2 Corintios 12:2 - Tupanaarü Ore

² Rü 14 ga taunecü marü nangupetü nax Tupana daxũguxü̃ ga naanewa ga nüma ínayexmaxü̃wa nagaãxü̃ ga wüxi ga yatü ga Cristuaxü̃́ puracüxü̃. Natürü tama nüxü̃ chacua̱x rü naãxẽwaxicatama nixĩ ga yéma nagaãxü̃, rüe̱xna guxü̃ ga naxü̃nemaxã. Rü Tupanaxicatama nixĩ ya nüxü̃ nacuácü i ngẽma.

2 Corintios 12:2 Referans Kwoze

Ngechuchuarü ngúexü̃gü ga yamugüxü̃arü puracüchiga 22:17

Rü yexguma Yerucharéü̃ca̱x chataeguxgu, rü Tupanapata ya taxü̃newa chaxũ nax yéma chayumüxẽxü̃ca̱x. Rü chango̱xetü, rü nüxü̃ chadau ga Cori ya Tupana. Rü ñanagürü choxü̃: “¡Napaxaãxẽ, rü inaxũãchi i nua Yerucharéü̃wa! Erü duü̃xü̃gü rü taxũtáma naga naxĩnüe i ngẽma ore i chauchiga nüxü̃ quixuxü̃”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 4:2

Rü yexgumatama ga choma rü Tupanaãxẽ ya Üünecü rü chauãẽmaxã inacua̱x, rü daxũwa nanaga. Rü yéma daxũguxü̃ ga naanewa nüxü̃ chadau ga wüxi ga tochicaxü̃ ga mexẽchixü̃ ga yéma wüxi nawa rütoxü̃.

1 Tesalonicenses 4:17

Rü ngẽmawena i yixema nax imaxẽxü̃ rü tá wüxigu caixanexü̃gu tüxü̃ nigagü namaxã i ngẽma duü̃xü̃gü i yuwa írüdagüxü̃. Rü ngẽmaãcü tá daxũgu tórü Corixü̃ tayangaugü nax guxü̃gutáma naxü̃tawa ingexmagüxü̃ca̱x.

2 Corintios 11:11

¿Rü ta̱xacüca̱x yixĩxü̃ i ngẽmaãcü chidexaxü̃? ¿Ẽ̱xna pexca̱x rü tama pexü̃ changechaü̃xü̃ca̱x yixĩxü̃ i ngẽmaãcü chidexaxü̃? Dücax, pemaxã nüxü̃ chixu rü Tupana nüxü̃ nacua̱x nax aixcüma pexü̃ changechaü̃xü̃.

Ichaía 57:15

Erü choma ya Tupana ya Guxü̃étüwa Ngẽxmacü rü guxü̃guma chamaxü̃ rü chauéga rü Üünecü nixĩ. Rü ñachagürü: “Choma rü daxũwa chamaxü̃ i ngextá ínaxüünexü̃wa. Natürü tüxü̃ charüngü̃xẽẽxü̃ rü tüxü̃ chaporaxẽxẽ ya yíxema ngearü diẽruã̱xgüxe rü yíxema naxĩ̱xãchiãẽgüxe”.

Nüxíraxü̃xü̃ ga popera ga ãẽ̱xgacügüchiga 18:12

Rü ngẽma tá ngupetüxü̃ nixĩ i ngẽxguma tá cuxna chixũgachigu i chomax, rü ngẽma Tupanaãxẽ i Üünexü̃ rü tá ngẽma nachica i choma tama nüxü̃ chacuáxü̃wa tá cuxü̃ naga. Rü ngẽxguma Acáxmaxã nüxü̃ chayarüxuxgu i ngẽma ngupetüxü̃, rü ngẽxguma nua naxũxgux rü tama nuxã cuxü̃ iyangauxgux rü tá choxü̃ nima̱x. Rü choma i curü duü̃xü̃ nax chixĩxü̃ rü changextü̱xügucürüwatama Cori ya Tupanaxü̃ changechaü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 12:5

Rü yema nge rü ixíraxacü, rü nayatü. Rü nüma rü tá guxü̃ i nachixü̃anegüarü ãẽ̱xgacü nixĩ, rü poragaãcüma tá namaxã inacua̱x. Natürü ga gumá ngĩne rü ngĩxna nanayaxu rü Tupana ínatoxü̃pe̱xewa nanaga.

Echequié 11:24

Rü ñu̱xũchi ga yema Tupanaãxẽ ya Üünecü rü choxü̃ niga rü Babiróniaaneca̱x choxü̃ nataeguxẽxẽ natanüwa ga yema chautanüxü̃ ga yéma gagüxü̃. Rü guxü̃ma i ngẽma ñu̱xma nüxü̃ chixuxü̃ rü yema nixĩ ga Tupanaãxẽ ya Üünecü choxü̃ nüxü̃ dauxẽẽxü̃ ga yexguma choxü̃ nango̱xetüxẽẽgu. Rü yemawena rü inayarütaxu ga yema nüxü̃ chadauxü̃.

