2 Chamué 9:2 - Tupanaarü Ore

² Rü yexguma Dabí nüxü̃ cua̱xgu ga nax nayexmaxü̃ ga wüxi ga yatü ga Chibágu ãégacü ga Chaúarü duü̃xü̃ ixĩcü, rü nüma ga Dabí rü naxca̱x nangema nax naxü̃tawa naxũxü̃ca̱x. Rü yexguma Chibá Dabíxü̃tawa ũxgu, rü nüma ga ãẽ̱xgacü rü nüxna naca rü ñanagürü: —¿Cuma nixĩ i Chibá quixĩxü̃? —ñanagürü. Rü nüma nanangãxü̃ rü ñanagürü: —Ngü̃, Pa Chorü Ãẽ̱xgacüx —ñanagürü.

2 Chamué 9:2 Referans Kwoze

2 Chamué 19:17

Rü 1,000 ga yatügü ga Bẽyamíü̃tanüxü̃ nanaxümücügü. Rü natanüwa nayexma ta ga Chibá ga Chaúarü duü̃xü̃, namaxã ga 15 ga nanegü rü 20 ga norü puracütanüxü̃. Rü nüxíra Yudáü̃wa nangu naxü̃pa ga ãẽ̱xgacü ga Dabí yéma nguxü̃.

Naanearü ügüchiga 39:6

Rü yexguma Yúche marü nüxna da̱u̱xgu ga norü yemaxü̃gü, rü nüma ga Potifá rü marü taxuca̱xma naxoegaãxẽ, rü chibüguxicatama narüxĩnü. Rü Yúche rü wüxi ga ngextü̱xücü ga mechametücü nixĩ rü yemaca̱x nangúchaü̃.

Naanearü ügüchiga 24:2

Rü wüxi ga ngunexü̃ ga Abraáü̃ rü nidexa namaxã ga gumá norü duü̃xü̃ ga rüyamaecü ga norü yemaxü̃maxã icuácü. Rü ñanagürü nüxü̃: —¡Choperematüü̃gu naxǘxme̱x, rü Tupana ya daxũguxü̃ i naane rü ñoma i naanearü yoraégagu chomaxã inaxuneta rü taxũtáma chaune ya Ichaáca̱x ngĩxü̃ cuyaga i wüxi i pacü i ñaa naane i Canaáü̃cüã̱x ĩcü nax naxma̱x yixĩxü̃ca̱x!

2 Chamué 19:18

Rü guxü̃ma ga yema duü̃xü̃gü rü nichoü̃ ga yema natü ga Yudáü̃ nax ãẽ̱xgacütanüxü̃xü̃ nangü̃xẽẽgüxü̃ca̱x nax yamuãxü̃ca̱x ga Yudáü̃arü tocutüwa rü yemaacü ãẽ̱xgacüxü̃ nataãẽxẽẽgüxü̃ca̱x. Rü yexguma marü yachoü̃chaü̃gu ga nüma ga ãẽ̱xgacü, rü nüma ga Chimí rü ãẽ̱xgacüpe̱xegu nacaxã́pü̱xü.