2 Chamué 9:12 - Tupanaarü Ore

¹² Rü nüma ga Mepi-bóchex rü nüxü̃́ nayexma ga wüxi ga nane ga buxü̃ ga Micaíagu ãégaxü̃. Rü guxü̃ma ga Chibáarü duü̃xü̃gü rü Mepi-bóchexü̃ narüngü̃xẽẽgü.

2 Chamué 9:12 Referans Kwoze

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 8:8

Rü Chaaraíü̃ ga Bẽyamíü̃ nataxa, rü nüxü̃́ iyexma ga taxre ga naxma̱xgü ga Uchíü̃ rü Baará. Rü ngĩxü̃ ínawogü. Rü nüma rü Moáanewa naxũ rü yexma nayaxãxma̱x ngĩmaxã ga Ódex. Rü yemawa nüxü̃́ nayexma ga nanegü ga Yobáx, rü Chibiá, rü Mechá, rü Macáü̃, rü Yeú, rü Chaquía, rü Mirmá. Rü yemagü nixĩ ga natanüxü̃maxã icua̱xgüxü̃.

2 Chamué 9:11

rü nanangãxü̃ rü ñanagürü: —Guxü̃ma i ngẽma choxü̃ cumuxü̃, Pa Ãẽ̱xgacüx, rü choma nax curü puracütanüxü̃ chixĩxü̃ rü tá chanaxü —ñanagürü. Rü nüma ga Mepi-bóchex rü guxü̃guma ãẽ̱xgacü ga Dabíarü mechawa nachibü wüxigu nanegümaxã ga ãẽ̱xgacü.

2 Chamué 9:13

Natürü nüma ga Mepi-bóchex ga guxü̃neparawa chixecü rü Yerucharéü̃gu naxãchiü̃, yerü guxü̃guma ãẽ̱xgacüarü mechawa nachibü.

Neemía 10:11

rü Micaía, rü Reóx, rü Achabía,

Neemía 11:17

Rü to ga Lebítanüxü̃ rü Matanía nixĩ. Rü Matanía nanatü nixĩ ga Micaía, rü Micaía nanatü nixĩ ga Chadí, rü Chadí nanatü nixĩ ga Achá. Rü Matanía nixĩ ga namaxã icuáxü̃ ga yema wiyaetanüxü̃ ga Tupanaxü̃ icua̱xüü̃güxü̃ rü moxẽ ixãgüxü̃ ga yexguma yumüxẽarü orawa nanguxgu. Rü norü ngü̃xẽẽruxü̃ nixĩ ga Babuquía. Rü nüma nixĩ ga naenexẽ ga yacüxü̃ nabumaexü̃. Rü to ga Mataníaarü ngü̃xẽẽruxü̃ nixĩ ga Adá ga Chamúa nane. Rü Chamúa nanatü nixĩ ga Gará, rü Gará nanatü nixĩ ga Yedutúü̃.