Nüxíraxü̃xü̃ ga popera ga ãẽ̱xgacügüchiga 8:27

Natürü i cumax, rü ¿ñuxũcürüwa yanguxü̃ i ñoma i naanewa nax nawa cungexmaxü̃? Rü ngẽxguma chi guxü̃ma i ngẽma daxũguxü̃ i naane i taxüchixü̃ rü tama yanguxgu nax nawa cungexmaxü̃ ¿rü ñuxãcü tá yanguxü̃ ya daa ĩpata ya taxü̃ne ya cuxca̱x chaxüxü̃ne nax nawa cungexmaxü̃?

Popera ga Yudíugü ga yaxõgüxü̃ca̱x ümatüxü̃ 9:24

Rü nüma ya Cristu rü tama nagu naxücu ga gumá Tupanapata ga duü̃xü̃gü ügüne ga naxchicüna̱xãmare ixĩxü̃ne ya yimá daxũwa ngẽxmane. Natürü nüma rü daxũguxü̃ ga naanegu naxücu, rü ngéma Tupanape̱xewa nangẽxma nax taétüwa nachogüxü̃ca̱x.

Efesios 4:10

Rü gumátama Cristu ga ñoma ga naanegu írüxĩcü, rü gumátama nixĩ ga daxũguxü̃ i naane ya Tupana íngẽxmaxü̃wa ũcü nax guxãétüwa nangẽxmaxü̃ca̱x rü guxü̃wama nangẽxmaxü̃ca̱x.

Gálatas 5:6

Rü ngẽmaca̱x i ñu̱xma nax Ngechuchu ya Cristuarü duü̃xü̃gü ixĩgüxü̃, rü taxuwama name ega woo íiwíecha̱xmüpe̱xechiraü̃gu rüe̱xna tama, erü tama ngẽma nixĩ i Tupanape̱xewa tüxü̃ mexẽẽxü̃. Rü ngẽma Tupana naxwa̱xexü̃ i ñu̱xma nixĩ nax aixcüma yaxõgüxü̃ rü ngẽmaãcü yigü nax ingechaü̃güxü̃.

Gálatas 1:22

Natürü yema taenexẽgü ga Cristuaxü̃́ yaxõgüxü̃ ga Yudéaanewa yexmagüxü̃, rü taguma choxü̃xü̃chi nadaugü.

2 Corintios 5:17

Rü ngẽxguma texé Cristuaxü̃́ yaxõ̱xgu, rü ngexwaca̱xü̃xü̃ i duü̃xü̃ tixĩ. Rü nũxcümaü̃xü̃ ga tümacüma rü marü tüxna inayarüxo, rü ngexwaca̱xü̃xü̃ i maxü̃ tüxü̃́ nangẽxma.

Romanos 16:7

¡Rü nüxü̃ perümoxẽgü i chautanüxü̃ i Andrónico rü Yúnia ga wüxigu chomaxã poxcuexü̃! Rü nümagü nixĩ i yatügü i aixcüma Tupana imugüxü̃ i guxü̃ma i yaxõgüxü̃ nüxü̃ ngechaü̃güxü̃. Rü nümagü rü nüxíra chauxü̃pa Cristuaxü̃́ nayaxõgü.

Romanos 8:1

Rü ñu̱xma ya Tupana rü marü taxuca̱xma nanapoxcue i ngẽma duü̃xü̃gü ya Ngechuchu ya Cristuarü duü̃xü̃gü ixĩgüxü̃.

Ngechuchuarü ngúexü̃gü ga yamugüxü̃arü puracüchiga 14:6

Natürü yexguma nüxü̃ nacuáchigagügu ga Pauru rü Bernabé, rü nibuxmü. Rü Licóniaanewa yexmane ga ĩanegü ga Lístrawa rü Dérbewa naxĩ. Rü gumá ĩanegüwa rü ñu̱xũchi gumá ĩanexacügü ga norü ngaicamana yexmagünewa nüxü̃ nixugüetanü ga ore ga mexü̃.

Ore i mexü̃ ga Cuáü̃ ümatüxü̃ 6:56

Texé ya chaxunemaxã ãwemüxe rü chaugüwa axexe rü chowa tayaxũ̱x rü choma i tümawa.

Ore i mexü̃ ga Luca ümatüxü̃ 24:51

Rü yexguma yema ngúexü̃güca̱x nayumüxẽguwena rü nüxna nayachü̱xüxãchi. Rü Tupana rü daxũguxü̃ ga naanewa nanaga.

Wiyaegü 148:4

Rü cumax, Pa Daxũguxü̃ i Naanex, rü cumax, Pa Dexá i Caixanexü̃étüwa Ngẽxmaxü̃x, rü name nixĩ i nüxü̃ picua̱xüü̃gü.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:10

Rü wüxi ga yüxüarü ngunexü̃gu rü Tupanaãxẽ ya Üünecü chomaxã inacua̱x, rü chango̱xetü rü choweama nüxü̃ chaxĩnü ga wüxi ga naga ga tagaxü̃ ga ñoma cornétagarüxü̃ ixĩxü̃ ga ñaxü̃ choxü̃: “Chanaxwa̱xe nax wüxi i poperagu cunaxümatüxü̃ i ngẽma nüxü̃ cudauxü̃. Rü ñu̱xũchi chanaxwa̱xe i natanüwa cunamu i ngẽma 7 tücumü i yaxõgüxü̃ i Áchiaanearü ĩanegüwa ngẽxmagüxü̃. Rü yima ĩanegü nixĩ: Epéchiu, rü Echamíra, rü Pérgamu, rü Tiatíra, rü Chárdex, rü Filadélfia, rü Laodichéa”, ñaxü̃ choxü̃.

