2 Chamué 8:6 - Tupanaarü Ore

⁶ Rü yemawena ga Dabí rü Damácugu nayaxüa ga norü churarapatagü. Rü yemaacü ga Chíriaanecüã̱xgü rü Dabíme̱xẽwa nayexmagü rü Dabíaxü̃́ nanaxütanügü ga yema diẽru ga Dabí nagu unetaxü̃. Rü yemaacü ga Cori ya Tupana rü Dabíxü̃ naporaxẽxẽ nax norü uanügüxü̃ naporamaexü̃ca̱x ga ngexta ínaxũxü̃wa.

2 Chamué 8:6 Referans Kwoze

2 Chamué 8:14

Rü yemawena rü guxü̃ma ga Edóü̃arü naanegu nanaxü ga norü churaragüpatagü. Rü yemaacü guxü̃ma ga Edóü̃tanüxü̃ rü Dabíme̱xẽwa nayexmagü. Rü ngextá Dabí íxũxü̃wa rü nüma ga Cori ya Tupana rü norü uanüxü̃ nanaporamaexẽxẽ.

Wiyaegü 140:7

Pa Cori Pa Tupana Pa Chorü Maxẽxẽruxü̃ ya Poracüx, cuma nixĩ i choxü̃ ícupoxü̃xü̃ i daiwa —ñachagürü cuxü̃.

Norü taxre ga to ga popera ga ãẽ̱xgacügüchiga ümatüxü̃ 17:2

Rü guxü̃nema ga Yudáanearü ĩanegü ga ípoxegugünegu nayanu ga churaragü. Rü ñu̱xũchi guxü̃ma ga Yudáanegu rü ta nayanu ga churaragü. Rü yexgumarüxü̃ ta nayanu ga churaragü nagu ga guma ĩanegü ga nanatü ga Achá puxü̃́ne ga Efraíü̃arü naanewa.

2 Chamué 7:9

Rü cuxü̃ íchixümücü ga ngextá ícuxũxü̃wa, rü cuxü̃ nüxü̃ charüporamaexẽxẽ ga guxü̃ma ga curü uanügü ga cumaxã nügü daixü̃. Rü cuxü̃ chatachigaxẽxẽ naxrüxü̃ i ngẽma yatügü i tachigaxü̃ i ñoma i naanewa.

Ucu̱xẽgüchiga 21:31

Ngẽma churara rü nanamexẽxẽ i norü cowaru nax daiwa naxũxü̃ca̱x. Natürü Tupana nixĩ ya yimá pora nüxna ãcü nax norü uanügüxü̃ naporamaexü̃ca̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 18:13

Rü yemawena rü nüma ga Dabí rü yexma Edóü̃anegu nayaxüpata ga norü churaragü. Rü guxü̃ma ga yema Edóü̃tanüxü̃gu rü Dabíme̱xẽwa nayexmagü. Rü yemaacü ga Tupana rü Dabíxü̃ narüporamaexẽxẽ ga ngextá ínaxũxü̃wa.

2 Chamué 23:14

Rü nüma ga Dabí rü norü poxü̃chicaxü̃wa nayexma. Rü yema ngunexü̃gügu ga Firitéugüarü churaragü rü Beréü̃wa nayexmagü.

2 Chamué 8:2

Rü yexgumarüxü̃ ta rü Moátanüxü̃xü̃ narüporamae. Rü ñaxtüanegu nayacamaxẽxẽ rü wüxi ga napana̱xãmaxã nanangugü. Rü yema duü̃xü̃gü ga taxrearü ngugüwa yexmagüxü̃ rü nanadai. Rü yema norü tomaepü̱xarü ngugüwa yexmagüxü̃ rü tama nanadai. Rü yemaacü ga yema Moátanüxü̃ rü Dabíme̱xẽwa nayexmagü rü nüxü̃́ nanaxütanügü ga yema diẽru ga Dabí nagu unetaxü̃.

2 Chamué 3:18

Rü ñu̱xma rü marü nawa nangu erü Cori ya Tupana rü Dabímaxã nanaxuegu nax nüma tá yixĩxü̃ i ínanguxü̃xẽẽãxü̃ i Iraétanüxü̃ naxme̱xwa i Firitéugü, rü ñu̱xũchi naxme̱xwa i guxü̃ma i norü uanügü —ñanagürü.

1 Chamué 14:15

Rü guxü̃ma ga yema Firitéugüarü churaragü ga ínapegüxü̃wa yexmagüxü̃ rü yema napechinüwa yexmagüxü̃ rü poraãcü namuü̃e. Rü yexgumarüxü̃ ta poraãcü namuü̃e ga yema tomaepü̱x ga churaragüchimü ga tóxnamana ĩxü̃ rü yema churaragü ga daiwa ĩxü̃. Rü yexgumayane rü naxĩã̱xãchiane rü yemaca̱x yexeraãcü namuü̃e.

1 Chamué 14:6

Rü nüma ga Yonatáü̃ rü norü ngü̃xẽẽruxü̃xü̃ ñanagürü: —Ngĩxã, rü tocutüwa taxĩ, ñu̱xmatáta ngẽma Firitéugüarü churaragütücumü i tama Tupanaaxü̃́ yaxõgüxü̃ íngẽxmaxü̃wa ingugü. Bexmana nüma ya Cori ya Tupana rü tá tüxü̃ narüngü̃xẽxẽ, erü taxuxü̃ma nüxü̃́ naguxcha nax tüxü̃ naporamaexẽẽxü̃ woo imuxgu rüe̱xna inoxregu —ñanagürü.

