2 Corintios 12:3 - Tupanaarü Ore

^3-4 Rü aixcüma meama nüxü̃ chacua̱x nax daxũguxü̃ ga naanewa nagaãxü̃ ga Tupana ga nüma ínayexmaxü̃wa, natürü tama nüxü̃ chacua̱x rü guxü̃ ga naxü̃nemaxã yéma nagaãxü̃ rüe̱xna naãxẽwa yéma nagaãxü̃. Rü Tupanaxicatama nixĩ ya nüxü̃ cuácü i ngẽma. Rü yéma daxũguxü̃ ga naanewa nüxü̃ naxĩnü ga ore ga ẽxü̃guxü̃ ga duü̃xü̃güna chu̱xuxü̃ nax nüxü̃ yaxugüxü̃.

2 Corintios 12:3 Referans Kwoze

Ore i mexü̃ ga Luca ümatüxü̃ 23:43

Rü Ngechuchu nanangãxü̃ rü ñanagürü: —Aixcüma cumaxã nüxü̃ chixu rü ñomatátama i ngunexü̃gu chomaxã cungexma i daxũguxü̃ i naanewa —ñanagürü.

2 Corintios 11:11

¿Rü ta̱xacüca̱x yixĩxü̃ i ngẽmaãcü chidexaxü̃? ¿Ẽ̱xna pexca̱x rü tama pexü̃ changechaü̃xü̃ca̱x yixĩxü̃ i ngẽmaãcü chidexaxü̃? Dücax, pemaxã nüxü̃ chixu rü Tupana nüxü̃ nacua̱x nax aixcüma pexü̃ changechaü̃xü̃.

2 Corintios 12:2

Rü 14 ga taunecü marü nangupetü nax Tupana daxũguxü̃ ga naanewa ga nüma ínayexmaxü̃wa nagaãxü̃ ga wüxi ga yatü ga Cristuaxü̃́ puracüxü̃. Natürü tama nüxü̃ chacua̱x rü naãxẽwaxicatama nixĩ ga yéma nagaãxü̃, rüe̱xna guxü̃ ga naxü̃nemaxã. Rü Tupanaxicatama nixĩ ya nüxü̃ nacuácü i ngẽma.