2 Corintios 1:4 - Tupanaarü Ore

⁴ Rü ngẽxguma ngúxü̃ tingegügu, rü nüma ya Tupana nixĩ i toxü̃ nataãẽxẽẽxü̃ nax toma rü ta tanataãẽxẽẽgüxü̃ca̱x i ngẽma ngúxü̃ ingegüxü̃. Rü ngẽmatama taãxẽ ya Tupana toxna naxãxü̃maxã tanataãẽxẽẽgü i ngẽma togü.

2 Corintios 1:4 Referans Kwoze

1 Tesalonicenses 5:11

Rü ngẽmaca̱x, Pa Chauenexẽgüx, rü name nixĩ i wüxichigü pegü petaãẽxẽẽgü rü pegü peporaexẽxẽ i perü õwa ngẽxgumarüxü̃ i ñu̱xma nax marü ípenaxügüxü̃.

Ichaía 51:12

Rü Tupana rü Yerucharéü̃xü̃ ñanagürü: —Chomatama nixĩ i cuxü̃ chataãẽxẽẽxü̃. ¿Rü texéxü̃ nixĩ i cumuü̃exü̃? ¿Ẽ̱xna yatügüxü̃ i duü̃xü̃gümare ixĩgüxü̃? Natürü nümagü rü ñoma maxẽrüxü̃ nayue.

Ichaía 40:1

Yimá perü Tupana rü ñanagürü: —¡Penataãxẽgüxẽxẽ! ¡Rü penataãxẽgüxẽxẽ i ngẽma chorü duü̃xü̃gü!

Wiyaegü 32:7

Rü cumax rü chorü dauruxü̃ quixĩ, rü cuma nixĩ i choxü̃ ícupoxü̃xü̃ i ngẽxguma ãũcümaxü̃wa changexmagu. Rü ngẽxguma nüxü̃ charüporamaegu i chorü uanügü, rü chorü guxü̃cüwawa tá taãẽãcü cunawiyaegüxẽxẽ i duü̃xü̃gü.

Popera ga Yudíugü ga yaxõgüxü̃ca̱x ümatüxü̃ 12:12

Rü ngẽmaca̱x i pema nax pexme̱xwa rü peãpü̱xüwa pipaexü̃, rü name nixĩ i pegü peporaexẽẽãma.

Ore i mexü̃ ga Cuáü̃ ümatüxü̃ 14:18

Rü taxũtáma núma pexü̃ chawogümare i chomax, erü wena táxarü pexca̱x chataegu, nax petanüwa changexmaxü̃ca̱x.

Ore i mexü̃ ga Cuáü̃ ümatüxü̃ 14:16

Rü choma tá Chaunatüna naxca̱x chaca nax núma pexca̱x namuaxü̃ca̱x i to i perü ngü̃xẽẽruxü̃ i Naãxẽ ya Üünexü̃, nax guxü̃gutáma petanüwa nangẽxmaxü̃ca̱x.

Ichaía 12:1

Rü ngẽma ngunexü̃gu rü tá ñacurügü: —Moxẽ cuxna chaxã, Pa Corix, yerü woo chomaxã cunu ga noxri, natürü curü nu rü marü nangupetü. Rü ngẽmaca̱x wena cha̱u̱xca̱x cunatáeguxẽxẽ ga yema taãxẽ ga noxri choxü̃́ yexmaxü̃.

Ore i mexü̃ ga Cuáü̃ ümatüxü̃ 14:26

Natürü Chaunatü rü tá chauégagu núma nanamu i Naãxẽ ya Üünexü̃ nax pexü̃ nangü̃xẽẽxü̃ca̱x. Rü nüma i Naãxẽ ya Üünexü̃ tá pexü̃ nangúexẽxẽ i guxü̃ma, rü tá nüxna pexü̃ nacua̱xãchixẽxẽ i guxü̃ma i ore ga pemaxã nüxü̃ chixuxü̃.

