2 Corintios 10:6 - Tupanaarü Ore

⁶ Rü ngẽxguma marü mea Cristuga pexĩnüegu, rü toma rü ítamemare nax tüxü̃ ítarüwe̱xãchixẽẽxü̃ ya guxãma ya yíxema tama Cristuga ĩnüxe.

2 Corintios 10:6 Referans Kwoze

2 Corintios 2:9

Rü yemaca̱x nixĩ ga yemachiga pexca̱x chanaxümatüxü̃, yerü pexü̃ chaxüxchaü̃, rü nüxü̃ chacuáxchaü̃ rü marü aixcüma naga pexĩnüe ga yema pemaxã nüxü̃ chixuxü̃.

2 Corintios 7:15

Rü ñu̱xma i Títo rü yexeraãcü pexü̃ nangechaü̃ i ngẽxguma nüxna nacua̱xãchigu nax ñuxãcü mea naga pexĩnüexü̃ rü ñuxãcü nüxü̃ pengechaü̃ãcüma mea penayaxuxü̃.

2 Corintios 13:2

Rü ñu̱xma nax woo pexna chayáxü̃guxü̃ rü yema ucu̱xẽ ga petanüwa pemaxã nüxü̃ chixuxü̃ rü wenaxarü pexna nüxü̃ chacua̱xãchixẽxẽ. Rü ngẽxguma tá wena petanüwa chaxũxgu rü aixcüma tá chanamexẽxẽ i guxü̃ma i ngẽma chixexü̃ i ngéma ngẽxmaxü̃. Rü taũtáma tüxü̃ chaxüpetümare ya yíxema woetama pecadu ügüechaxe rü guxãma ya yíxema chixri maxẽxe

2 Corintios 13:10

Rü naxü̃pa nax pexü̃ íchayadauxü̃ nixĩ i pexca̱x chanaxümatüxü̃ i ñaa popera, nax ngẽxguma ngéma changuxgu rü nataxuxü̃ca̱x i ta̱xacüca̱x pemaxã nax chaporagaxü̃. Erü tórü Cori choxü̃ namu nax pexü̃ charüngü̃xẽxẽxü̃ca̱x nax yexeraãcü mea peyaxõgüxü̃ca̱x. Rü tama chixexü̃gu pexü̃ yayixẽẽxü̃ca̱x nixĩ i choxü̃ namuxü̃.

Norü tomaepü̱x ga popera ga Cuáü̃ ümatüxü̃ 1:10

Rü ngẽxguma ngéma chaxũxgu rü tá nüxü̃ chaxoregü erü tochiga rü chixexü̃maxã inayarüdexanexü̃. Rü ngẽmaétüwa tama nanayauxchaü̃ i ngẽma taenexẽgü i ngéma ngugüxü̃. Rü nanachu̱xu nax texé nayaxuxü̃ i ngẽma taenexẽgü. Rü yíxema nayauxgüchaü̃xẽ, rü ngutaque̱xepataü̃wa tüxü̃ ínawoxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:20

Rü yema nixĩ ga nüxü̃ üpetüxü̃ ga Imenéu rü Areyándru. Rü düxwa choma Chatanána chanawogü ga yema taxre nax Chataná ngúxü̃ nüxü̃ ingexẽẽgüxü̃ca̱x nax ngẽmawa nüxü̃ nacua̱xgüxü̃ca̱x nax tama namexü̃ nax chixri Tupanachiga yadexagüxü̃.

1 Corintios 4:21

¿Rü ta̱xacü nixĩ i penaxwa̱xexü̃ i pemax? ¿Penaxwa̱xe nax pexü̃ chingagüxü̃ i ngẽxguma ngéma changuxgu, rüe̱xna penaxwa̱xe nax pexü̃ changechaü̃ãcüma rü pemaxã chamecümaãcüma pexü̃ nax íchayadauxü̃?

Romanos 2:23

Pema rü pegü picua̱xüü̃gü erü mea nüxü̃ pecua̱xgü i Tupanaarü mugü. Natürü Tupanape̱xewa chixexü̃ pexüe, erü tama naga pexĩnüe i ngẽma pexü̃ namuxü̃ i norü mugüwa.