2 Corintios 1:10 - Tupanaarü Ore

¹⁰ Rü Tupana rü toxü̃ ínanguxü̃xẽxẽ nawa ga yema guxchaxü̃ ga yuwa toxü̃ gagüchaü̃xü̃. Rü ngẽxgumarüxü̃ tá ta toxü̃ ínanguxü̃xẽxẽ nawa i ñaa taxü̃ i guxchaxü̃ i ñu̱xma toxü̃́ ngẽxmaxü̃. Rü aixcüma tayaxõgü nax nüma rü guxü̃gutáma ngẽmaãcü toxü̃ nangü̃xẽẽxü̃.

2 Corintios 1:10 Referans Kwoze

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:10

Rü ngẽmaca̱x nixĩ i ipuracüexü̃ rü yigü iporaãẽxẽẽxü̃ nax nüxü̃ ixuxü̃ca̱x i ngẽma ore i mexü̃, erü nüxü̃́ tayaxõgü ya tórü Tupana ya Maxü̃cü ya guxãarü Maxẽxẽẽruxü̃ ixĩcü, rü yexera ngẽma nüxü̃́ yaxõgüxü̃arü ixĩcü.

Norü taxre ga popera ga Pedru ümatüxü̃ 2:9

Rü nüma ya Tupana, rü nüxü̃́ natauxcha nax tüxü̃ ínanguxü̃xẽẽxü̃ i ngẽxguma Chataná tüxna ĩnügu ya yíxema mea maxẽxe. Rü ngẽma chixexü̃ ügüxü̃, rü Tupanaaxü̃́ natauxcha nax napoxcueãxü̃ i ngẽma ngunexü̃ i nagu duü̃xü̃güxü̃ yacagüxü̃.

Wiyaegü 34:19

Rü yimá yatü ya ixaixcümacü rü namu i norü guxchaxü̃gü. Natürü nüma ya Cori ya Tupana rü ínananguxuchixẽxẽ nawa i guxü̃ma i ngẽma.

1 Chamué 17:37

Rü gumá Cori ya Tupana ga leóü̃na rü osu i düraxü̃na choxü̃ ípoxü̃cü, rü yimátátama nixĩ i ñaa Firitéume̱xẽwa choxü̃ ípoxü̃cü —ñanagürü. Rü yexguma ga Chaú nanangãxü̃ rü ñanagürü: —¡Ẽcü ngéma naxũ rü Cori ya Tupana cuxü̃ íxümücü! —ñanagürü.

Romanos 15:31

¡Rü Tupanana peca nax choxü̃ ínapoxü̃xü̃ca̱x nüxna i ngẽma Yudíugü i Yudéaanewa ngẽxmagüxü̃ i tama yaxõgüxü̃! ¡Rü nüxna peca naxca̱x i ngẽma taenexẽgü i yaxõgüxü̃ i Yerucharéü̃wa ngẽxmagüxü̃, nax taãxẽãcü nayauxgüãxü̃ca̱x i ngẽma diẽru i ngéma naxca̱x changexü̃!

Norü taxre ga popera ga Timutéuca̱x naxümatüxü̃ ga Pauru 4:17

Natürü tórü Cori choxü̃ naporaxẽxẽ rü choxü̃́ nanatauxchaxẽxẽ nax mea nüxü̃ chixuxü̃ca̱x ga norü ore i mexü̃ i tüxü̃ maxẽxẽẽxü̃. Rü yemaacü guxü̃ma ga yema duü̃xü̃gü ga tama Yudíugü ixĩgüxü̃ ga yéma yexmagüxü̃ rü nüxü̃ naxĩnüe ga yema ore. Rü yemaacü tórü Cori ya Ngechuchu choxna nadau nax tama yu chomaxã naxueguxü̃ca̱x.

Ngechuchuarü ngúexü̃gü ga yamugüxü̃arü puracüchiga 26:21

Rü yemaca̱x nixĩ ga Yudíugü Tupanapata ya taxü̃negu choxü̃ yayauxgüxü̃ rü choxü̃ yama̱xgüchaü̃xü̃.

Ichaía 46:3

Rü ñanagürü ga Tupana: —¡Choxü̃́ iperüxĩnüe i pemax nax ípeyaxügüxü̃, Pa Acóbutanüxü̃ i Iraétanüxü̃x! Choma rü noxrigutama yexguma taxũta pebuegu, rü pexna chadau rü chauchacüxügu pexü̃ chigagü.

1 Chamué 7:12

Yemawena ga Chamué rü wüxi ga nuta nayaxu, rü ĩane ga Mispá rü ĩane ga Chéü̃arü ngãxü̃gu nanaxǘ ga gumá nuta. Rü Ebéü̃-échegu nanaxüéga. Rü ñu̱xũchi ñanagürü: —Nüma ya Cori ya Tupana rü ñu̱xmarüta taguma nüxü̃ narüchau nax tüxü̃ nangü̃xẽẽxü̃ —ñanagürü.

Danié 3:17

Rü yimá torü Tupana ya nüxü̃ ticua̱xüü̃gücü rü nüxü̃́ natauxcha nax toxü̃ ínanguxü̃xẽxẽxü̃ nawa ya yima üxü rü nawa i guxü̃ma i ngẽma poxcu i tomaxã cuxueguxü̃, Pa Ãẽ̱xgacüx.

Danié 6:16

Rü yexguma ga nüma ga ãẽ̱xgacü rü norü duü̃xü̃güxü̃ namu nax Daniéxü̃ yagagüxü̃ca̱x rü leóü̃tanügu yata̱xcuchigüãxü̃ca̱x. Rü nüma ga ãẽ̱xgacü rü ñanagürü Daniéxü̃: —¡Yimá curü Tupana ya aixcümama naxca̱x cumaxü̃cü cuxü̃ ípoxü̃! —ñanagürü.

2 Corintios 1:9

Rü marü nagu tarüxĩnüe rü ñoma yu tomaxã naxuegugüxü̃rüxü̃ tixĩgü. Natürü yemaacü toxü̃ naxüpetü, nax toxü̃ nangúexẽẽxü̃ca̱x nax tama namexü̃ nax togünatama tarüyoü̃güxü̃ rü namexü̃ nax nüxü̃́ tayaxõxü̃ ya Tupana ya ínadagüxẽẽcü i yuexü̃.

2 Corintios 6:9

Rü ngẽma duü̃xü̃gü rü tama toxü̃ nacuáxü̃rüxü̃ tomaxã nixĩgü, woo nax meama toxü̃ nacua̱xgüchiréxü̃. Rü guxü̃guma ãũcümaxü̃wa tangexmagü, erü toxü̃ nadaixchaü̃, natürü naétüwa namaxẽama. Rü toxü̃ napoxcue, natürü tama toxü̃ nadaixichi.