2 Corintios 11:1 - Tupanaarü Ore

¹ Rü ñu̱xma i ngẽma tá pemaxã nüxü̃ chixuxü̃, rü bexmana pexca̱x rü wüxi i ngeãẽmare nixĩ. Rü chierüx choxü̃́ iperüxĩnüemaregu rü yáxna chomaxã pexĩnüegu.

2 Corintios 11:1 Referans Kwoze

2 Corintios 11:4

Erü pema rü tauxchaãcü nixĩ nax pexü̃ nawomüxẽẽgüxü̃. Rü ngẽxguma ínangugügu i duü̃xü̃gü i pemaxã nüxü̃ ixuxü̃ i to i Ngechuchuchiga ya tama yimá toma nüxü̃ tixuchigacü, rü pema rü nüxü̃́ peyaxõgü i ngẽma duü̃xü̃gü. Rü pema rü taãẽãcüma penayaxu i to i naãxẽ i tama Tupanaãxẽ ya Üünecü ga marü peyaxuxü̃ ixĩxü̃. Rü peyaxõgü i to i ore i tama Tupanaarü ore i mexü̃ ga noxri peyaxuxü̃ ixĩxü̃.

1 Corintios 1:21

Natürü nüma ya Tupana ya guxü̃xü̃ma cuácü, rü tama nanaxwa̱xe nax ñoma i naanecüã̱x i duü̃xü̃güarü cua̱xgagu nax yixĩxü̃ i naxü̃tawa nangugüxü̃ i nümagü. Natürü nanaxwa̱xe nax ngẽma norü ore i mexü̃gagu nax yixĩxü̃ inamaxẽxẽẽãxü̃ i ngẽma duü̃xü̃gü i yaxõgüxü̃ woo ngẽma togü i duü̃xü̃güca̱x rü natüca̱xmamare yixĩxgu i ngẽma ore.

2 Corintios 11:21

Rü woo ãne choxna naxã nax pemaxã nüxü̃ chixuxü̃, natürü cha̱u̱xca̱x rü tama aixcüma pexü̃ tanawe̱x ga torü pora ga yexguma petanüwa tayexmagügu. Natürü ñu̱xma nax tama namuü̃exü̃ nax nügü yacua̱xüü̃güxü̃ i ngẽma orearü uruü̃güneta, rü choma rü tá ta taxuca̱xma chamuü̃ nax chaugüétüwa chidexaxü̃ woo pexca̱x rü ñoma wüxi i ngeãẽxü̃rüxü̃ãcü chidexagu.

2 Corintios 11:19

Pema rü peãẽxü̃ pecua̱x, natürü taãẽãcüma yáxna namaxã pexĩnüe i ngẽma orearü uruü̃güneta.

2 Corintios 5:13

Rü woo duü̃xü̃gü toxü̃ daugügu nax Tupanagu taxãũãẽgüxü̃, rü nüetama nixĩ i ngẽma erü nümatama ya Tupana rü meama toxü̃ nacua̱x. Natürü i pema rü meama toxü̃ pecua̱x nax meama toõxẽxü̃ tacuáãcüma pemaxã nüxü̃ tixuxü̃ ga norü ore.

Popera ga Yudíugü ga yaxõgüxü̃ca̱x ümatüxü̃ 5:2

Natürü ngẽma chacherdotegüarü ãẽ̱xgacü rü duü̃xü̃tama nixĩ rü ngẽmaca̱x nüxü̃ nacua̱x nax yáxna namaxã naxĩnüxü̃ i duü̃xü̃gü i ngẽxguma naechitamare pecadu naxüegu.

2 Corintios 12:11

Bexmana ñoma wüxi i ãũãẽxü̃rüxü̃ chidexa, natürü pegagutama nixĩ i düxwa ngẽmaãcü chaugüétüwa chidexaxü̃. Natürü pema chi nixĩ ga chauétüwa pidexagüxü̃ rü tama i chomax. Rü woo taxuwama chame i chomax, natürü taxuwama choxü̃ narüyexeragü i ngẽma orearü uruü̃güneta i nawe perüxĩxü̃.

1 Corintios 4:10

Rü ñu̱xma rü Cristugagu taxuxü̃ma icuáxü̃ toxü̃ nawogü i duü̃xü̃gü, natürü i pema rü Cristugagu pegu narüxĩnüe nax duü̃xü̃gü i nüxü̃ icuáxü̃ pixĩgüxü̃. Rü duü̃xü̃güca̱x rü taturae, natürü i pema rü peporae. Rü duü̃xü̃gü toxü̃ naxo, natürü i pema rü pexü̃ nangechaü̃gü.

