2 Corintios 10:3 - Tupanaarü Ore

³ Rü ngẽmáacü duü̃xü̃gü tixĩgü, natürü tama ñoma i naanecüã̱xrüxü̃ togü tadai i ngẽxguma ítanapoxü̃gu i Tupanaarü ore.

2 Corintios 10:3 Referans Kwoze

2 Corintios 10:4

Erü ngẽma toxne i namaxã ítanapoxü̃xü̃ i Tupanaarü ore rü tama ñoma i naanecüã̱x namaxã ãxnexü̃ nixĩ. Erü toma rü toxü̃́ nangẽxma i Tupanaarü pora nax ngẽmamaxã itayanaxoxẽẽxü̃ca̱x i Chatanáarü pora rü itayanaxoxẽẽxü̃ca̱x i guxü̃ma i ngẽma ore i duü̃xü̃güaxü̃́ naguxchaxẽẽxü̃ nax tama Tupanaaxü̃́ yaxõgüãxü̃ca̱x. Rü guxü̃ma i ta̱xacü i nagu naxĩnüexü̃ i ngẽma duü̃xü̃gü i chixexü̃, rü Cristuna tanaxuaxü̃ nax nüma namaxã inacuáxü̃ca̱x.

Gálatas 2:20

Rü choma rü wüxigu Cristumaxã curuchawa chipota. Rü ñu̱xma rü marü tama chaugümaxãtama ichacua̱x, natürü Cristu nixĩ ya chomaxã icuácü erü chowa namaxü̃. Rü ñu̱xma rü Tupana Nane ya Cristuaxü̃́ chayaxõõcüma nixĩ i chamaxü̃xü̃. Rü nüma nixĩ ga choxü̃ nangechaü̃xü̃, rü nügü inaxãxü̃ nax cha̱u̱xca̱x nayuxü̃ca̱x.

Romanos 8:13

Erü ngẽxguma chi pexenearü ngúchaü̃ pexü̱xgu rü tá ipeyarütauxe. Natürü ngẽxguma Tupanaãxẽ ya Üünecüarü ngü̃xẽẽmaxã ipeyanaxoxẽẽgu i ngẽma pexenearü ngúchaü̃, rü aixcüma tá pexü̃́ nangẽxma i maxü̃ i taguma gúxü̃.

Norü taxre ga popera ga Timutéuca̱x naxümatüxü̃ ga Pauru 4:7

Rü choma rü marü chayanguxẽxẽ i ngẽma puracü ya Tupana choxna ãxü̃. Rü ñu̱xma nax chayanguxẽẽxü̃ i ngẽma puracü i choxna naxãxü̃ rü tama nüxü̃ charüxo nax chayaxõxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:18

Pa Chaune, Pa Timutéux, ñaa nixĩ i chorü ore i cumaxã nüxü̃ chixuxü̃. Rü ü̃pa ga yexguma Tupana yadexaxẽẽgu ga ñuxre ga taenexẽgü, rü nüxü̃ nixugügü nax cuma rü tá mexü̃ i Tupanaarü orearü uruxü̃ quixĩxü̃. Rü ñu̱xma chanaxwa̱xe i yemagü nüxü̃ ixuxü̃rüxü̃ mexü̃ i curü õmaxã rü mexü̃ i curü ĩnümaxã cuyanguxẽxẽ i ngẽma puracü i mexü̃ ya Tupana nawa cuxü̃ muxü̃. Ñuxre i yaxõgüxü̃ rü nüxü̃ narüxoe ga yema mexü̃ ga noxri nagu naxĩnüexü̃ rü ngẽmagagu i ñu̱xma düxwa nüxü̃ narüxoe nax Cristuaxü̃́ yaxõgüãxü̃.

Popera ga Yudíugü ga yaxõgüxü̃ca̱x ümatüxü̃ 12:1

Rü yema muxü̃ma ga duü̃xü̃gü ga Tupanaaxü̃́ yaxõgüxü̃ ga yuexü̃, rü ñu̱xma torü ngaicamana nangẽxmagü nax tórü cua̱xruü̃gü yixĩgüxü̃ca̱x. Rü ngẽmaca̱x i ñu̱xmax, ¡rü ngĩxã nüxü̃ tarüxoe i guxü̃ma i ngẽma guxchaxü̃gü rü pecadugü i tüxü̃́ naguxchaxẽẽxü̃ nax mea yaxõgüxü̃! ¡Rü ngĩxã pora taxüe nax nawa ingugüxü̃ca̱x i ngẽma maxü̃ i tape̱xewaama ngẽxmaxü̃!

Romanos 7:5

Rü yexguma pecadugu imaxẽgu rü tanaxü ga taxü̃nearü ngúchaü̃gü woo yema mugü tüxna nax nachu̱xuxü̃ ga yema. Rü yexguma nüxü̃ icua̱xgu nax nachu̱xuxü̃ ga yema pecadu ga ixüxü̃, rü yexeraãcü tanaxüxchaü̃. Rü yemaacü ga yema tórü pecadugü rü yuwa tüxü̃ nagagü.

Romanos 8:4

Rü yemaacü Tupana Nanemaxã nanaxü nax tüxü̃ nangü̃xẽẽxü̃ca̱x nax yanguxẽẽxü̃ca̱x i ngẽma tüxü̃ namuxü̃ i ngẽma mugü. Rü ñu̱xma rü tama ñoma i taxü̃ne naxwa̱xexü̃ãcüma tamaxẽ, natürü Tupanaãxẽ ya Üünecü naxwa̱xexü̃ãcüma nixĩ i imaxẽxü̃.

2 Corintios 1:17

Bexmana pema nagu perüxĩnüegu rü tama mea nagu charüxĩnüãcü nixĩ i pemaxã nüxü̃ chixuxü̃ nax petanüwa chaxũxchaü̃xü̃. ¿Ẽ̱xna pema nagu perüxĩnüegu rü ñoma wüxi i duü̃xü̃ i tama Tupanaaxü̃́ yaxõxü̃ãcü nagu charüxĩnü rü “Ngü̃”, ñachagürü rü ngẽxgumatama “Tama”, ñachagürü?