2 Corintios 3:12 - Tupanaarü Ore

¹² Rü ñu̱xma nax toxü̃́ nangẽxmaxü̃ i ngẽma Tupanaarü uneta i ngexwaca̱xü̃xü̃ i guxü̃gutáma yixĩxü̃, rü ngẽmaca̱x tama muü̃ãcüma duü̃xü̃gümaxã nüxü̃ tixuchiga.

2 Corintios 3:12 Referans Kwoze

2 Corintios 7:4

Rü ñu̱xma rü taxuca̱xma pexü̃ chaxãneãcüma pemaxã chidexa, erü poraãcü pemaxã chataãxẽ. Rü woo ngúxü̃ nax tingegüxü̃, natürü ngẽmaétüwa rü taxü̃ i ngúchaü̃ choxü̃́ nangẽxma rü chataãẽama.

Filipenses 1:20

Rü ngẽma poraãcü chanaxwa̱xexü̃ nixĩ nax taguma ta̱xacürü chixexü̃ chaxüxü̃ nax taxuca̱xma chaugüca̱x chaxãnexü̃ca̱x. Rü chanaxwa̱xe i guxü̃guma íchamemare nax guxãpe̱xewa tama chamuü̃ãcüma Cristuchigaxü̃ chixuxü̃. Rü ñu̱xma nax chamaxü̃xü̃ rü woo chayu̱xgu rü chanaxwa̱xe i guxü̃guma aixrügumarüü̃tama chaugagu Cristuxü̃ nicua̱xüü̃gü i duü̃xü̃gü.

Ngechuchuarü ngúexü̃gü ga yamugüxü̃arü puracüchiga 4:13

Rü yexguma yema ãẽ̱xgacügü nüxü̃ daugügu ga ñuxãcü tama muü̃ẽãcüma nax yadexagüxü̃ ga Pedru rü Cuáü̃, rü naba̱i̱xãchie, yerü nüxü̃ nicua̱xãchitanü ga tama mea poperaxü̃ nax yacuáxü̃ rü puracütanüxü̃mare yixĩgüxü̃. Rü nüxü̃ nicua̱xãchitanü nax Ngechuchuarü ngúexü̃gü yixĩgüxü̃.

Ore i mexü̃ ga Cuáü̃ ümatüxü̃ 16:29

Rü yexguma ga norü ngúexü̃gü rü ñanarügügü: —Ñu̱xmawaxi nixĩ i meaxü̃chima tomaxã cunango̱xẽxẽxü̃ i curü ore i tomaxã nüxü̃ quixuxü̃. Rü tama cua̱xruü̃gügu cuyaxuãcüma tomaxã nüxü̃ quixu.

Nüxíraxü̃xü̃ ga popera ga Timutéuca̱x naxümatüxü̃ ga Pauru 3:13

Rü ngẽma yatügü i diácunugü, rü ngẽxguma meama naxügüãgu i norü puracü i Tupanapatawa rü guxü̃ma i duü̃xü̃gü tá nüxü̃ nangechaü̃gü. Rü ñu̱xũchi i nümagütama i ngẽma diácunugü, rü tá poraãcü nataãẽgü, erü Ngechuchu ya Cristuaxü̃́ nayaxõgü.

1 Tesalonicenses 2:2

Rü pema marü nüxü̃ pecua̱x rü naxü̃pa ga pexü̃tawa nax tangugüxü̃ rü chixri tomaxã nachopetü ga Pirípucüã̱xgü rü tomaxã naguxchigagü. Natürü Tupana toxü̃ narüngü̃xẽxẽ nax pemaxã nüxü̃ tixuxü̃ca̱x ga norü ore i tüxü̃ maxẽxẽẽxü̃. Rü yemaca̱x tama tamuü̃eãcüma pemaxã nüxü̃ tixu ga yema ore woo ga torü uanügü rü poraãcü toxü̃́ nax naguxchaxẽẽgüãxü̃.

Colosenses 4:4

Rü chanaxwa̱xe i cha̱u̱xca̱x peyumüxẽgü nax mea duü̃xü̃güca̱x chanango̱xẽẽxü̃ i ngẽma ore, erü ngẽma nixĩ i mexü̃ nax chanaxüxü̃.

2 Corintios 10:1

Rü ñu̱xma rü Cristuarü mecümagagu rü norü ngechaü̃gagu, rü choma i Pauru rü pexü̃ chaca̱a̱xü̃ nax choxü̃ íperüxĩnüexü̃ca̱x. Erü nangẽxma i duü̃xü̃gü i nüxü̃ ixugüxü̃ nax pexü̃ chamuü̃xü̃ ega pexü̃tawa changexmagu natürü ngẽxguma pexna chayáxü̃gu rü chaugü ícharüpora.