1 Chamué 14:1

Wüxi ga ngunexü̃gu ga Yonatáü̃ ga Chaú nane, rü norü ngü̃xẽẽruü̃xü̃ ñanagürü: —¡Ngĩxã tichoü̃ i ñaa natü rü naxca̱x ítayaxüãchi i Firitéugüarü churaragü i tocutüwa ngẽxmagüxü̃! —ñanagürü. Natürü nüma ga Yonatáü̃ rü tama nanatümaxã nüxü̃ nixu ga yema naxüxü̃. Rü nüma ga nanatü ga Chaú rü wüxi ga ma̱xpǘnearü tuãchiwa nayexma, natüxü̃wa ga wüxi ga nai ga granada. Rü yema nachicawa nixĩ ga duü̃xü̃gü trigu pu̱xgüxü̃ rü nüma ga Chaú rü yéma nayexma namaxã ga 600 ga churaragü ga íyaxümücügüxü̃.

1 Chamué 13:3

Rü nüma ga Yonatáü̃ rü naxca̱x ínayaxüãchi ga guma Firitéugüarü churaragüpata ga Guibeáwa yexmane rü nanadai. Rü nüma ga Firitéugü rü nüxü̃ nacuáchigagü. Rü yemaca̱x nüma ga Chaú rü nanamu nax guxü̃wama ga Iraéanewa nagu yacuegüxü̃ca̱x ga cornéta nax yemaacü nüxü̃ nacua̱xgüxü̃ca̱x ga Iraéanecüã̱xgü.

2 Chamué 8:7

Rü yemawena ga Dabí rü nanade ga yema Adáx-échearü churaragüerugüarü poxü̃ruü̃gü ga úirunaxca̱x, rü ñu̱xũchi Yerucharéü̃wa nanana.

2 Chamué 10:19

Rü guxü̃ma ga yema ãẽ̱xgacügü ga Adáx-échewa ügüxü̃ rü yexguma nüxü̃ nadaugügu nax Iraétanüxü̃ nüxü̃ rüporamaegüxü̃, rü Iraétanüxü̃maxã narüngüxmüe rü naxme̱xwa nügü naxügüxẽxẽ. Rü yexgumaü̃cüxü ga nüma ga Chíriaanecüã̱xgü rü namuü̃e nax Amóü̃tanüxü̃xü̃ nangü̃xẽẽgüxü̃.

Nüxíraxü̃xü̃ ga popera ga ãẽ̱xgacügüchiga 4:21

Rü yema naane ga Charomóü̃ namaxã icuáxü̃ rü taxtü ga Eufrátewa inaxügü ga éstewaama ñu̱xmata Firitéugüarü üyeanewa rü Equítuanearü üyeanewa nangu ga oéstewaama. Rü guxü̃ma ga yema nachixü̃anegü ga Charomóü̃ namaxã icuáxü̃ rü nanaxütanügü ga diẽru ga Charomóü̃ unagüxü̃. Rü Charomóü̃me̱xẽwa nayexmagü ga yexguma namaxü̃gu.

2 Chamué 5:10

Rü nüma ga Dabí rü yexeraãcü niporachigü. Rü nüma ga Cori ya Tupana ya Guxü̃étüwa Ngẽxmacü rü nüxü̃ narüngü̃xẽxẽ.

Norü taxre ga popera ga ãẽ̱xgacügüchiga 1:1

Nawena ga nax nayuxü̃ ga ãẽ̱xgacü ga Acáx rü nüma ga Moátanüxü̃ rü Iraéanecüã̱xgümaxã nanue rü tama nanaxütanügüchaü̃ ga yema diẽru ga Iraéanearü ãẽ̱xgacü nagu unetaxü̃.

Norü taxre ga popera ga ãẽ̱xgacügüchiga 3:4

Rü Mechá ga Moáanearü ãẽ̱xgacü rü carnéruarü yaẽxẽwa napuracü. Rü yemaca̱x ga Iraéanearü ãẽ̱xgacü rü namaxã nanaxuegu nax naxütanüãxü̃ca̱x ga 100,000 ga carnérugü rü naétü 100,000 ga carnérugüta̱xagü.

Norü taxre ga popera ga ãẽ̱xgacügüchiga 14:28

Rü guxü̃ma ga yema Yeruboáü̃chiga rü yema naxüxü̃chiga, rü norü porachiga, rü norü dai ga togü ga nachixü̃anegümaxã naxüxü̃chiga, rü ñuxãcü Iraéaneca̱x yapuãxü̃ ga guma ĩanegü ga Damácu rü Amá, rü guxü̃ma ga yema rü yema popera ga Iraéanearü ãẽ̱xgacügüchiga nagu ümatüxü̃gu naxümatü.

Norü taxre ga popera ga ãẽ̱xgacügüchiga 18:7

Rü yemaca̱x ga Cori ya Tupana rü poraãcü nüxü̃ narüngü̃xẽxẽ. Rü guxü̃ma ga ta̱xacü ga naxüxü̃wa rü meama nüxü̃́ ínananguxuchixẽxẽ. Rü nüma ga Echequía rü tama Achíriaanearü ãẽ̱xgacüga naxĩnü rü tama naxme̱xwa nügü nayexmaxẽẽchaü̃.