2 Corintios 13:8 - Tupanaarü Ore

⁸ Toma rü taxucürüwama chixri nachiga tidexagü i Tupanaarü ore i aixcüma ixĩxü̃. Erü toma rü naétüwa tachogü i ngẽma ore i aixcüma mexü̃.

2 Corintios 13:8 Referans Kwoze

Ucu̱xẽgüchiga 21:30

Tupanape̱xewa rü nataxuma i duü̃xü̃arü cua̱x i mexü̃, rü tataxuma ya texé ya nüxü̃ cuáxe, rü nataxuma i ĩnü i aixcüma mexü̃.

Ore i mexü̃ ga Márcu ümatüxü̃ 9:39

Natürü Ngechuchu nanangãxü̃, rü ñanagürü: —Tama name i nüxna nax penachu̱xuxü̃. Erü texé ya chauégagu naxǘxe i wüxi i mexü̃ i Tupanaarü poramaxã üxü̃, rü taxucürüwama yixcama chixri chauchiga tidexa.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:20

Rü yema nixĩ ga nüxü̃ üpetüxü̃ ga Imenéu rü Areyándru. Rü düxwa choma Chatanána chanawogü ga yema taxre nax Chataná ngúxü̃ nüxü̃ ingexẽẽgüxü̃ca̱x nax ngẽmawa nüxü̃ nacua̱xgüxü̃ca̱x nax tama namexü̃ nax chixri Tupanachiga yadexagüxü̃.

2 Corintios 13:10

Rü naxü̃pa nax pexü̃ íchayadauxü̃ nixĩ i pexca̱x chanaxümatüxü̃ i ñaa popera, nax ngẽxguma ngéma changuxgu rü nataxuxü̃ca̱x i ta̱xacüca̱x pemaxã nax chaporagaxü̃. Erü tórü Cori choxü̃ namu nax pexü̃ charüngü̃xẽxẽxü̃ca̱x nax yexeraãcü mea peyaxõgüxü̃ca̱x. Rü tama chixexü̃gu pexü̃ yayixẽẽxü̃ca̱x nixĩ i choxü̃ namuxü̃.

2 Corintios 10:8

Rü woo írarüwa chanangupetüxẽxẽ nax chaugü chicua̱xüxü̃xü̃ namaxã i ngẽma nax Tupana toxü̃ muxü̃, natürü taxuca̱xma naxca̱x chaxãne. Erü aixcüma nüma ya Cori nixĩ ya toxü̃ mucü nax pexü̃ tarüngü̃xẽẽgüxü̃ca̱x nax yexeraãcü mea peyaxõgüxü̃ca̱x. Rü tama ta̱xacürü chixexü̃gu nax pexü̃ tayixẽẽxü̃ca̱x nixĩ i toxü̃ namuxü̃.

Ucu̱xẽgüchiga 26:2

Ngẽma weri i nu ne nañamarexü̃, rü ngẽma chiru i ngexchiãxü̃ rü taxuwama nangu erü nangechica. Rü ngẽxgumarüxü̃ ta taxũtáma tüxna nangu i ngẽma chixexü̃ i togü tamaxã ueguxü̃ ega taxuxü̃ma i chixexü̃ ixüxgu.

Nüxíraxü̃xü̃ ga popera ga ãẽ̱xgacügüchiga 22:28

Rü yexguma ga nüma ga Micaía rü nanangãxü̃ rü ñanagürü: —Ngẽxguma cuma tá maxü̃ãcü cutaegu̱xgu, rü ngẽmawa tá nüxü̃ cucua̱x nax Tupana rü tama chowa yadexaxü̃ —ñanagürü.

2 Corintios 13:7

Rü Tupanana naxca̱x taca nax taxuxü̃ma i chixexü̃ pexügüxü̃ca̱x. Rü tama duü̃xü̃güpe̱xewa togü ítarütagüxü̃ca̱x nixĩ nax ngẽmaãcü tayumüxẽgüxü̃. Natürü Tupanana naxca̱x taca i ngẽma nax aixcüma mea naxca̱x pemaxẽxü̃ca̱x woo duü̃xü̃gü nagu rüxĩnüegu nax toma rü tarüyixü̃ i torü õwa.

2 Corintios 13:9

Rü toma rü tataãẽgü ega woo taturaegu nax pema peporaexü̃ i perü maxü̃wa. Rü Tupanana tá naxca̱x tacaama nax pexü̃ naporaexẽẽxü̃ca̱x i perü maxü̃wa nax aixcüma mexü̃ i norü duü̃xü̃gü pixĩgüxü̃ca̱x.