2 Corintios 1:12 - Tupanaarü Ore

¹² Rü ngẽma toxü̃ taãẽxẽẽxü̃ nixĩ nax toõxẽwa nüxü̃ tacuáxü̃ nax ñoma i naanewa rü aixcüma Tupana naxwa̱xexü̃ãcüma mea tamaxẽxü̃. Rü pepe̱xewa nixĩ ga guxü̃arü yexera yemaacü mea tamaxẽxü̃. Natürü tocüma rü tama ñoma i naanecüã̱xarü cua̱xwa ne naxũ, erü Tupana ya toxü̃ ngechaü̃cü nixĩ ya nüxü̃́ tayaxõcü.

2 Corintios 1:12 Referans Kwoze

1 Corintios 2:13

Rü ñu̱xma nax pemaxã nüxü̃ tixuxü̃ i ngẽmachiga, rü Tupanaãxẽ ya Üünecü toxna ãxü̃ i oremaxã nixĩ i pemaxã nüxü̃ tixuxü̃. Rü tama ore i torü cua̱xwa tayaxuxü̃maxã nixĩ i pemaxã nüxü̃ tixuxü̃. Rü ngẽmaãcü Tupanaãxẽ i Üünexü̃arü oremaxã tayango̱xẽxẽ i ngẽma Tupana nagu rüxĩnüxü̃ rü tüxü̃́ naxwa̱xexü̃.

2 Corintios 2:17

Rü toma rü tama Tupanaarü oregu diẽru ngĩxü̃ tayaxu ngẽma muxü̃ma i togü naxügüxü̃rüxü̃. Natürü Tupanape̱xewa rü aixcüma mea nüxü̃ tixu i ngẽma norü ore, erü nüma toxü̃ nimugü rü Cristuarü tixĩgü.

1 Tesalonicenses 2:10

Pema rü toxü̃ pedaugü rü Tupana rü ta toxü̃ nadau nax yexguma petanüwa tayexmagügu rü aixcüma mea Tupanape̱xewa tamaxẽ rü taguma pepe̱xewa chixexü̃ taxügü.

Nüxíraxü̃xü̃ ga popera ga Pedru ümatüxü̃ 3:21

Rü ngẽma dexá rü wüxi i cua̱xruxü̃ nixĩ. Erü ngẽxguma ngẽma dexáwa íibaiegu, rü duü̃xü̃güxü̃ nüxü̃ tacua̱xẽxẽ nax Tupanaga taxĩnüexü̃ nax tüxü̃́ nangẽxmaxü̃ i maxü̃ i taguma gúxü̃. Rü tama taxü̃nearü düxétüwa nax imexü̃ca̱x nixĩ i íibaiexü̃, natürü ítabaie erü marü Tupanana naxca̱x taca nax tüxü̃́ iyanaxoxẽẽãxü̃ca̱x i tórü pecadugü rü Ngechuchu ya Cristu wena maxü̃xü̃gagu nape̱xewa imexü̃ca̱x rü mexü̃gu rüxĩnüexü̃ca̱x.

Popera ga Yudíugü ga yaxõgüxü̃ca̱x ümatüxü̃ 13:18

Rü tanaxwa̱xe i toxca̱x peyumüxẽgü. Erü toõxẽwa nüxü̃ tacua̱x nax aixcüma mea tayanguxẽẽxü̃ i ngẽma puracü ya Tupana toxna ãxü̃ rü tanaxwa̱xe nax guxü̃guma ngẽmaãcü mea tanaxüxü̃.

2 Corintios 8:8

Tama wüxi i mu nixĩ i ngẽma pemaxã nüxü̃ chixuxü̃. Natürü chanaxwa̱xemare nax nüxü̃ pecuáxü̃ nax ñuxãcü taãẽãcüma ngĩxü̃ inaxãgüxü̃ ga togü ga yaxõgüxü̃. Rü pemaxã nüxü̃ chixu i ngẽma nax pema rü ta ngĩxü̃ ipexãgüxü̃ca̱x i ngẽma diẽru i togü i taenexẽgüarü ngü̃xẽẽca̱x ixĩcü, nax ngẽmaãcü ipenawéxü̃ca̱x nax aixcüma nüxü̃ pengechaü̃güxü̃.

2 Corintios 4:2

Rü yemaca̱x nüxü̃ tarüxoe ga guxü̃ma ga yema chixexü̃ i ãne tüxna ãxü̃ rü yema cúãcü üxü̃. Rü tama tanawomüxẽẽãcüma nixĩ i namaxã nüxü̃ tixuxü̃ i ore rü tama tanaxüchicüü i ngẽma ore. Rü yema ore i aixcüma ixĩxü̃xicatama nixĩ i nüxü̃ tixuxü̃. Rü ngẽmaãcü Tupanape̱xewa rü duü̃xü̃güpe̱xewa togü itawe̱x nax nüxü̃ nacua̱xgüxü̃ca̱x nax aixcüma yixĩxü̃ i ngẽma nüxü̃ tixuxü̃.

