2 Corintios 1:9 - Tupanaarü Ore

⁹ Rü marü nagu tarüxĩnüe rü ñoma yu tomaxã naxuegugüxü̃rüxü̃ tixĩgü. Natürü yemaacü toxü̃ naxüpetü, nax toxü̃ nangúexẽẽxü̃ca̱x nax tama namexü̃ nax togünatama tarüyoü̃güxü̃ rü namexü̃ nax nüxü̃́ tayaxõxü̃ ya Tupana ya ínadagüxẽẽcü i yuexü̃.

2 Corintios 1:9 Referans Kwoze

2 Corintios 3:5

Rü tama tóxrütama cua̱xmaxã nixĩ i tanaxüxü̃ i ngẽma puracü. Natürü guxü̃ma i ngẽma taxüxü̃ rü Tupanaarü ngü̃xẽẽmaxã nixĩ i tanaxüxü̃.

Popera ga Yudíugü ga yaxõgüxü̃ca̱x ümatüxü̃ 11:19

Yerü nüma ga Abráü̃ rü nayaxõ nax Tupanaaxü̃́ natauxchaxü̃ nax wena namaxẽxẽẽãxü̃ i yuexü̃. Rü yemaca̱x ga Tupana rü maxü̃cü nüxna nanamu ga nane ga Ichaá. Rü yema rü wüxi ga tórü cua̱xruxü̃ nixĩ nax ñuxãcü aixcüma yaxõõxü̃ ga Abráü̃.

2 Corintios 4:7

Rü ñu̱xma nax Ngechuchu ya Cristuxü̃ icuáxü̃, rü ngẽma cua̱x rü taxü̃ne i mairaxü̃naxca̱xwa nangẽxma, nax nangóxü̃ca̱x nax Tupanawa ne naxũxü̃ i ngẽma pora i tüxü̃́ ngẽxmaxü̃ rü tama i tawa.

Yox 40:14

Rü ngẽxguma ngẽmaãcü cunaxü̱xgu rü chomatama tá nüxü̃ chacua̱x nax aixcüma curü tügünechacüüarü poramaxãtama yixĩxü̃ nax nüxü̃ curüporamaexü̃ i ngẽma chixexü̃gu maxẽxü̃.

Ore i mexü̃ ga Luca ümatüxü̃ 18:9

Rü Ngechuchu rü nüxü̃ nixu ga ñaa ore nachiga ga yema duü̃xü̃gü ga nügü írümegünetaxü̃ rü tama togüxü̃ cuáxchaü̃güxü̃.

Ucu̱xẽgüchiga 28:26

Ngẽma naechitamare maxü̃xü̃ rü norü ĩnünatama narüyoe. Natürü yíxema aixcüma tümaãẽxü̃ cuáxe, rü tama chixexü̃gu tangu.

Echequié 33:13

Rü ngẽxguma chi choma ya Cori ya Tupana rü maxü̃ namaxã chixuxgu i wüxi i yatü i mea maxü̃xü̃ rü nüma rü norü mecümagu yaxõõgu natürü chixexü̃ naxü̱xgu, rü choma rü taxũtáma nüxü̃́ nüxna chacua̱xãchi ga yema mexü̃ ga nacüma ga ü̃paacü naxüxü̃. Rü ngẽma chixexü̃ i naxüxü̃gagu tá nayu.

Wiyaegü 22:29

Rü guxãma i pema ya diẽruã̱xgüxe rü Cori ya Tupanape̱xegu tá pecaxã́pü̱xügü nax nüxü̃ picua̱xüü̃güxü̃ca̱x. Rü guxãma i pema i ñoma i naanewa maxẽxe rü wena tá waixü̃müxü̃ pixĩgü, erü pewa rü nataxuma i maxü̃.

Ucu̱xẽgüchiga 14:32

Duü̃xü̃ i chixexü̃gu maxü̃xü̃, rü norü chixexü̃gagu tá inarütaxu. Natürü duü̃xü̃ i mexü̃gu maxü̃xü̃, rü ngẽma mexü̃ i nacüma tá ínanapoxü̃.

Ichaía 38:10

—Choma rü chaugümaxã ñachagürü: “Taxũtáma nawa nanguyane nax yaxguã̱x chixĩxü̃ rü Tupana chomaxã nanaxuegu nax chayuxü̃ rü ngẽmaãcü yuexü̃tanüwa chayanguxẽẽxü̃ca̱x ya yimá naigü ya taunecü ya choxü̃́ íyaxügücü”, ñachagürü.

Romanos 8:36

Rü guxü̃guma ãũcümaxü̃wa tangexmagü, ngẽma Tupanaarü ore i ümatüxü̃ nüxü̃ ixuxü̃rüxü̃. Erü ngẽma ore rü ñanagürü: “Rü cugagu duü̃xü̃gü toxü̃ nadaixchaü̃ rü duü̃xü̃güpe̱xewa rü ñoma carnérugü i daiwa nagagüxü̃rüxü̃ tixĩgü”, ñanagürü i ngẽma ore.

2 Corintios 1:8

Pa Toenexẽgüx, tanaxwa̱xe i nüxü̃ pecua̱x nax ñuxre ga guxchaxü̃gü toxü̃ ngupetüxü̃ ga Áchiaanewa. Rü yema nax poraãcü ngúxü̃ tingegüxü̃, rü nagu tarüxĩnüe nax marü tama namaxã taporaexü̃, rü düxwa nagu tarüxĩnüe nax marü taũtáma tamaxẽxü̃.

2 Corintios 1:10

Rü Tupana rü toxü̃ ínanguxü̃xẽxẽ nawa ga yema guxchaxü̃ ga yuwa toxü̃ gagüchaü̃xü̃. Rü ngẽxgumarüxü̃ tá ta toxü̃ ínanguxü̃xẽxẽ nawa i ñaa taxü̃ i guxchaxü̃ i ñu̱xma toxü̃́ ngẽxmaxü̃. Rü aixcüma tayaxõgü nax nüma rü guxü̃gutáma ngẽmaãcü toxü̃ nangü̃xẽẽxü̃.