2 Corintios 4:13

Tupanaarü ore i ümatüxü̃wa rü ñanagürü: “Tupanaaxü̃́ chayaxõ rü yemaca̱x chidexa”, ñanagürü. Rü ngẽxgumarüü̃tama tixĩgü i toma nax tayaxõgüxü̃ rü Tupanachiga tidexagüxü̃.

1 Corintios 14:19

Natürü woo 10,000 i ore i taxúema nüxü̃ cuáxü̃ i nagawa nax chidexaxü̃, natürü ngẽma yaxõgüxü̃arü ngutaque̱xegüwa rü cha̱u̱xca̱x rü narümemae chi nixĩ ega woo wüxime̱xpü̱x i ore i meama nüxü̃ icuáxü̃wa namaxã nüxü̃ chixuxgu i Tupanaarü ore nax ngẽmaãcü ngẽmamaxã mea chanangúexẽẽxü̃ca̱x.

Ngechuchuarü ngúexü̃gü ga yamugüxü̃arü puracüchiga 14:3

Natürü muxü̃ma ga ngunexü̃ yexma narüchooma ga Pauru rü Bernabé. Rü Corina nayoü̃ãcüma rü tama namuü̃eãcüma duü̃xü̃gümaxã nüxü̃ nixugüeama ga Cori ya Tupanaarü ore ga norü ngechaxü̃chiga. Rü nüma ga Cori rü namaxã nataãẽxü̃ ga yema ore ga Pauru rü Bernabé nüxü̃ ixugüexü̃, rü yemaca̱x nüxna nanaxã ga pora nax naxügüã̱xü̃ca̱x ga cua̱xruü̃gü rü mexü̃gü ga Tupanaarü poramaxã naxügüxü̃.

Ngechuchuarü ngúexü̃gü ga yamugüxü̃arü puracüchiga 9:29

Rü yema Yudíugü ga Griégugawa idexagüxü̃maxã nidexaxü̃ ga Chauru, rü Ngechuchuchigagu nügümaxã nayaporagaexü̃. Natürü ga nümagü rü naxca̱x nadaugü nax ñuxãcü tá nax yama̱xgüãxü̃.

Ngechuchuarü ngúexü̃gü ga yamugüxü̃arü puracüchiga 9:27

Natürü Bernabé rü yema ngúexü̃gü ga Ngechuchu imugüxü̃tanüwa nanaga. Rü yema ngúexü̃gümaxã nüxü̃ nixu nax Cori ya Ngechuchuxü̃ nadauxü̃ ga Chauru ga namawa, rü Cori namaxã idexaxü̃. Rü nüxü̃ nixu ta nax Damácuwa rü tama namuü̃ãcüma nüxü̃ yaxuxü̃ ga Ngechuchuchiga.

Ore i mexü̃ ga Cuáü̃ ümatüxü̃ 16:25

Ñu̱xma rü cua̱xruü̃gügu chayaxuãcüma pemaxã nüxü̃ chixu i ore. Natürü nawa tá nangu i ngunexü̃ i marü taxũtáma ngẽmaãcü pemaxã nüxü̃ chixu. Rü ngẽxguma rü tá noxtacüma mea pemaxã chanangõ̱xẽxẽ i Chaunatüchiga.

Ore i mexü̃ ga Cuáü̃ ümatüxü̃ 10:24

Rü yema Yudíugü rü nüxü̃ ínachomaeguãchi, rü ñanagürügü nüxü̃: —¿Ñuxguratáta tomaxã quixaixcüma nax cugü quixuxü̃ nax texé nax quixĩxü̃? Ega aixcüma cuma rü Cristu quixĩxgu, rü ¡mea noxtacüma tomaxã nüxü̃ ixu! —ñanagürügü.

2 Corintios 3:11

Rü woo namexẽchi ga yema mugü ga yarüxochigüxü̃, natürü yexeraãcü namexẽchi i ngẽma uneta i ngexwaca̱xü̃xü̃ i guxü̃gutáma ixĩxü̃.

Filipenses 1:14

Rü ñu̱xma nax chapoxcuxü̃ rü ngẽma rümumaexü̃ i taenexẽgü i yaxõgüxü̃ rü nüxü̃́ nangúchaü̃ nax tama namuü̃eãcüma nüxü̃ yaxugüxü̃ i Tupanaarü ore.

Popera ga Filemúü̃ca̱x naxümatüxü̃ ga Pauru 1:8

Rü ngẽmaca̱x nangẽxma i wüxi i ngü̃xẽxẽ i cuxü̃tawa naxca̱x íchacaxchaü̃xü̃. Rü Cristu nixĩ ya choxü̃ mucü rü ngẽmaca̱x choxü̃́ nangẽxma i pora nax cuxü̃ chamuxü̃ nax cunaxüxü̃ca̱x i ngẽma ngü̃xẽxẽ i tá cumaxã nüxü̃ chixuxü̃.