1 Corintios 15:10

Natürü ga Tupana rü chomaxã namecüma, rü ngẽmaca̱x i ñu̱xma rü choxü̃ pedau nax ta̱xacü chixĩxü̃ rü ñuxãcü nax chixĩxü̃. Rü yema chomaxã nax namecümaxü̃ rü tama natüca̱xma nixĩ. Yerü choma rü guxü̃ ga togü ga yamugüxü̃arü yexera chanaxü ga Tupanaarü puracü. Natürü tama chauechama chanaxü ga yema puracü, natürü Tupana ga chomaxã mecümacü rü chomaxã puracücü nixĩ ga naxücü ga yema puracü nax nüxü̃ chixuxü̃ca̱x ga norü ore.

Ngechuchuarü ngúexü̃gü ga yamugüxü̃arü puracüchiga 24:16

Rü ngẽmaca̱x nixĩ i guxü̃guma mea chaugüna chadauxü̃ nax chauãẽwa mexü̃gu charüxĩnüxü̃ i Tupanape̱xewa rü duü̃xü̃güpe̱xewa.

Ngechuchuarü ngúexü̃gü ga yamugüxü̃arü puracüchiga 23:1

Rü Pauru meama nüxü̃ nadawenü ga yema Yudíugüarü ãẽ̱xgacügütücumü, rü ñanagürü nüxü̃: —Pa Chautanüxü̃x, chomatama nüxü̃ chacua̱x nax guxü̃guma mea chamaxü̃ ga Tupanape̱xewa ñu̱xmata ñoma i ngunexü̃wa nangu —ñanagürü.

Yox 13:15

Rü woo chi Tupana choxü̃ ima̱xgu, natürü tá nüxü̃́ chayaxõõma. Rü nape̱xewa tá chaugü íchapoxü̃ama.

Nüxíraxü̃xü̃ ga popera ga Pedru ümatüxü̃ 3:16

Natürü name nixĩ i tama pegü picua̱xüü̃güãcüma penangãxü̃ rü tama pegügu perüxĩnüeãcüma nax ngẽma duü̃xü̃güarü yexera pixĩgüxü̃. Rü name nixĩ i mea pemaxẽ nax taxuca̱xma pexoegaãẽgüxü̃ca̱x. Rü ngẽxguma ngẽmaãcü pemaxẽgu rü tá naxãnẽxẽ i ngẽma duü̃xü̃gü i chixri pechiga idexagüxü̃ naxca̱x nax Cristuca̱x pemaxẽxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:5

Rü ngẽma ucu̱xẽ i cumaxã nüxü̃ chixuxü̃ rü nachiga nixĩ i ngẽma ngechaü̃ i wüxi ya maxü̃ne ya ngearü chixexü̃ã́xü̃wa ne ũxü̃, rü wüxi i ĩnü i mexü̃wa ne ũxü̃, rü wüxi i õ i aixcüma ixĩxü̃wa ne ũxü̃. Rü name nax ngẽma ngechaü̃maxã yigü ingechaxü̃güxü̃.

Filipenses 1:10

Rü ngẽmaãcü pexca̱x chayumüxẽ erü chanaxwa̱xe nax mea penangugüxü̃ i ta̱xacü nixĩ i aixcüma mexü̃ i Tupanape̱xewa. Rü chanaxwa̱xe nax aixcüma namexü̃ i perü maxü̃ nax taxuca̱xma ta̱xacüca̱x Tupana pexna caxü̃ca̱x i ngẽxguma ínanguxgu ya Cristu.

Efesios 6:14

Rü ngẽmaca̱x name nixĩ i mea pegüna pedaugü nax tama ngẽma perü uanüme̱xẽgu peyixü̃ca̱x. Rü Tupanaarü ore i aixcüma ixĩxü̃maxã pegü pigoye. Rü pegü picuxcuchi i Tupanacüma i peremüarü poxü̃ruxü̃ ixĩxü̃.

Gálatas 6:4

Rü ngẽmaca̱x i wüxichigü, rü name nixĩ i mea tügüarü maxü̃tama tangugü. Rü ngẽxguma namexgu i tümaarü maxü̃, rü name nax tügümaxãtama tataãxẽ. Natürü taxuca̱xma tü̱xcüü̃ togüarü maxü̃wa tügü tangugü.

2 Corintios 11:3

Natürü chaxoegaãxẽ erü yema ãxtape norü doramaxã Ébaxü̃ nawomüxẽẽxü̃rüxü̃, ngürüãchi tá ta texé pexü̃ tawomüxẽxẽ nax nüxü̃ perüxoexü̃ca̱x nax Cristugu perüxĩnüexü̃ rü naxca̱xicatama nax pemaxẽxü̃.

2 Corintios 1:17

Bexmana pema nagu perüxĩnüegu rü tama mea nagu charüxĩnüãcü nixĩ i pemaxã nüxü̃ chixuxü̃ nax petanüwa chaxũxchaü̃xü̃. ¿Ẽ̱xna pema nagu perüxĩnüegu rü ñoma wüxi i duü̃xü̃ i tama Tupanaaxü̃́ yaxõxü̃ãcü nagu charüxĩnü rü “Ngü̃”, ñachagürü rü ngẽxgumatama “Tama”, ñachagürü?

