2 Corintios 2:5 - Tupanaarü Ore

⁵ Rü yema yatü ga choxü̃ ngechaü̃xẽẽxü̃, rü tama choxü̃xicatama nangechaü̃xẽxẽ, natürü pexü̃ rü ta nangechaü̃xẽxẽ i guxãma i pemax. Natürü tama chanaxwa̱xe nax yexerawa chananguxẽẽxü̃ nax pemaxã nüxü̃ chixuxü̃ i ngẽmachiga.

2 Corintios 2:5 Referans Kwoze

Gálatas 5:10

Choma rü chayaxõ nax tórü Cori tá pexü̃ rüngü̃xẽẽxü̃ nax choma nagu charüxĩnüxü̃gu perüxĩnüexü̃ca̱x. Natürü ngẽma duü̃xü̃ i pexü̃ chixeãẽxẽẽxü̃, rü Tupana rü tá nanapoxcu woo texé tixĩxgu.

Gálatas 4:12

Pa Chauenexẽgüx, pexü̃ chaca̱xaxü̃ nax chauxrüxü̃ tama nagu pexĩxü̃ i ngẽma nacümagü i chixexü̃. Rü ngẽxgumarüxü̃ nax pema nüxü̃ perüxoexü̃ i pecümagü i chixexü̃, rü choma rü ta nüxü̃ charüxo nax ngẽma Yudíugüarü mugügu chixũxü̃. Rü dücax, yexguma noxri petanüwa chayexmagu rü tama choxü̃ pexo, rü ngẽmaca̱x chanaxwa̱xe i ñu̱xma rü ta chauga pexĩnüe.

Ucu̱xẽgüchiga 17:25

Ngẽma nane i tama naãẽxü̃ cuáxü̃ rü nanatüca̱x ínananguxẽxẽ i nu, rü naéca̱x ínananguxẽxẽ i oegaãxẽ.

Ore i mexü̃ ga Matéu ümatüxü̃ 15:22

Rü Ngechuchuxü̃tawa ingu ga wüxi ga ngecü ga Canaáü̃cüã̱x ga Tíruanegu ãchiü̃cü. Rü tagaãcü ngĩgürügü nüxü̃: —Pa Cori Pa Dabítanüxü̃x, ¡cuxü̃́ changechaü̃tümüxü̃! Erü chauxacüwa nangẽxma i wüxi i ngo̱xo i poraãcü ngúxü̃ ngĩxü̃ ingexẽẽxü̃ —ngĩgürügü.