽma mugü i ümatüxü̃, rü chixexü̃wa nangẽxmagü”, ñanagürü.

Gálatas 3:21

¿Rü ñuxũ ñapegüxü̃ i ñu̱xmax? ¿Pexca̱x ẽ̱xna rü yema Moiché ümatüxü̃ ga mugü rü inayanaxoxẽxẽ i Tupanaarü unetagü? Rü dücax, tama ngẽmaãcü nixĩ. Yerü yexguma chi naporagu ga yema mugü nax tüxna naxããxü̃ i maxü̃ i taguma gúxü̃, rü chi Tupanape̱xewa time i ngẽxguma meama yanguxẽẽgu i ngẽma mugü.

Popera ga Yudíugü ga yaxõgüxü̃ca̱x ümatüxü̃ 3:3

Rü woo ga noxri rü Moichéxü̃ nitaégacüüxẽxẽ ga Tupana, natürü i ñu̱xma rü Moichéarü yexera Ngechuchuxü̃ nixĩ i yataégacüüxẽẽxü̃. Rü ngẽxgumarüxü̃ ta ya wüxi ya ĩpata ya ngexwaca ixüxü̃ne rü namaxã tataãxẽ, natürü ngẽma ĩpataarü üruxü̃ nixĩ i yexera namaxã itaãẽxü̃.

Popera ga Yudíugü ga yaxõgüxü̃ca̱x ümatüxü̃ 12:18

Natürü i pemax, Pa Chauenexẽgüx, rü tama pexü̃ naxüpetü ga yema nüxü̃ üpetüxü̃ ga yema nũxcüma ga tórü o̱xigü ga Moichéwe rüxĩxü̃. Rü yema Iraétanüxü̃, rü nüxü̃ naxĩnüe ga Tupanaga ga yexguma nüxü̃ yangaicagügu ga guma ma̱xpǘne ga Chinaí. Rü nüxü̃ nadaugü ga nax yayauraxü̃ ga guma ma̱xpǘne rü poraãcü naxẽanexü̃ rü poraãcü buanecü ixüxü̃ rü naxãẽmacüanexü̃ rü yaduruanexü̃. Rü poraãcü namuü̃e ga yema duü̃xü̃gü, yerü nüxü̃ naxĩnüe ga guma cornéta ga tagane rü Tupana ga tagaãcü yéma ñacü: “Ngẽxguma chi wüxíe i petanüwa daa ma̱xpǘnewa ũxgu ¡rü noxtacüma nutamaxã tüxü̃ ípemuxũchiãcüma tüxü̃ pimá! Rü woo wüxi i pexü̃na yixĩxgu ¡rü ngẽxgumarüxü̃ ta ípenamuxũchiãcüma peyamá!” ñanagürü. Rü yexguma yadexaxgu ga Tupana, rü poraãcü namuü̃e ga yema duü̃xü̃gü. Rü norü muü̃maxã Tupanaxü̃ naca̱a̱xü̃gü nax íyachaxãchixü̃ca̱x ga namaxã nax yadexaxü̃. Rü yema nax poraãcü naxãũcümaxü̃chixü̃ ga yema nüxü̃ nadaugüxü̃, rü yemaca̱x nixĩ ga nümatama ga Moiché ga ñaxü̃: “Chorü muü̃maxã chidu̱xrux i ñu̱xmax”, ñaxü̃. Rü yemaacü nixĩ ga namaxã nangupetüxü̃ ga yema duü̃xü̃gü, natürü i pemax, Pa Chauenexẽgüx, rü tama yemaacü pexü̃ naxüpetü.