1 Corintios 5:8

Rü ngẽmaca̱x nüxü̃ tarüxoe i nũxcümaü̃xü̃ i tacüma i chixexü̃gü rü taxü̃nearü ngúchaü̃gü i ñoma paũ i pu̱xẽẽruxü̃ã́xü̃rüxü̃ ixĩxü̃. Rü tanaxüchiga i tórü Üpetüchiga namaxã i tórü maxü̃ i aixcüma mexü̃ i ñoma paũ i ngearü pu̱xẽẽruxü̃ã́xü̃rüxü̃ ixĩxü̃.

1 Corintios 4:4

Natürü ñu̱xma nax chomatama nagu charüxĩnüxü̃ nax nataxuxü̃ma i chorü chixexü̃ i Tupanape̱xewa, rü tama ngẽmaca̱x Tupana choxü̃ nadau nax changearü pecaduã́xü̃. Erü nümatama ya tórü Cori ya Tupana nixĩ ya choxü̃ cuáarü maxü̃ãcü.

Romanos 9:1

Pa Chauenexẽgüx, pemaxã tá nüxü̃ chixu i wüxi i ore i aixcüma ixĩxü̃, erü Cristuarü duü̃xü̃ chixĩ. Rü tama chidora. Rü chauãẽwatama nüxü̃ chacua̱x nax aixcüma nax yixĩxü̃ i ngẽma ore, erü Tupanaãxẽ ya Üünecü nixĩ i chauãẽmaxã icuáxü̃.

Ichaía 38:3

—Pa Corix, Pa Tupanax, rü cuxü̃ chaca̱a̱xü̃ nax nüxna cucua̱xãchixü̃ca̱x nax ñuxãcü cuxca̱x chapuracüxü̃ rü guxü̃guma chanaxüxü̃ ga yema cuma namaxã cutaãẽxü̃ —ñanagürü. Rü yema ñaxguwena rü poraãcü naxaxu.

Yochué 24:14

Rü nüma ga Yochué rü ñanagürü ta: —Rü ñu̱xma rü name i aixcüma Cori ya Tupanaxü̃ pengechaxü̃gü rü naga pexĩnüe rü norü ngúchaü̃ pexü. Rü name nixĩ i nüxna pexĩgachixü̃ i ngẽma nũxcüma ga perü o̱xigüarü tupananetagü ga taxtü ga Eufrátecutüwa rü Equítuanewa nüxü̃ yacua̱xüü̃güxü̃.

Popera ga Chantiágu ümatüxü̃ 4:6

Natürü Tupana rü tüxü̃ narüngü̃xẽxẽ nax tama nagu iyixü̃ca̱x i ngẽma ngúchaü̃gü i chixexü̃gü i ñoma i naanewa ngẽxmagüxü̃. Rü ngẽmaca̱x norü orewa rü ñanagürü: “Tupana rü tümamaxã nanu ya yíxema tügü icua̱xüü̃güxe, natürü tüxü̃ narüngü̃xẽxẽ ya yíxema tügüna daugüxe nax tama tügü ticua̱xüü̃güxü̃ca̱x”, ñanagürü.

Popera ga Títoca̱x naxümatüxü̃ ga Pauru 2:7

¡Rü cumax, Pa Títox, rü name i mea nape̱xewa cumaxü̃ i guxü̃ma i ngẽma yaxõgüxü̃ nax ngẽmaãcü wüxi i norü cua̱xruxü̃ i mexü̃ quixĩxü̃ca̱x! Rü ngẽxguma cunangúexẽẽgu, rü cunaxwa̱xe i mexü̃gu curüxĩnüãcüma cunangúexẽxẽ rü tama ĩnücaãcüma namaxã nüxü̃ quixu i ngẽma ore.

1 Corintios 1:17

Yerü nüma ga Cristu rü tama choxü̃ namu nax duü̃xü̃güxü̃ íchabaiü̃xẽẽxü̃ca̱x, natürü choxü̃ namu nax duü̃xü̃gümaxã nüxü̃ chixuxü̃ca̱x i norü ore i mexü̃. Rü nanaxwa̱xe i tauxchaxü̃ i oremaxã nüxü̃ chixu i ngẽma ore. Erü ngẽxguma chi ñoma nüxü̃ cua̱xüchixü̃rüxü̃ nüxü̃ chixuxgu i ngẽma ore, rü ngürüãchi i duü̃xü̃gü rü tá chauguama narüxĩnüe rü tá nüxü̃ inayarüngümae nax Cristu yixĩxü̃ ga tüxü̃ maxẽxẽẽcü ga yexguma curuchagu nayu̱xgux.

1 Corintios 12:8

Rü Naãxẽ ya Üünexü̃ rü tümaxü̃ nanaxã i tauxcha nax ucu̱xẽxü̃ tacuáxü̃ca̱x. Rü ngẽmatama Naãxẽ ya Üünexü̃ rü toguxeaxü̃́ nanatauxchaxẽxẽ nax nüxü̃ tacuáxü̃ nax mea tangúexẽẽtaexü̃ i Tupanaarü ore.