2 Chamué 9:1 - Tupanaarü Ore

¹ Rü wüxi ga ngunexü̃gu ga Dabí rü ínaca rü ñanagürü: —¿Tayíxemaxü̃ ya wüxíe ya Chaútanüxü̃ i ñu̱xma rü ta ngextá maxü̃́xẽ? Erü ngẽxguma tayíxemagu rü Yonatáü̃égagu tüxü̃ charüngü̃xẽẽchaü̃ —ñanagürü.

2 Chamué 9:1 Referans Kwoze

1 Chamué 20:42

Yexguma ga Yonatáü̃ rü Dabíxü̃ ñanagürü: —¡Taãxẽãcüma nataegu! Cuma rü ñu̱xũchi choma rü marü Tupanaégagu nüxü̃ tixugü nax guxü̃gutáma mexü̃ i yigümücügü nax ixĩgüxü̃. Rü Tupanana taca nax guxü̃gutáma tamaxã nangẽxmaxü̃ i yixema taxre, rü ñu̱xũchi namaxã i ngẽma cutaagü rü chautaagü —ñanagürü. Rü yemawena ga Dabí rü nixũ, rü nüma ga Yonatáü̃ rü ĩaneca̱x nataegu.

Ore i mexü̃ ga Matéu ümatüxü̃ 25:40

Rü nüma i Ãẽ̱xgacü rü tá nanangãxü̃, rü ñanagürü tá: “Aixcüma pemaxã nüxü̃ chixu rü yexguma nüxü̃ perüngü̃xẽxẽgügu i ngẽma chorü duü̃xü̃ i yexeraãcü ngearü ngẽmaxü̃áxü̃, rü choxü̃ nixĩ ga perüngü̃xẽxẽgüxü̃”, ñanagürü tá nüxü̃.

Nüxíraxü̃xü̃ ga popera ga Pedru ümatüxü̃ 3:8

Rü chanaxwa̱xe i guxãma i pemax rü wüxigu perüxĩnüe, rü pegüxü̃́ pengechaü̃tümüxü̃gü rü pegü pengechaü̃gü, ñoma pegüenexẽxü̃chixü̃ pengechaü̃xü̃rüxü̃. Rü chanaxwa̱xe i aixcüma pemecümagü rü pegü íperüxíxragü.

Ore i mexü̃ ga Márcu ümatüxü̃ 9:41

Rü yíxema woo wüxitama i pochíyuãcu i dexá pexna ãxẽ naxca̱x nax chorü duü̃xü̃gü pixĩgüxü̃, rü aixcüma pemaxã nüxü̃ chixu rü tá tüxü̃́ nangẽxma i tümaarü ãmare —ñanagürü.

Nüxíraxü̃xü̃ ga popera ga ãẽ̱xgacügüchiga 2:7

Natürü chanaxwa̱xe i namaxã cumecüma i ngẽma nanegü ya Bachilái ya Garaáxanecüã̱x. ¡Rü cugüxü̃tawa nangẽxmagüxẽxẽ rü guxü̃guma curü mechawa namaxã nachibü! Yerü nümagü nixĩ ga choxü̃ ínapoxü̃güxü̃ ga yexguma naxcha̱xwa chiñaxgu ga guma cuenexẽ ga Acharóü̃.

2 Chamué 1:26

Pa Chauenexẽ, Pa Yonatáü̃x, poraãcü cuxca̱x changechaü̃. Cuma rü chomaxã cumecümaxü̃chi. Ngẽma choxü̃ nax cungechaü̃xü̃ rü ngexü̃gü tüxü̃ ngechaü̃xü̃arü yexera nixĩ.

Ucu̱xẽgüchiga 27:10

¡Taxṹ i nüxna quixũgachixü̃ i cumücügü rüe̱xna cunatümücügü, rü tama name i curü guxchaxü̃gümaxã cuenexẽxü̃tawa cuxũ! Ngẽma cuenexẽ i cuxna yáxü̃guxü̃arü yexera cuxü̃́ name i ngẽma cumücü i curü ngaicamawa ngẽxmaxü̃.

Ore i mexü̃ ga Matéu ümatüxü̃ 10:42

Rü texé ya wüxi i pochíyuãcu i dexá i ga̱u̱xchiüxü̃ nüxna ãxe i wüxi i ñaa chorü duü̃xü̃gü, rü aixcümaxü̃chi tá tanayaxu i tümaarü ãmare, erü wüxi i chorü duü̃xü̃xü̃ tarüngü̃xẽxẽ”, ñanagürü ga Ngechuchu.

2 Chamué 9:7

Rü nüma ga Dabí rü ñanagürü nüxü̃: —¡Taxuca̱xma cumuü̃! Erü choma rü meatama cumaxã ichacua̱x cunatü ga Yonatáü̃égagu. Rü tá chanamu nax cuxü̃ natáegugüxẽẽãxü̃ca̱x i guxü̃ma i ngẽma naane ga curü o̱xi ga Chaúarü ixĩxü̃. Rü guxü̃gutáma chorü mecha i choma íchachibüxü̃wa tá cuchibü —ñanagürü.

2 Chamué 21:7

Natürü nüma ga ãẽ̱xgacü ga Dabí rü tama inanamu ga Mepi-bóchex ga Yonatáü̃ nane ga Chaútaxa ixĩcü. Yerü ga Dabí rü ü̃paacü marü Tupanape̱xewa Yonatáü̃maxã nügümaxã inaxügagü nax Mepi-bóchexna nadauxü̃.