Ichaía 52:9

¡Pa Yerucharéü̃cüã̱xgü i Íyaxügüxü̃x, rü taãẽãcü pewiyaegü erü Tupana rü marü nanataãẽxẽxẽ i norü duü̃xü̃gü rü ínananguxuchixẽxẽ ya perü ĩane ya Yerucharéü̃!

Wiyaegü 32:5

Rü yexguma nagu charüxĩnügu ga chorü maxü̃ nax naturaxü̃ rü cumaxã nüxü̃ chixu ga guxü̃ma ga chorü pecadugü rü taxuxü̃ma chicu̱x. Rü chaugümaxã ñacharügü: —Cori ya Tupanamaxã tá nüxü̃ chixu i chorü chixexü̃gü —ñachagürü. Rü cumax, Pa Corix, rü choxü̃́ nüxü̃ icurüngüma ga guxü̃ma.

1 Tesalonicenses 4:18

Rü ngẽmaca̱x chanaxwa̱xe i ñaa oremaxã pegü petaãẽxẽẽgü.

2 Corintios 7:13

Rü yema nax toxü̃ pengechaü̃güxü̃, rü taãxẽ toxna naxã. Natürü yema taãẽarü yexera nixĩ ga yema taãxẽ ga toxü̃́ yexmaxü̃ ga yexguma nüxü̃ tada̱u̱xgu nax poraãcü pemaxã nataãẽxü̃ ga Títo. Rü aixcüma nixĩ nax guxãma ga pema rü wenaxarü penataãẽxẽẽxü̃.

Ichaía 51:3

Rü woo guxchawa nangẽxma ya Chióü̃ rü choma rü tá chanataãẽxẽxẽ i norü duü̃xü̃gü. Rü yima ĩane ya ñu̱xma chixene rü ĩane ya mexẽchine tá chayanguxuchixẽxẽ. Rü yema ori̱xnecü ga Edéü̃gu chatogüxü̃rüxü̃ tá namexẽchi. Rü yima ĩanewa tá nangẽxma i taãxẽ rü norü duü̃xü̃gü rü tá taãẽãcü napaetagü rü norü wiyaegümaxã tá choxü̃ nicua̱xüü̃gü —ñanagürü.

Wiyaegü 86:17

¡Rü choxü̃ rüngü̃xẽxẽ! ¡Rü choxna naxã i wüxi i cua̱xruxü̃ nax ngẽmawa nangóxü̃ca̱x nax chomaxã cumecümaxü̃ rü ngẽma chauxchi aiexü̃ naxãneexü̃ca̱x i ngẽxguma nüxü̃ nadaugügu! Erü cumax, Pa Corix, rü guxü̃guma choxü̃ curüngü̃xẽxẽ rü choxü̃ cutaãẽxẽxẽ.

Wiyaegü 66:16

Pa Duü̃xü̃gü i Tupanaga Ĩnüexü̃x ¡rü nua pexĩ rü iperüxĩnüe! Rü tá pemaxã nüxü̃ chixu i ngẽma mexü̃gü ya Tupana cha̱u̱xca̱x üxü̃.

Ichaía 49:10

Rü taxũtáma petaiyae rü pita̱xawae rü taxũtáma üa̱xcü pexü̃́ nangu̱x, erü choma rü pexü̃ changechaü̃ rü pemaxã ichacua̱x, rü dexá íngẽxmaxü̃wa tá pexü̃ chagagü.

Filipenses 1:14

Rü ñu̱xma nax chapoxcuxü̃ rü ngẽma rümumaexü̃ i taenexẽgü i yaxõgüxü̃ rü nüxü̃́ nangúchaü̃ nax tama namuü̃eãcüma nüxü̃ yaxugüxü̃ i Tupanaarü ore.

2 Corintios 7:4

Rü ñu̱xma rü taxuca̱xma pexü̃ chaxãneãcüma pemaxã chidexa, erü poraãcü pemaxã chataãxẽ. Rü woo ngúxü̃ nax tingegüxü̃, natürü ngẽmaétüwa rü taxü̃ i ngúchaü̃ choxü̃́ nangẽxma rü chataãẽama.