2 Chamué 9:11 - Tupanaarü Ore

¹¹ rü nanangãxü̃ rü ñanagürü: —Guxü̃ma i ngẽma choxü̃ cumuxü̃, Pa Ãẽ̱xgacüx, rü choma nax curü puracütanüxü̃ chixĩxü̃ rü tá chanaxü —ñanagürü. Rü nüma ga Mepi-bóchex rü guxü̃guma ãẽ̱xgacü ga Dabíarü mechawa nachibü wüxigu nanegümaxã ga ãẽ̱xgacü.

2 Chamué 9:11 Referans Kwoze

2 Chamué 19:26

Rü nüma ga Mepi-bóchex rü nanangãxü̃ rü ñanagürü: —Pa Ãẽ̱xgacüx, ngẽma nax choma rü taxuacü chixũxü̃, rü ngẽmaca̱x chanamu ga chorü duü̃ nax wüxi i búru choxü̃́ namexẽẽxü̃ca̱x rü yemagu chixüexü̃ca̱x nax cuwe charüxũxü̃ca̱x, Pa Ãẽ̱xgacüx. Natürü nüma rü choxü̃ nawomüxẽxẽ rü tama nanaxü ga yema chanamuxü̃.

2 Chamué 19:17

Rü 1,000 ga yatügü ga Bẽyamíü̃tanüxü̃ nanaxümücügü. Rü natanüwa nayexma ta ga Chibá ga Chaúarü duü̃xü̃, namaxã ga 15 ga nanegü rü 20 ga norü puracütanüxü̃. Rü nüxíra Yudáü̃wa nangu naxü̃pa ga ãẽ̱xgacü ga Dabí yéma nguxü̃.

2 Chamué 9:10

Rü ngẽmaca̱x i cuma rü cunegümaxã rü curü puracütanüxü̃maxã rü tá Mepi-bóchexaxü̃́ cupuracü nawa i ngẽma norü naane. Rü ngẽxguma yaxo̱xgu i ngẽma nanetü rü tá namaxã cunguxü̃ nax ngẽmaãcü Mepi-bóchexacügü nüxü̃́ ngẽxmaxü̃ca̱x i norü õna. Natürü nümatama i Mepi-bóchex i Chaútaxa rü guxü̃gutáma chorü mechawa nachibü —ñanagürü ga Dabí. Rü nüma ga Chibá ga 15 ga nanegü rü 20 ga norü puracütanüxü̃ nüxü̃́ yexmacü,

2 Chamué 9:12

Rü nüma ga Mepi-bóchex rü nüxü̃́ nayexma ga wüxi ga nane ga buxü̃ ga Micaíagu ãégaxü̃. Rü guxü̃ma ga Chibáarü duü̃xü̃gü rü Mepi-bóchexü̃ narüngü̃xẽẽgü.

2 Chamué 9:13

Natürü nüma ga Mepi-bóchex ga guxü̃neparawa chixecü rü Yerucharéü̃gu naxãchiü̃, yerü guxü̃guma ãẽ̱xgacüarü mechawa nachibü.

2 Chamué 19:24

Rü yexgumarüxü̃ ta inaxũãchi ga Mepi-bóchex ga Chaú nataxa nax Dabíxü̃ íyadauxü̃ca̱x. Rü nüma ga Mepi-bóchex rü yexguma Dabí Yerucharéü̃wa ixũxgucürüwa rü ñu̱xmata mea wenaxarü nataegu rü taguma nügü naya̱u̱xcutü rü taguma nügü naya̱u̱xchiru rü taguma nügü nidüchinagu. Natürü yexguma Yerucharéü̃wa nanguxgu nax Dabíxü̃ namoxẽxü̃ca̱x rü nüma ga Dabí rü nüxna naca rü ñanagürü: —¿Tü̱xcüü̃ tama chowe curüxũ ga yexguma íchaxũxü̃gu, Pa Mepi-bóchex? —ñanagürü.

2 Chamué 15:15

Rü nümagü ãẽ̱xgacüxü̃ nangãxü̃gagü rü ñanagürügü: —Toma rü ítamemare nax tanaxüxü̃ i ngẽma cuma toxü̃ cumuxü̃, Pa Ãẽ̱xgacüx —ñanagürügü.