2 Corintios 10:12 - Tupanaarü Ore

¹² Toma rü tama tanaxwa̱xe i togü namaxã tawüxiguxẽxẽ rü ẽ̱xna nagu togü tangugü i ngẽma duü̃xü̃gü i nügütama icua̱xüü̃güxü̃. Nümagü rü nügütama nawomüxẽẽgü, erü nügügutama nügü nangugü rü nügümaxã nügü nawüxiguxẽxẽ.

2 Corintios 10:12 Referans Kwoze

Ucu̱xẽgüchiga 27:2

Tama name i cugütama quicua̱xüxü̃, rü narümemae i togü cuxü̃ nicua̱xüü̃gü.

Ucu̱xẽgüchiga 26:12

Wüxi i duü̃xü̃ i tama naãẽxü̃ cuáxü̃arü yexera nachixe i norü ĩnü i ngẽma nügügu rüxĩnüxü̃, nax guxãarü yexera nüxü̃ nacuáxü̃.

Ore i mexü̃ ga Luca ümatüxü̃ 18:11

Rü yema Parichéu rü yexma nachi, rü ñaaãcü nayumüxẽ: “Pa Tupanax, moxẽ cuxna chaxã erü tama togürüxü̃ chixexü̃ chaxü, rü tama ngẽmagürüxü̃ changĩ́ta̱a̱x, rü tama chixri chamaxü̃, rü tama nai i ngexü̃maxã ichape. Rü bai i ñaa yatü i Rómaarü ãẽ̱xgacüca̱x diẽru ngĩxü̃ dexü̃rüxü̃ chixĩ.

2 Corintios 10:18

Rü tama yíxema tügütama icua̱xüxü̃xe tixĩ ya Tupanape̱xewa mexe, natürü yíxema tórü Cori tüxü̃ icua̱xüxü̃xe tixĩ ya aixcüma Tupanape̱xewa mexe.

Romanos 15:18

Rü ñu̱xma rü yema Cristu chowa üxü̃xicatama tá nixĩ i nüxü̃ chixuxü̃. Rü nüma nixĩ ga choxü̃ nangü̃xẽẽxü̃ nax Tupanaxü̃tawa chanagagüxü̃ca̱x ga yema duü̃xü̃gü i tama Yudíugü ixĩgüxü̃, nax nümagü rü ta Tupanaga naxĩnüexü̃ca̱x. Rü yemaacü chorü oremaxã, rü chorü puracümaxã, rü cua̱xruü̃gü ga taxü̃ ga Tupana üxü̃maxã, rü Naãxẽ ya Üünexü̃arü poramaxã Tupanaxü̃tawa chanagagü ga yema duü̃xü̃gü. Rü yemaacü Yerucharéü̃wa ichanaxügü rü guxü̃wama ñu̱xmata Ilíriaarü naanewa meama chayanguxẽxẽ nax nüxü̃ chixuxü̃ ga yema ore i tüxü̃ maxẽxẽẽxü̃ i Cristuchiga.

2 Corintios 3:1

Rü ñu̱xma nax pemaxã nüxü̃ tixuxü̃ nax aixcüma Tupana yixĩxü̃ ga toxü̃ mucü, rü bexmana tá nagu perüxĩnüe nax wenaxarü togüétüwa tidexagüxü̃. ¿Ẽ̱xna penaxwa̱xe nax wüxi i popera i cua̱xruxü̃ pexü̃ tawéxü̃ nax nawa nüxü̃ pecuáxü̃ca̱x nax aixcüma Tupanaarü orearü uruü̃gü tixĩgüxü̃? ¿Rü ẽ̱xna penaxwa̱xe nax pexü̃tawa naxca̱x ítaca̱xaxü̃ i poperagü nax ngẽmawa duü̃xü̃gü toxü̃ cuáxü̃ca̱x, naxrüxü̃ i ngẽma togü?

Ucu̱xẽgüchiga 25:27

Tama name nax poraãcü berure ixaxüxü̃. Rü ngẽxgumarüxü̃ ta tama name nax texé tügütama icua̱xüxü̃xü̃.

2 Corintios 5:12

Rü tama tanaxwa̱xe i wenaxarü pepe̱xewa togüétüwa tidexagü, natürü pexü̃ tarüngü̃xẽẽchaü̃ nax pexü̃́ nangẽxmaxü̃ca̱x nax ta̱xacüca̱x tomaxã petaãẽgüxü̃ rü ngẽmaãcü penangãxü̃xü̃ i ngẽma duü̃xü̃gü i pepe̱xewa nügü írümegünetaxü̃ natürü norü maxü̃wa rü tama ixaixcümagüxü̃.

2 Corintios 10:11

Natürü texé ya ngẽmaãcü idexáxe rü tanaxwa̱xe i mea nagu tarüxĩnü rü ngẽxguma pexna tayáxü̃gu torü poperawa pemaxã nüxü̃ tixuxü̃rüxü̃ tátama tixĩgü i ngẽxguma petanüwa tangexmagügu.