Biblia Todo Logo
Bib sou entènèt

- Piblisite -




2 Chamué 9:7 - Tupanaarü Ore

7 Rü nüma ga Dabí rü ñanagürü nüxü̃: —¡Taxuca̱xma cumuü̃! Erü choma rü meatama cumaxã ichacua̱x cunatü ga Yonatáü̃égagu. Rü tá chanamu nax cuxü̃ natáegugüxẽẽãxü̃ca̱x i guxü̃ma i ngẽma naane ga curü o̱xi ga Chaúarü ixĩxü̃. Rü guxü̃gutáma chorü mecha i choma íchachibüxü̃wa tá cuchibü —ñanagürü.

Gade chapit la Kopi




2 Chamué 9:7
32 Referans Kwoze  

Rü wüxi ga ngunexü̃gu ga Dabí rü ínaca rü ñanagürü: —¿Tayíxemaxü̃ ya wüxíe ya Chaútanüxü̃ i ñu̱xma rü ta ngextá maxü̃́xẽ? Erü ngẽxguma tayíxemagu rü Yonatáü̃égagu tüxü̃ charüngü̃xẽẽchaü̃ —ñanagürü.


Natürü chanaxwa̱xe i namaxã cumecüma i ngẽma nanegü ya Bachilái ya Garaáxanecüã̱x. ¡Rü cugüxü̃tawa nangẽxmagüxẽxẽ rü guxü̃guma curü mechawa namaxã nachibü! Yerü nümagü nixĩ ga choxü̃ ínapoxü̃güxü̃ ga yexguma naxcha̱xwa chiñaxgu ga guma cuenexẽ ga Acharóü̃.


Rü yexguma ga nüma ga ãẽ̱xgacü rü nüxna naca rü ñanagürü: —¿Tangexmaxü̃ ya maxü̃́xẽ ya Chaútanüxü̃wa íyaxüxe? Rü ngẽxguma tangexmagu, rü Tupanaégagu tüxü̃ charüngü̃xẽẽchaü̃ —ñanagürü. Rü nüma ga Chibá rü nanangãxü̃ rü ñanagürü: —Nangexma nixĩ ya wüxi ya Yonatáü̃ nane ya norü guxü̃neparawa chixecü —ñanagürü.


Rü woo i guxü̃ma i chaunatütanüxü̃ rü name chi nax cunada̱i̱xü̃, Pa Ãẽ̱xgacüx, natürü i cuma rü curü mechawa choxü̃ cuchibüxẽxẽ. ¿Rü ngẽmaca̱x ta̱xacürü to i ngü̃xẽxẽxü̃ca̱x chi i cuxna chacaxü̃, Pa Ãẽ̱xgacüx? —ñanagürü.


Rü ngẽmaãcü ãẽ̱xgacü íchixĩxü̃wa rü chomaxã tá pechibüe rü tá pexaxegü. Rü ãẽ̱xgacügüca̱x ixĩxü̃ i toruü̃wa tá perütogü nax nüxna pecagüxü̃ca̱x i ngẽma 12 i Iraétücumügü —ñanagürü.


Rü woo ga yema rümemaexü̃ ga chomücü ga nüxü̃́ chayaxõxü̃ rü wüxiwa chomaxã chibüchiréxü̃, rü ñu̱xma rü chomaxã narüxuanü.


Rü yemaacü ga Yoaquíü̃ rü ínacuxuchi ga yema naxchiru ga poxcupataü̃wa nagu yacúxü̃. Rü yexguma namaxyane rü ãẽ̱xgacüxü̃tawa nachibü.


Rü dücax, choma rü ĩã̱xwa changẽxma rü ngéma rü tu tu tu, ñacharügü. Rü ngẽxguma chi texé choxü̃ ĩnügu rü cha̱u̱xca̱x tayawãxnagu, rü tá tümaxü̃tagu chaxücu. Rü tümamaxã tá chachibü rü tüma i chomaxã.


Rü napata cuxna chaxã, rü cuxme̱xwa tüxü̃ changexmagüxẽxẽ ga naxma̱xgü, rü guxü̃ma i Iraéane rü Yudáane rü cuxna chaxã. Rü ngẽxguma chi cuxca̱x nanoxregu i ngẽma, rü chi muxü̃ma i togü i ngẽmaxü̃gü chi cuxna chaxã.


Rü ñu̱xma i pema rü penaxwa̱xe i Cori ya Tupanaaxü̃́ peyaxõgü rü aixcüma nüxü̃ picua̱xüü̃gü. ¡Rü nagu perüxĩnüe nax ñuxãcü poraãcü pexü̃ nax nangü̃xẽxẽxü̃!


