2 Corintios 1:6 - Tupanaarü Ore

⁶ Rü ñu̱xma nax ngúxü̃ tingegüxü̃, rü ngẽmaãcü toxü̃ nangupetü nax pema rü ta pexü̃́ nangẽxmaxü̃ca̱x i perü taãxẽ rü perü maxü̃ i taguma gúxü̃. Rü ñu̱xma nax Tupana toxü̃ taãẽxẽẽxü̃, rü ngẽmaãcü tomaxã nanaxü nax pema rü ta pexü̃́ nangẽxmaxü̃ca̱x i perü taãxẽ rü yáxna namaxã pexĩnüexü̃ca̱x i ngẽmatama ngúxü̃ i toma tingegüxü̃.

2 Corintios 1:6 Referans Kwoze

Norü taxre ga popera ga Timutéuca̱x naxümatüxü̃ ga Pauru 2:10

Rü ngẽmaca̱x yáxna namaxã chaxĩnü i ngẽma ngúxü̃ i chingexü̃ naxca̱x i ngẽma duü̃xü̃gü ya Tupana dexü̃. Erü chanaxwa̱xe i nümagü rü ta Ngechuchu ya Cristuaxü̃́ nayaxõgü, rü ngẽmaãcü nax nayauxgüãxü̃ca̱x i ngẽma maxü̃ i mexü̃ i taguma gúxü̃.

2 Corintios 1:4

Rü ngẽxguma ngúxü̃ tingegügu, rü nüma ya Tupana nixĩ i toxü̃ nataãẽxẽẽxü̃ nax toma rü ta tanataãẽxẽẽgüxü̃ca̱x i ngẽma ngúxü̃ ingegüxü̃. Rü ngẽmatama taãxẽ ya Tupana toxna naxãxü̃maxã tanataãẽxẽẽgü i ngẽma togü.

Efesios 3:13

Rü ngẽmaca̱x i ñu̱xma nax pexca̱x ngúxü̃ chingexü̃ rü pexü̃ chaca̱xaxü̃ nax tama cha̱u̱xca̱x pexoegaãẽgüxü̃ca̱x. Erü ngẽma ngúxü̃ nax chingexü̃ rü perü meruxü̃ nixĩ i ngẽma.

2 Corintios 5:5

Rü Tupana nixĩ ya toxü̃ imexẽẽcü naxca̱x i ngẽma ngexwaca̱xü̃xü̃ i maxü̃ rü ngẽma ngexwaca̱xü̃xü̃ i toxone. Rü toxna nanamu ga Naãxẽ ya Üünexü̃ nax ngẽmawa nüxü̃ tacuáxü̃ca̱x nax aixcüma tá tanayaxuxü̃ i ngẽma ngexwaca̱xü̃xü̃ i maxü̃ rü ngẽma ngexwaca̱xü̃xü̃ i toxone.

Romanos 8:28

Rü nüxü̃ tacua̱x rü tümaarü mexü̃ca̱x nixĩ ya Tupana ínangu̱xẽẽxü̃ i guxü̃ma i ngẽma tüxü̃ üpetüxü̃ ya yíxema nüxü̃ ngechaü̃güxe ga nüma nagu naxĩnüxü̃ca̱x tüxü̃ nadexe.

2 Corintios 12:15

Rü choma rü íchamemare nax chorü ngúchaü̃maxã pexca̱x ichanaxãxü̃ i guxü̃ma i ta̱xacü i choxü̃́ ngẽxmaxü̃ rü woo chaugütama rü ta nax ichaxãxü̃ nax aixcüma peyaxõgüxü̃ca̱x. Natürü cha̱u̱xca̱x rü ngẽxguma yexeraãcü pexü̃ changechaü̃gu, rü pema rü yexeraãcü choxü̃ perüxoetanü.

Ngechuchuarü ngúexü̃gü ga yamugüxü̃arü puracüchiga 21:5

Natürü yexguma nangupetügu ga yema 7 ga ngunexü̃gü, rü itaxĩãchi. Rü yema yaxõgüxü̃ rü towe narüxĩ. Rü naxma̱xmaxãchigü rü naxacügümaxãchigü toxü̃ ínixümücügü ga guxü̃ma ñu̱xmata guma ĩanearü türewa tangugü. Rü yexma naxnecügu tacaxgüápü̱xü, rü tayumüxẽgü.

Efesios 3:1

Rü ñu̱xma i choma i Pauru rü chapoxcu erü Ngechuchu ya Cristuarü puracü chaxü nax pexü̃ charüngü̃xẽẽxü̃ca̱x i pemax i tama Yudíugü nax pixĩgüxü̃.