1 Corintios 4:8

Rü pegügu perüxĩnüegu rü marü pexü̃́ nangẽxma i guxü̃ma i penaxwa̱xexü̃ nax Tupanape̱xewa pimexü̃ca̱x. Rü pegügu perüxĩnüegu rü ñoma ãẽ̱xgacügü i taxü̃rüxü̃ pixĩgü, rü taxuxü̃ma i ngü̃xẽxẽ toxü̃tawa penaxwa̱xe. ¡Chierüx aixcüma Tupanape̱xewa ãẽ̱xgacügü pixĩgügu nax toma rü ta wüxigu pemaxã ãẽ̱xgacügü nax tixĩgüxü̃ca̱x!

1 Corintios 3:18

Tama name i texé tügütama tawomüxẽxẽ. Rü ngẽxguma petanüwa texé tügügu rüxĩnügu nax aixcüma nüxü̃ tacuáxü̃ i ñoma i naanearü cua̱x, rü name nixĩ i ñoma taxuxü̃ma tacuáxü̃rüxü̃ tügü tixĩxẽxẽ. Rü ngẽxguma tá nixĩ i wüxi i duü̃xü̃ i aixcüma nüxü̃ cuáxe tixĩxü̃.

Ngechuchuarü ngúexü̃gü ga yamugüxü̃arü puracüchiga 26:29

Rü ñanagürü ga Pauru: —Woo noxre i oremaxã rü woo muxü̃ i oremaxã rü Tupana nanaxwa̱xe nax cuyaxõxü̃. Rü tama i cuxicatama, natürü guxü̃ma i ñaa nua choxü̃ ĩnüexü̃ rü ta, rü Tupana nanaxwa̱xe nax chauxrüxü̃ yixĩgüxü̃, natürü tama chauxrüxü̃ daa cadénagümaxã nax yana̱i̱xgüxü̃ —ñanagürü ga Pauru.

Ngechuchuarü ngúexü̃gü ga yamugüxü̃arü puracüchiga 18:14

Rü Pauru marü nachonagüchaü̃, natürü nüma ga ãẽ̱xgacü ga Garióü̃ rü yema Yudíugüxü̃ nangãxü̃, rü ñanagürü: —Rü ngẽxguma chi wüxi i taxü̃ i chixexü̃ naxü̱xgu, rüe̱xna namáẽtagu, rü ngẽxguma chi nixĩ i choma i pexü̃́ ichaxĩnüxü̃, Pa Yudíugüx.

Ore i mexü̃ ga Matéu ümatüxü̃ 17:17

Rü yexguma Ngechuchu nanangãxü̃, rü ñanagürü nüxü̃ ga yema duü̃xü̃gü ga yéma yexmagüxü̃: —Pa Duü̃xü̃gü i Tama Yaxõgüxü̃ i Chixri Maxẽxü̃, ¿ñuxguratáta i pemaxã chanuxmaxü̃ rü yáxna pemaxã chaxĩnüxü̃? ¡Nua penaga ya yimá bucü! —ñanagürü.

Norü taxre ga popera ga ãẽ̱xgacügüchiga 5:3

Rü wüxi ga ngunexü̃gu ga yema pacü rü ngĩrü chiũraxü̃ ngĩgürügü: —Chierüx nax namexü̃ ya yimá chorü cori ega naxü̃tawa naxũxgu ya yimá orearü uruxü̃ ya Chamáriaanewa ngẽxmacü, rü ngẽxguma rü chi naxca̱x nitaane i norü chaxünewa —ngĩgürügü.

Yochué 7:7

Rü nüma ga Yochué rü ñanagürü: —Pa Corix, ¿tü̱xcüü̃ cuyachoü̃xẽxẽ ga ñaa duü̃xü̃gü ga natü ga Yudáü̃wa? ¿Ẽ̱xna Amoréutanüxü̃me̱xẽgu toxü̃ cuyixẽxẽxü̃ca̱x nixĩ i nua toxü̃ cugagüxü̃ nax ngẽmaãcü toxü̃ nada̱i̱xü̃ca̱x? Rü narümemae chi nixĩ ga natü ga Yudáü̃arü tocutüwa chitama tangexmagüxü̃.

Iraétanüxü̃arü muxchiga 11:29

Natürü nüma ga Moiché rü nanangãxü̃ rü ñanagürü: —¿Ẽ̱xna choxü̃ quinuxü̃? ¡Chierüx nüma ya Cori ya Tupana rü guxü̃ma i duü̃xü̃güna nangu̱xẽẽãgu i ngẽma Naãxẽ nax ngẽmaãcü guxü̃ma i duü̃xü̃gü Tupanaarü orearü uruü̃gü yaxĩgüxü̃ca̱x! —ñanagürü.