2 Corintios 10:11 - Tupanaarü Ore

¹¹ Natürü texé ya ngẽmaãcü idexáxe rü tanaxwa̱xe i mea nagu tarüxĩnü rü ngẽxguma pexna tayáxü̃gu torü poperawa pemaxã nüxü̃ tixuxü̃rüxü̃ tátama tixĩgü i ngẽxguma petanüwa tangexmagügu.

2 Corintios 10:11 Referans Kwoze

2 Corintios 13:10

Rü naxü̃pa nax pexü̃ íchayadauxü̃ nixĩ i pexca̱x chanaxümatüxü̃ i ñaa popera, nax ngẽxguma ngéma changuxgu rü nataxuxü̃ca̱x i ta̱xacüca̱x pemaxã nax chaporagaxü̃. Erü tórü Cori choxü̃ namu nax pexü̃ charüngü̃xẽxẽxü̃ca̱x nax yexeraãcü mea peyaxõgüxü̃ca̱x. Rü tama chixexü̃gu pexü̃ yayixẽẽxü̃ca̱x nixĩ i choxü̃ namuxü̃.

2 Corintios 12:20

Erü chaxoegaãxẽ rü ngẽxguma wena pexü̃ íchayada̱u̱xgu, rü ngürüãchi taxũtáma choma chanaxwa̱xexü̃ãcüma pexü̃ ichayangau, rü pema rü taxũtáma penaxwa̱xexü̃ãcüma choxü̃ pedaugü. Rü chaxoegaãxẽ erü ngürüãchi tá pexü̃ ichayangau nax pegüchi ípexaiexü̃, rü pegüarü ngẽmaxü̃güca̱x pixãũxãchigüxü̃, rü pegümaxã penuexü̃, rü pegüguxicatama íperüxĩnüexü̃, rü pexoregüta̱a̱xgüxü̃, rü toguã̱xü̃ pixuxü̃, rü pegü picua̱xüü̃güxü̃, rü chixexü̃ ípexüexü̃, rü ngẽmaãcü chixri ípemaxẽxü̃.

2 Corintios 10:10

Rü nangẽxma i duü̃xü̃gü i nüxü̃ nixugüxü̃ nax chorü poperawaxicatama pexü̃ íchabaixgüxü̃, natürü ngẽxguma pexü̃tawa changexmagu rü taxúexü̃ma ichabáixgü nax chauga taxĩnüxü̃ca̱x, ñaxü̃maxã choxü̃ nixugüe.

2 Corintios 10:12

Toma rü tama tanaxwa̱xe i togü namaxã tawüxiguxẽxẽ rü ẽ̱xna nagu togü tangugü i ngẽma duü̃xü̃gü i nügütama icua̱xüü̃güxü̃. Nümagü rü nügütama nawomüxẽẽgü, erü nügügutama nügü nangugü rü nügümaxã nügü nawüxiguxẽxẽ.