2 Corintios 11:2 - Tupanaarü Ore

² Rü ngẽma nax pexü̃ chinuxuxü̃ rü ngẽma rü Tupanawa ne naxũ. Rü choma nixĩ ga Cristuna pexü̃ chamugüxü̃ nax noxrüxicatama pixĩgüxü̃ca̱x. Rü ngẽmaca̱x chanaxwa̱xe i ngearü chixexü̃ãxẽ Cristuxü̃ pexü̃ chawe̱x ñoma wüxi i pacü i taguma yatüxü̃ cua̱xcürüxü̃.

2 Corintios 11:2 Referans Kwoze

Ore i mexü̃ ga Cuáü̃ ümatüxü̃ 3:29

Rü wüxi i ngĩgüwa rü yimá yatü ya ingĩcü rü naxma̱xarü yora nixĩ. Rü yimá yatümücü i naxü̃tawa ngẽxmaxü̃ rü nüxü̃́ inarüxĩnü i norü ore. Rü nataãxẽ i ngẽxguma nüxü̃ naxĩnügu nax yadexaxü̃. Rü ngẽxgumarüxü̃ ta i choma rü aixcüma Cristumaxã chataãẽxü̃chi i ñu̱xmax.

Colosenses 1:28

Rü ñu̱xma i toma rü Cristuchiga nixĩ i duü̃xü̃gümaxã nüxü̃ tixuxü̃. Rü toma rü nüxü̃ tacuáãcüma tayaxucu̱xẽgü rü tanangúexẽxẽ i guxü̃ma i duü̃xü̃gü nax Cristugagu yangearü chixexü̃ã́xü̃ca̱x, rü ngẽmaãcü Tupanape̱xewa tanagagüxü̃ca̱x.

Echequié 44:22

Rü ngẽma chacherdótegü rü tama name nax wüxi i nge i yutecümaxã naxãmaxü̃ rüe̱xna wüxi i íta̱xtecümaxã. Natürü marü name i wüxi i nge i Iraétanüxü̃ i taguma yatüxü̃ cua̱xcümaxã naxãma rüe̱xna wüxi i nge i chacherdóte ngĩxna yucümaxã naxãma.

Filipenses 1:8

Rü Tupana nüxü̃ nacua̱x nax poraãcü pexü̃ chadauxchaü̃xü̃ rü pexü̃ nax changechaü̃xü̃ i guxãma i pemax, ngẽma Ngechuchu ya Cristu pexü̃ nax ngechaü̃xü̃rüxü̃.

Romanos 7:4

Rü ngẽxgumarüxü̃ ta i pemax, Pa Chauenexẽgüx, rü ngẽxguma Cristuaxü̃́ peyaxõgügü̃ rü Cristu nayuxü̃rüxü̃ na̱xcha̱xwa peyue i ngẽma mugü. Rü ngẽmaca̱x i ñu̱xma rü marü tama ngẽma mugütüü̃wa pengẽxmagü erü Cristu ga yuwa írüdacüme̱xẽwa tangexmagü. Rü ngẽmaãcü Tupana tüxü̃ narüngü̃xẽxẽ nax naxca̱x imaxẽxü̃ca̱x, rü norü ngúchaü̃ ixügüxü̃ca̱x.

2 Corintios 4:14

Rü nüxü̃ tacua̱x rü Tupana ga yuwa Cori ya Ngechuchuxü̃ írüdaxẽẽcü, rü yimátama Tupana tá nixĩ ya wüxigu Ngechuchumaxã yuwa toxü̃ írüdagüxẽẽcü. Rü wüxigu pemaxã tá nügüxü̃tawa toxü̃ nagagüxü̃.

1 Corintios 4:15

Rü woo nangẽxmagu i 10,000 i perü ngu̱xẽẽruü̃gü i Cristuchiga pexü̃ ngúexẽẽxü̃, natürü chaxicatama nixĩ i penatü chixĩxü̃ i Tupanaarü orewa. Yerü chaxíra nixĩ ga pemaxã nüxü̃ chixuxü̃ ga Tupanaarü ore i mexü̃, rü chauxü̃tawa nixĩ ga penayaxuxü̃ ga Ngechuchu ya Cristu.

Gálatas 4:11

Rü ngẽmaca̱x poraãcü chaxoegaãxẽ, erü ngürüãchi natüca̱xmamare tá nixĩ ga yema puracü ga petanüwa chaxüxü̃.

1 Tesalonicenses 2:11

Rü ngẽxgumarüxü̃ ta pema nüxü̃ pecua̱x nax ñuxãcü pexü̃́ tanangúchaü̃xẽẽgüxü̃ rü pexü̃ tataãẽxẽẽgüxü̃ ga wüxichigü ñoma wüxi i papa i naxacügüxü̃ taãẽxẽẽgüxü̃rüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:4

Rü yema nixĩ ga duü̃xü̃gü ga tama ñoma ga naanearü ngúchaü̃ i chixexü̃maxã nügü ãũãchiarü maxü̃ã̱xgüxü̃ rü tama nüxü̃ rüxoexü̃ nax Tupanaaxü̃́ yaxõgüãxü̃. Rü nümagü rü yimá Carnéruxacüwe narüxĩ i ngextá ínaxũxü̃wa. Rü yemagü nixĩ ga ñoma ga naanecüã̱xtanüwa nüxíra Tupanaaxü̃́ yaxõgüxü̃ rü gumá Carnéruxacüaxü̃́ yaxõgüxü̃ rü nayauxgüxü̃ i maxü̃ i taguma gúxü̃.