2 Corintios 3:10 - Tupanaarü Ore

¹⁰ Rü yema mugü ga mexẽchixü̃ ga yexguma ínanguxgu, rü ñu̱xma rü taxuwama name ega nügü nangugügu namaxã i ngẽma Tupanaarü uneta i ngexwaca̱xü̃xü̃ i yexeraãcü mexẽchixü̃.

2 Corintios 3:10 Referans Kwoze

Norü taxre ga popera ga Pedru ümatüxü̃ 1:17

Rü nüxü̃ tadau ga yexguma Tanatü ya Tupana nüxü̃ icua̱xüxü̃gu. Rü nüxü̃ taxĩnüe ga yexguma gumátama Tanatü ya Tupana ya Üünecü ñaxgu: “Daa nixĩ ya Chaune ya nüxü̃ changechaü̃xü̃chicü. Rü choma rü poraãcü namaxã chataãẽxü̃chi”, ñaxgu.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:5

Rü ngéma rü tagutáma nachüta. Rü ngẽma norü duü̃xü̃gü, rü taxuca̱xtama nanaxwa̱xe i daparínaarü omü rü ẽ̱xna üa̱xcüarü ngóonexü̃, erü nümatama ya tórü Cori ya Tupana rü norü ngóonexẽẽruxü̃ tá nixĩ. Rü nümagü rü guxü̃gutáma ãẽ̱xgacügü nixĩgüecha.

Ngechuchuarü ngúexü̃gü ga yamugüxü̃arü puracüchiga 26:13

Rü yexguma namagu taxĩyane, Pa Ãẽ̱xgacüx, rü yexguma meama tocuchiwa nanguxgu, rü nüxü̃ chadau ga wüxi ga omü ga daxũwa ibáxixü̃ ga üa̱xcüarü yexera nangóonexẽẽxü̃. Rü choxü̃ nabáxi rü yema chomücügüxü̃ rü ta nabáxi.

Aguéu 2:3

—¿Texé i petanüwa rü nüxna cua̱xãchixü̃ ga nax nañuxraxü̃xü̃ ga chopata ga taxü̃ne ga noxrix? Rü guma rü namexẽchi. Natürü ñu̱xma nax nüxü̃ pedauxü̃ rü taxuwama name.

Ichaía 24:23

Rü ngẽxguma nüma ya Cori ya Tupana ya Guxãétüwa Ngẽxmacü ãẽ̱xgacü yixĩxgu i ma̱xpǘne ya Chióü̃wa i Yerucharéü̃wa, rü yimá tauemacü rü tá nadauemamare rü yimá üa̱xcü rü tá naxeemamare. Rü yima ĩanearü ãẽ̱xgacügü rü tá nüxü̃ nadaugü ya Cori ya Tupanaarü üüne.

Yox 25:5

Rü Tupanape̱xewa rü ngẽma tauemacüarü ngóonexü̃ rü tama Tupanaarü ngóonexü̃maxã nawüxigu. Rü woo ya yimá ẽxtagü rü tama Tupanaarü ngóonexü̃maxã nawüxigu.

2 Corintios 3:9

Rü woo namexẽchi ga yexguma ínanguxgu ga yema mugü ga yuwa tüxü̃ gagüxü̃, natürü yexeraãcü namexẽchi nax naxunagüxü̃ i ngẽma ore i Tupanape̱xewa tüxü̃ mexẽẽxü̃.

2 Corintios 3:11

Rü woo namexẽchi ga yema mugü ga yarüxochigüxü̃, natürü yexeraãcü namexẽchi i ngẽma uneta i ngexwaca̱xü̃xü̃ i guxü̃gutáma ixĩxü̃.