2 Corintios 13:5

Rü name nixĩ i pegütama pengugü nax nüxü̃ pecuáxü̃ca̱x rü aixcüma mea peyaxõgü. Rü name nixĩ i pegü pengugüarü maxü̃ã̱x rü aixcüma Tupanape̱xewa pime. ¿Tama ẽ̱xna nüxna pecua̱xãchie nax Ngechuchu ya Cristu rü pewa nangẽxmaxü̃ ega tama perüyixgu i perü õwa i ngẽxguma guxchaxü̃ pexca̱x ínguxgu?

2 Corintios 5:21

Cristu rü taguma pecadu naxü. Natürü tagagu nixĩ ga Tupana ga Cristuxü̃ naxütanüxẽẽãxü̃ i guxü̃ma i tórü pecadugü nax yemaacü nagagu tüxü̃ ínanguxü̃xẽẽxü̃ca̱x nawa i tórü pecadugü nax nape̱xewa imexü̃ca̱x ya Tupana.

1 Corintios 1:30

Rü nümatama ga Tupana nixĩ ga Ngechuchu ya Cristuarü duü̃xü̃güxü̃ pexü̃ yaxĩgüxẽẽxü̃. Rü tatanüwa nanamu ga Cristu nax nüma rü Tupanaarü cua̱x taxca̱x yixĩxü̃ca̱x. Rü Cristugagu nixĩ nax Tupana tüxü̃ dexü̃ rü tüxü̃ yamexẽẽxü̃ nax nape̱xewa ixüünegüxü̃ca̱x rü pecaduwa ínguxü̃xü̃ca̱x.

Norü taxre ga popera ga ãẽ̱xgacügüchiga 2:16

Rü ñanagürügü nüxü̃: —Toma nax curü duü̃xü̃gü tixĩgüxü̃ rü nua totanüwa nangẽxmagü i 50 i totanüxü̃ i poraexü̃. ¡Rü ngẽma ngéma namugü nax curü ngu̱xẽẽruxü̃ ya Eríaca̱x yadaugüxü̃! Erü ngürüãchi i ngẽma Tupanaãxẽ ya Üünecü rü ma̱xpǘnewa rüe̱xna wüxi i ngatewa nayata̱x —ñanagürügü. Natürü nüma ga Erichéu rü nanangãxü̃ rü ñanagürü: —Tama chanaxwa̱xe i texéxü̃ ngéma pemugü —ñanagürü.

Wenaxarü naxümatü ga Tupanaarü mugü 10:14

¡Rü dücax, nagu perüxĩnüe nax Cori ya perü Tupana yixĩxü̃ i norü yora i ngẽma dauxü̃wa nüxü̃ idauxü̃ rü ngẽma yexerawa ngẽxmagüxü̃, rü ñu̱xũchi ñoma i naane rü guxü̃ma i nawa ngẽxmagüxü̃!

Echequié 43:5

Rü Tupanaãxẽ choxü̃ inachixẽxẽ, rü ĩã̱xtü ga aixepewa yexmaxü̃wa choxü̃ naga. Rü nüxü̃ chadau nax napata namaxã yapaxü̃ ga norü üüne.

Romanos 16:3

¡Rü nüxü̃ perümoxẽgü i Prichíra rü Aquíra! Rü nümagü rü chomücügü nixĩgü ya Ngechuchu ya Cristuarü puracüwa.

Romanos 16:9

¡Rü nüxü̃ perümoxẽgü ya Urubáno ya tomücü ixĩcü i Cristuarü puracüwa! ¡Rü ngẽxgumarüxü̃ ta nüxü̃ perümoxẽgü ya Echatáqui ya nüxü̃ changechaü̃cü!

Romanos 16:10

¡Rü nüxü̃ perümoxẽgü ya Apére ya aixcüma tüxü̃ nüxü̃ dauxẽẽcü nax Cristuaxü̃́ yaxõõxü̃! ¡Rü ngẽxgumarüxü̃ ta nüxü̃ perümoxẽgü i Aritóburotanüxü̃!

Popera ga Yudíugü ga yaxõgüxü̃ca̱x ümatüxü̃ 4:14

Ngechuchu ya Tupana Nane nixĩ i chacherdótegüarü ãẽ̱xgacü i daxũguxü̃ i naanewa ngucü nax ngéma Nanatüpe̱xewa tüxü̃ ínapoxü̃xü̃ca̱x. Rü ngẽmaca̱x tanaxwa̱xe i guxü̃guma nüxü̃́ tayaxõgü rü taguma nüxü̃ tarüxoe.