Rü yema Yúchepataarü dauruxü̃ rü nanangãxü̃ rü ñanagürü: —¡Perüchianegü, rü taxṹ i pemuü̃exü̃! Rü yimá perü Tupana ya penatüarü Tupana ixĩcü nixĩ ga perü chacugügu ngĩxü̃ nucü. Yerü chomatama ngĩxü̃ chayaxu ga yema diẽru ga ngĩxü̃ pexãgücü ga yexguma nua pexĩxgu —ñanagürü. Rü yexguma ga gumá yatü rü Chimeóü̃xü̃ ínamuxũchi rü yema naenexẽgü íyexmagüxü̃wa nanaga.


¡Rü toxna naxã i torü paũ i ñoma i ngunexü̃ca̱x ixĩxü̃!


Rü yexguma nüma ga ãẽ̱xgacü rü Bachiláixü̃ ñanagürü: —¡Chowe rüxũ i Yerucharéü̃wa! Rü choma tá cuxna chadau rü taxuxü̃táma cuxü̃́ nataxu —ñanagürü.


rü nanangãxü̃ rü ñanagürü: —Guxü̃ma i ngẽma choxü̃ cumuxü̃, Pa Ãẽ̱xgacüx, rü choma nax curü puracütanüxü̃ chixĩxü̃ rü tá chanaxü —ñanagürü. Rü nüma ga Mepi-bóchex rü guxü̃guma ãẽ̱xgacü ga Dabíarü mechawa nachibü wüxigu nanegümaxã ga ãẽ̱xgacü.


Natürü ga nümagü, rü naba̱i̱xãchie yerü Yúchepatawa nanagagü, rü nügümaxã ñanagürügü: —Ñaa rü wüxi i womüxẽxẽ nixĩ i tamaxã naxüxü̃. Rü nua tüxü̃ nagagü ngĩca̱x ga yema diẽru ga noxri nua ixĩxgu tüxü̃́ ngĩxü̃ nawoeguxẽẽcü. Rü ñu̱xma rü tá nuxã tüxü̃ ínayauxü̃, rü norü puracütanüxü̃xü̃ tá tüxü̃ nixĩgüxẽxẽ guxü̃ma i tórü búrugümaxã —ñanagürügü.


Rü ngẽmaca̱x i cuma rü cunegümaxã rü curü puracütanüxü̃maxã rü tá Mepi-bóchexaxü̃́ cupuracü nawa i ngẽma norü naane. Rü ngẽxguma yaxo̱xgu i ngẽma nanetü rü tá namaxã cunguxü̃ nax ngẽmaãcü Mepi-bóchexacügü nüxü̃́ ngẽxmaxü̃ca̱x i norü õna. Natürü nümatama i Mepi-bóchex i Chaútaxa rü guxü̃gutáma chorü mechawa nachibü —ñanagürü ga Dabí. Rü nüma ga Chibá ga 15 ga nanegü rü 20 ga norü puracütanüxü̃ nüxü̃́ yexmacü,


Natürü nüma ga Mepi-bóchex ga guxü̃neparawa chixecü rü Yerucharéü̃gu naxãchiü̃, yerü guxü̃guma ãẽ̱xgacüarü mechawa nachibü.


Rü yemaacü ga Yoaquíü̃ rü ínacuxuchi ga yema naxchiru ga poxcupataxü̃wa nagu yacúxü̃. Rü nüma rü Babiróniaanearü ãẽ̱xgacüarü mechawa nachibü ga yexguma namaxü̃gu.


¡Natürü nua chauxü̃tawa nangẽxma rü taxṹ i cumuü̃xü̃! Erü ngẽma cuxü̃ imáxchaü̃xü̃ rü choxü̃ rü ta nimáxchaü̃. Natürü i choma rü tá cuxü̃ íchapoxü̃ —ñanagürü.


Rü yexguma nüma ga ãẽ̱xgacü rü nanangãxü̃ rü ñanagürü: —Marü nataxuma i ta̱xacü i to i nachiga idexagüxü̃. Rü marü chanaxuegu nax cuma rü Chibá rü pegümaxã peyayauxyexü̃ i ngẽma naanegü i Chaúarüchire̱x ixĩgüxü̃ —ñanagürü.


Natürü nüma ga ãẽ̱xgacü ga Dabí rü tama inanamu ga Mepi-bóchex ga Yonatáü̃ nane ga Chaútaxa ixĩcü. Yerü ga Dabí rü ü̃paacü marü Tupanape̱xewa Yonatáü̃maxã nügümaxã inaxügagü nax Mepi-bóchexna nadauxü̃.


Swiv nou:

Piblisite


Piblisite